Xərçəng xəstəliyi keçicidirmi?

Xərçəng xəstəliyi keçicidirmi?
23:47
02.12.2017
7947
Maraqlı
A
Xərçəng xəstəliyinin yayılması o qədər sürətlənib ki, hazırda bu xəstəliklə mübarizə aparan şəxslərin sayı yüzlərlədir.

Xərçəng xəstəsi qədər onun ailə üzvləri də əziyyət çəkir. Belə ki, yaxınları xəstəni tez-tez həkimə aparır, qulluq edir. Xüsusən ən ağır - son mərhələdə olan xəstələri həkimlər evə buraxır və evdə qalmasını məsləhət görür. O zaman ailə üzvləri xəstəyə daha yaxın olur, daha çox qayğı göstərir, əzizləyir. Bir çox ailələr, imkanı varsa, xüsusi baxıcı tutur, imkanı olmayanlar isə vaxt və güclərini xəstəyə qulluğa sərf edirlər. Amma çox insanları bir sual narahat edir: görəsən, xəstə adamdan digər adama xərçəngin ötürülməsi, yoluxdurulması mümkündürmü?

Ölkə.Az Medicina.az-a istinadən bildirir ki, xərçəngin yoluxucu olub-olmamasıyla bağlı araşdırma aparıb.

Məlum olub ki, onkoloqlar xərçəng xəstələrinin ailə üzvlərinə bunun keçici olmadığı cavabını verib, onları arxayınlaşdırır. Həqiqətən də, həkimlər, xəstəxanadakı tibb bacıları onkoloji xəstələrdən qorunmur və yoluxmurlar da. Tibdə bu xəstəliyin ötürülməsi ilə bağlı sübut və faktlar yoxdur. Amma elə viruslar var ki, zəif immunitetli insanlara keçərsə, onda xərçəng xəstəliyini oyada bilər. Məsələn: mədə-bağırsaq xərçəngi olan insanla mədə-bağırsaq xorası olan insanın öpüşməsi təhlükəlidir. Yəni mədə xərçəngi olan nənəni mədəsində xora olan zəif bir nəvənin tez-tez öpməsi təhlükəli ola bilər. Çünki mədə xərçəngini Helikobakter adlı mikrob törədir. Sağlam mədə qişası və güclü immuniteti olan insan üçün bu mikrob təhlükə yaratmır. Amma zəif mədədə bu mikrob iltihab yaradır ki, bu da zamanla xərçəngə çevrilir. Bu mikrob tüpürcək suyu ilə digər adama keçə bilər.

Bundan başqa, Hepatit C və B də qaraciyər xərçəngində rol oynayır. Bu virusa qan və cinsi yolla yoluxmaq olar. Ona görə evdə qaraciyər serrozu, xərçəngi olan ailə üzvü varsa, iynə vurarkən, həmin adamın yarasını təmizləyərkən maksimum qorunmaq lazımdır.

Daha bir vacib məqam isə odur ki, qadınlarda uşaqlıq boynu xərçəngini papilloma virusları yaradır. Planetin hər 5 qadınından biri bu virusa imtim əlaqə yolu ilə yoluxur. Papilloma virusu aktiv çoxalır, immun sistemini pozur, uzun müddətdən sonra xərçəngə çevrilə bilir. Qoruyucu vasitələr bu virusdan qorumaqda zəifdir. Ona görə bu gün uşaqlıq boynu xərçəngindən peyvənd olunması ciddi təbliğ olunur və 10-23 yaş arası bütün qızlara olunmalıdır. Papillomaya yoluxduqdan sonra peyvəndin vurulması mənasızdır.

ŞƏRH YAZ
0

Yol kənarındakı qurumuş ağacları sənət əsərlərinə çevirdi — VİDEO

Yol kənarındakı qurumuş ağacları sənət əsərlərinə çevirdi
01:30
Bu gün
312
Maraqlı
A
Şəki sakini yol kənarındakı qurumuş agacları bəzək əşyalarına çevirib.

