KORONAVİRUSA YOLUXANLARIN SAYI - CANLI STATİSTİKA

Xaşın cana 15 faydası — Düzgün yeyilmə qaydası

Xaşın cana 15 faydası
01:00
08.11.2019
2982
Maraqlı
A
Xaş Orta Şərq və Cənubi Qafqaz mətbəxinin ən çox sevilən yeməklərindən biridir. Xaşa dünyanın müxtəlif ölkələrində fərqli adlar verilib. Xaşın hazırlanma prosesi xeyli vaxt və zəhmət tələb edir.

"Ölkə.Az" Medicina.az-a istinadən xəbər verir ki, türkiyəli doktor Canan Karatay xaşın hətta uşaqlara və xərçəng xəstələrinə də faydalı olduğunu bildirib.

Onun sözlərinə görə, yağı və kalorisi olduqca yüksək olan xaş ilk növbədə insan orqanizminə bol enerji verir:

"Xaş uşaqlar üçün də faydalıdır. Onun tərkibindəki maddələr inkişaf mərhələsində olan uşaqlar üçün faydalıdır. Xərçəng xəstələrinin müalicədən müsbət nəticə əldə etmələrində xaşın müsbət təsiri var. Xərçəng xəstəliyi ilə mübarizədə hədsiz faydalı olan kollagen adlı maddə xaşın tərkibində boldur. Çünki bu maddə əsasən sümük suyunda, xaşda və toyuq şorbasında olur. Bu səbəbdən xərçəng xəstələri üçün xaş olduqca faydalı bir yeməkdir".

Bundan əlavə xalq arasında belə bir fikir var ki, bir insanın qolu sınanda və ya çıxanda ona xaş yemək məsləhət görülür. Araşdırmalarımız göstərir ki, bu, həqiqətən də belədir. Sümüklərin güclənməsində xaşın faydalı olduğu qənaətinə gəlmək olar. Canan Karatay kökəlmək arzusunda olanlara da xaş yeməyi məsləhət görür:

"Amma kimlər ki, kökəlmək istəmir onların xaş yeyəndən sonra piyada gəzmələri, yaxud fiziki işlə məşğul olmaları vacibdir".

C. Karatay deyir ki, xaş soyuqvurmadan əziyyət çəkənlərin müalicəsinə də müsbət təsir göstərir:

"Xaşı bir növ vitamin deposu hesab etmək olar. Tərkibindəki maddələr, vitaminlər soyuqvurmadan sürətli şəkildə xilas olmağa imkan verir".

Doktorun sözlərinə görə, xaş sümükləri gücləndirməklə, inkişaf etdirməklə yanaşı, sümük ağrılarını da azaldır.Xaşın yanında limon, sarımsaq, turp kimi tərəvəzlərdən istifadə xolestrolu və təzyiqi nizamlayır. Kalsium, maqnezium və fosfor çatışmazlığından qaynaqlanan problem yaşayanlar üçün xaş idealdır.

Qan azlığından əziyyət çəkənlər tez-tez xaş yeməklə bu problemi tədricən aradan qaldırmış olarlar. Davamlı olaraq xaş yeyən insanların üz dərisi də sağlamlaşır, qüsursuz görünür. Xaş Omega-3 baxımından da olduqca zəngindir. Xaş qış aylarında artan xəstəliklərə qarşı qalxan rolunu oynayır.

Bundan əlavə xaşın orqanizmə aşağıdakı faydaları da var:

-Xaş orqanizmə güc verir, orqanizmi möhkəmləndirir, zəifliyi aradan qaldırır.

-Xaş beyin üçün ən faydalı yeməklərdən biridir. Onun tərkibində B qrupu vitaminləri, qlisin və polidoymamış yağlı turşular var. Bu maddələr beyinin sağlamlığını və normal fəaliyyəti üçün olduqca vacibdir.

-Xaşın tərkibində olan qlisin aminturşusu stresi və gərginliyi azaldır, sakitləşdirir, yuxunu tənzimləyir.

-B qrupu vitaminləri ilə zəngin olan xaşın qanazlığından əziyyət çəkənlərə də faydası var.