"Ölkə.Az" xəzər tv-yə istinadən bildirir ki, söhbət Şəki şəhərinin mərkəzi kücələrindən sayılan 20 yanvar kücəsindən gedir. Məktəbin qarşısındakı quruyan nəhəng ağacın kəsilməsini istəməyən rayon sakini Camaləddin Xəlilov qeyri-adi təşəbbüs göstərib. O, ağacın dibini betonlayıb, 5-6 metr hundürlukdə gövdənin çürük yerlərini dolduraraq ona göz oxşayan dizayn verib. Aylarla vaxt itirərək ağacın gövdəsində ölkəmizdə yaşayan quşların şəklini cəkib. Quşların yaşaması üçün damlar da düzəldib.

Onun bu təşəbbəsünü rayon sakinləri də müsbət qarşılıyblar.

Camaləddin Xəlilov ətrafdakı ağaclara da qulluq göstərir. Boş olan torpaq sahələrinə isə yeni agaclar əkir.

Mövzu ilə bağlı daha ətraflı videomaterialı təqdim edirik:

Ölkə.Az

ŞƏRH YAZ
0

Hisslərinizin əsiri olmayın, məntiqi unutmayın — Günün ulduz falı

Hisslərinizin əsiri olmayın, məntiqi unutmayın
00:35
Bu gün
763
Maraqlı
A

Qoç - günün ilk yarısı emosional zamandır. Hisslərinizin əsiri olmayın, məntiqi unutmayın. Cari məsələlərin həllində təxəyyülü işə salın. Yarımçıq işləri başa vurun.
Günün ikinci yarısında qrup və ya kollektiv şəkildə çalışmaq olar. Ümumi məqsəd, eyni hədəf uğuru sürətləndirə bilər. Yaxın ətrafınızdakı insanlara sayğı bəsləyin. 
Axşam saatları romantik anlar vəd edəcək.

Buğa - özünüzdən bədgüman olmayın. Qüvvənizə, iradənizə inansanız, daha yaxşı nəticələrə nail ola bilərsiniz, Biznesi inkişaf etdirmək, daha yaxşı nəticələr əldə etmək üçün yaxşı zamandır.
İntizamlı olun. Öhdəlikləri və vədləri unutmayın.
Günün ikinci yarısında tərəfdaşlarla münasibətlərə xüsusi diqqət yetirin. Dəyər verdiyiniz insanlarla əlaqələrinizi yeniləyin. Mövqelərinizi gücləndirə bilərsiniz.
İşlərin daha yaxşı olması üçün məsləhətlərə qulaq asın.
Axşam saatlarnı şəxsi münasibətlərə ayırın.

Əkizlər - yeni münasibətlərin yaxşı perspektivləri olacaq. Gündəlik işdən usanmayın, rutin qayğılar sizdə narazılıq hissi yaratmasın. İşdə həmkarlarla ünsiyyətdə anlaşılmazlıq yarana bilər. Bunun səbəbi rəqabət və anlaşılmazlıqdır.
Günün ikinci yarısında hansısa məqamı araşdırmağa çalışaraq əlaqələri daha da kəskinləşdirməyin. Öhdəlikləri vaxtında yerinə yetirin.
Sevdiyiniz insanın qayğısına qalın.
Axşam saatlarında normal istirahət edin.

Xərçəng - səhər saatlarından etibarən əhvalınız yaxşı olacaq. Ruhdan düşməyin, qətiyyətli və iradəli olun. Nikbinlik cari məsələlərin öhdəsindən daha sürətlə gəlməyə imkan verəcək.
Günün ikinci yarısında təcrübəli insanın məsləhət və göstərişlərindən yararlanın. Belədə maraqlandığınız işdə sürətlə irəliləyəcəksiniz.
Diqqətli olun, xırda detalları nəzərdən qaçırmayın.
Yaxınlarınızla aranızdakı fikir ayrılıqlarını aradan qaldırın.

Şir - səhər saatlarından etibarən yaxınlarınızla ünsiyyətdə etimad amilinə xüsusi diqqət yetirin. Soyuqqanlı və təmkinli olsanız, cari fəaliyyətinizdə yaranacaq istənilən çətinliyi dəf edə bilərsiniz.
Günün ikinci yarısında hadisələrin sürətli inkişafı sizdə müsbət emosiyalarla yanaşı, mənfi hisslər də yarada bilər. Həmkarlarla, tərəfdaşlarla münaqişə yaratmayın. İstənilən mübahisəli məsələni konstruktiv həll etmək olar.
Axşam saatları durğunluqdan uzaq durun.

Qız - səhər saatlarından etibarən zəhmət çəkməyə, intensiv çalışmağa hazır olun. İşinizi sevirsinizsə, yaxşı nəticələrə nail olacaqsınız.
Gəlirlərin artması yaxşı stimul olacaq.
Günün ikinci yarısında işdə rəhbərlikdən tərif ala bilərsiniz. Karyera müstəvisində irəliləyişlər barədə düşünün. Dəyər verdiyiniz insanla laqeyd davranmasanız, o, sizə dəstək verəcək.
Axşam saatlarında normal istirahət üçün evdən çıxın.

Tərəzi - təmkinli, intizamlı, soyuqqanlı olun. Tənbəllik etməyin. Çətinliklərin qarşısından geri çəkilməyin. Maneələri dəf etmək üçün bütün vasitələrə əl atın. Əks təqdirdə əməyinizin sonucları əhəmiyyətli olmayacaq.
Günün ikinci yarısında hətta çözüm yollarına yaxşı bələd olmadığınız məsələnin həllində sürətli olun. Aktivlik günün şüarıdır. Axşam saatlarında alış-verişə yollanmaq olar.
Özünüzə fikir verin.

Əqrəb - yaxın gələcəklə bağlı planlara dəyişikliklər etmək zamanıdır. Fəaliyyətinizdə impulsiv olmayın, risklərə aldanmayın. Vədlər və təklifləri diqqətlə dinləyəndən sonra qərar verin. 
Günün ikinci yarısında kiçik çətinliklər və problemlər sizi ruhdan salarsa, əmək fəaliyyətinizdə geriləmələr olacaq. Həmkardan, tərəfdaşlardan məsləhət istəmək, yardım gözləmək olar.
Şəxsi münasibətlərdə təşəbbüskar olun. Rəğbət bəslədiyiniz adamla söhbətinizdə hisslərinizi gizlətməyin.

Oxatan - günün ilk yarısından etibarən aktiv çalışsanız, məqsədlərinizə nail olacaqsınız. Maneələrlə yanaşı, daxili sədləri dəf etmək üçün ətalətdən, passivlikdən uzaq durun. Hiss və həyəcanlar sizi kursdan çıxara bilər. Yolunuza davam edin.
Günün ikinci yarısında köhnə dostlardan və ya tanışlardan birini görəcəksiniz. 
Faydalı əlaqələri inkişaf etdirin. Mənasız münasibətləri başa vurun.

 Oğlaq - gün ərzində planlarınızı dəyişməli, bəzi məramları təxirə salmalı olacaqsınız.
Yarımçıq qalmış işi inandığınız insanlarla əlbir şəkildə başa vurun.
Uzaqgörən, təmkinli, sayıq olun.
Günün ikinci yarısında bir qədər nevroz durum, gərginlik yaranacaq.
Təşəbbüslərlə tələsməyin. Problem yaranarsa, onu dərhal həll etməyə çalışın.

Dolça - problemli gündür. Müşkülləri ciddiləşməyə qoymayın. Qətiyyət, əzm və iradəniz, habelə praktik davranışınız mühüm işlərin öhdəsindən tezliklə gəlməyə imkan verəcək.
Günün ikinci yarısı ünsiyyət, qeyri-rəsmi təmaslar və işlə bağlı danışıqlar üçün əlverişlidir.
Aldığınız məsləhətləri düşünmədən rədd etməyin: onların arasında xeyirlisi var.

Xoş sürpriz, hədiyyə istisna deyil. Yaşam potensialı yüksəkdir.

Balıqlar - ön planda iş olmalıdır. Xırdalıqlar və detallara diqqətli olun. Xaosu aradan qaldırın, aldığınız məlumat və informasiyanı sistemləşdirin.
Pəhriz, orqanizmi yüngülləşdirmək, yüngül kosmetik prosedurlarda fayda var.
Ailə üzvləriniz və qohumlarınızla münasibətlərdə ciddi mövzu yarana bilər.
Qarşılıqlı anlaşmaya nail olmaq, yaşlılarla cavanların maraqlarını uzlaşdırmaq çətindir. Ailənin yaşlı üzvləri ilə münasibətlərdə həssas və şəfqətli olun.

Ölkə.Az

ŞƏRH YAZ
0
BAĞLA