-Xaşın tərkibində olan kollagen dərini, birləşdirici toxumaları, bağ və oynaqları sağlam və cavan edir.

-Oynaq problemləri, osteoxondroz kimi pozulmaları olan insanlar mütləq xaş yeməlidir. Xaş oynaqların və fəqərə arası diklərin dağılmasını ləngidir.

-Xaşın tərkibində olan lizin aminturşusu kalsiumun mənimsənilməsini yaxşılaşdırır, immuniteti möhkəmləndirir, damarları genişləndirir.

-Xaş saçları daha sağlam edir, onların uzanmasını sürətləndirir.

Bütün bu faydalı xüsusiyyətlərə baxmayaraq xaş kifəyət qədər "ağır" yemək olduğunda onu tez-tez və çox yemək tövsiyə edimir.

 

ŞƏRH YAZ
0

COVID-19-a qarşı immunitet bu yolla da qazanılır — Alimlərdən ŞOK KƏŞF

COVID-19-a qarşı immunitet bu yolla da qazanılır
21:59
Bu gün
1030
Maraqlı
A
Koronavirus xəstələrinin ailə üzvlərinin testləri neqativ çıxmağına baxmayaraq, COVID-19-a qarşı immunitetli ola bilərlər. Alimlər bu fenomeni "səssiz immunitet" adlandırıb.

"Ölkə.Az" xəbər verir ki, bu, standart testlə, yəni antikorların qan analizindən istifadə edərək aşkar edilə bilməz, ancaq infeksiyaya qarşı mübarizə aparan "yaddaş" T hüceyrələrini müəyyən etməklə ortaya çıxa bilər.

T hüceyrələri bədənin əsas silahıdır, virusları öldürmək üçün sümük iliyindəki ağ qan hüceyrələrindən ifraz olunur. İmperator Kollecinin və İngilis İmmunoloqlar Cəmiyyətinin alimləri bildirib ki, yoluxmuş şəxslərlə yaşayanların dörddə üçü (səkkizindən altısı) bu cür "sakit" və ya gizli immunitetə sahib olur.

"Qanda antikorları olmayanlar T hüceyrə reaksiyasına daha dərindən reaksiya verirlər", - deyə immunoloq və mütəxəssislər bildirib. Bu, yeni tip koronavirus testlərinin perspektivini açır.

Tədqiqatlar Avropanın müxtəlif şəhərlərində aparılıb. Təcrübə iştirakçıları ən azı bir nəfərin yoluxmuş olduğu ailələr olub. Alimlər bəzi insanların yaxınlarından infeksiya almadıqlarını, lakin antikor testinin mənfi olduğunu diqqətə çatdırıb. T hüceyrələrini sınamağa başlayanda məlum olub ki, yarıdan çoxu hələ də virusdan qoruyur.

"COVID-19 immunitetinin qeyri-adi göründüyünə dair sübutlar var, çünki bəzi insanlar yalnız yaddaş T hüceyrələrindən immuniteti göstərirlər", - İmperator Kollecinin professoru Deni Altmann deyib. (publika.az)

ŞƏRH YAZ
0

15 yaşında itirdiyi pul qabını 73 yaşında tapdı

15 yaşında itirdiyi pul qabını 73 yaşında tapdı
01:20
Bu gün
2923
Maraqlı
A
ABŞ-da Kaliforniya ştatının Loday şəhərinin sakini Donna Braun 15 yaşında itirdiyi pul qabını 58 il sonra tapıb.

"Ölkə.Az" trend-ə istinadən xəbər verir ki, 1962-ci ildə baş verib. O, kinoteatrda olarkən pul qabını itirib.

Bir müddət axtarışlar nəticə vermədikdən sonra həmin əşya unudulub. D.Braunun sözlərinə görə, pul qabında fotoşəkillər, sənədlər və iş icazəsi olub.

Həmin pul qabını kinoteatrın yeni sahibi binanı təmir etdirərkən tapıb. Orada olan fotoşəkillər sosial şəbəkədə yerləşdiriləndən sonra qadın üzə çıxıb.

Ölkə.Az

ŞƏRH YAZ
0
BAĞLA