Xərçəng xəstəliyinə tutulmuş azərbaycanlı məşhurlar

Xərçəng xəstəliyinə tutulmuş azərbaycanlı məşhurlar
11:25
08.10.2017
1161
Mədəniyyət
A

Bəşəriyyətin ən böyük bəlalarından biri olan xərçəng xəstəliyi Azərbaycan səhnəsindən də uzaq keçməyib. Bu xəstəlikdən əziyyət çəkən, buna qarşı mübarizə aparan və bu xəstəliyə qurban gedən aktyor və aktrisalarımız olub. Maraqlıdır, bu xəstəliyin səhnəmizdən apardığı aktyorlarımız kimlərdir? İndi kimlər bu xəstəliklə birlikdə səhnədə oynayır?

Ölkə.Az axar.az-a istinadən xəbər verir ki, məşhur Azərbaycan sovet aktrisası, Azərbaycan SSR-ın əməkdar artisti, Azərbaycan SSR Dövlət mükafatı laureatı, gözəl sənətkar Vəfa Fətullayeva gənc yaşında bu xəstəliyə düçar olub. Uzun müddət xərçənglə mübarizə aparan gözəl sənətkar 41 yaşında dünyasını dəyişib.

Azərbaycan kino rejissoru və aktyoru, ssenari müəllifi, Azərbaycanın əməkdar artisti, mərhum dəyərli sənətkar Şahmar Ələkbərov da xərçəng xəstəliyinə tutulan sənətkarlardandır. O, uzun müddət dil xərçəngindən əziyyət çəkib. Aktyor 1992-ci ildə 48 yaşında Bakıda vəfat edib.

Sovet və Azərbaycan kino və teatrının əvəzedilməz aktyoru, əməkdar artist Hamlet Qurbanov da uzun müddət xərçəng xəstəsi olub. Aktyor 1995-ci ildə, 55 yaşında xərçəng xəstəliyindən vəfat edib.

Əməkdar artist, Akademik Milli Dram Teatrının aktyoru Ələsgər Məmmədoğlu qaraciyər xərçəngindən əziyyət çəkib. Aktyor öldüyü günə qədər xərçəng xəstəsi olduğunu bilməyib. Bir müddət müalicə alan sənətkar 2015-ci il dekabrın 21-də 69 yaşında vəfat edib.

Əməkdar artist, Musiqili Teatrın aktrisası Xanım Qafarova uzun müddət süd vəzisi xərçəngindən əziyyət çəkib. O, 2014-cü il iyulun 11-də, 47 yaşında bu xəstəlik səbəbilə dünyasını dəyişib.

Gözəl aktrisamız, əməkdar artist Gülnar Salmanova da 2015-ci ildə uzun müddət əziyyət çəkdiyi xərçəng xəstəliyi səbəbindən dünyasını dəyişib.

Lakin sevindirici haldır ki, zamanında bu xəstəliyə düçar olub, sonradan aldıqları müalicə və göstərdikləri əzm səbəbindən xərçəngə qalib gələn sənətçilərimiz də var.

Onlardan biri də əməkdar artist, sevilən aktrisa Kübra Əliyevadır. Kübra xanım uzun illər süd vəzisi xərçəngindən əziyyət çəkib. Ağır əməliyyatlar keçirən K.Əliyevanın müalicələri hazırda da davam edir. Aktrisa hətta müalicəsi zamanı saçlarını da tamamilə qırxdırmağa məcbur olmuşdu.

Əməkdar artist, Akademik Milli Dram Teatrının aktrisası Hicran Nəsirova da süd vəzisi xərçəngindən əziyyət çəkib. Uzun illər əvvəl Moskvada ağır əməliyyat keçirən H.Nəsirova hazırda səhnədədir və sənət fəaliyyətini davam etdirir.

Əməkdar artist Kəmalə Müzəffər də xərçəng xəstəliyi ilə mübarizə aparan məşhurlardandır. Onun üz nahiyyəsində bazalioma (ən çox yayılan dəri xərçəngi) aşkarlanıb. Əməliyyat keçirən aktrisa, mütəmadi olaraq həkim müayinə və nəzarətindən keçir.

Əməkdar artist Coşqun Rəhimov da neçə illərdir qalxanabənzər vəzinin xərçəngi ilə mübarizə aparır. Aktyor üç dəfə əməliyyat olunub və hazırda vəziyyəti normaldır.

ŞƏRH YAZ
0

Sərxan Sərxan: "Sənətdə heç vaxt pul, şöhrət dalınca qaçmamışam"

Sərxan Sərxan:
13:27
20.07.2018
2542
Mədəniyyət
A
"40 ildir sənətdə, səhnədəyəm. Düz 30 il öncə Əməkdar artist fəxri adına layiq görüldüm. Bu il isə mayın 27-də ölkə prezidenti tərəfindən Xalq artisti fəxri adını aldım. İnanın ki, nə o vaxt, nə də indi xəbərim olmuşdu.Hətta dostlarımdan biri zəng vurub təbrik edəndə bildirdim, niyə tələsirsən, ad günümə hələ 20 gün qalır, qayıdıb dedi ki, ad gününü yox, Xalq artisti adını təbrik edirəm."

"Ölkə.Az" Oxu.Az-a istinaən  xəbər verir ki, bunu tanınmış sənətkar, Xalq artisti Sərxan Sərxan deyib.

O qeyd edib ki, sənətdə heç vaxt pul, şöhrət dalınca qaçmayıb. Xalq artistinin sözlərinə görə, sənətə pulun gözü ilə baxmaq düzgün deyil, sənətə sənət naminə gəlmək lazımdır və yalnız o zaman uğur qazana bilərsən.

Tanınmış sənətçi həm adının, həm soyadının Sərxan olmasına da aydınlıq gətirib.

Bildirib ki, gənc vaxtlarından Bakıdan Moskvaya üz tutmalı olub və o vaxt onu təqdim edərkən aparıcı soyadını söyləməkdə xeyli çətinlik çəkməli olub:

“Mənim gözəl soyadım var - Qurbanbəyov. Sərxan da babamın adıdır. Gördüm ki, soyadımı çəkməyə çətinlik çəkir, rus aparıcıya dedim ki, Sərxan Sərxan de (gülür). Elə ötən əsrin 80-ci illərindən də Sərxan Sərxan oldum və belə təqdim edildim.

Eyni zamanda, Sərxan adı o vaxt yeni və az qoyulan adlardan olduğu üçün mənim pərəstişkarım olan azərbaycanlıların - içərisində Rusiyada, ovaxtkı SSRİ-də yaşayan soydaşlarımız da var - bir çoxu övladlarına Sərxan adı verməyə başladılar. İndi həmin sərxanların bir çoxu ailə-uşaq sahibi olublar”.

S.Sərxan mərhum dövlət başçısı Heydər Əliyevlə bağlı maraqlı xatirəsini danışıb:

“Böyük dövlət adamı olan Heydər Əliyev hər zaman sənətə, sənət adamlarına xüsusi diqqət yetirib. Daim dövlət konsertlərindən sonra səhnənin arxasına gələrək sənət adamları ilə görüşüb, söhbətləşib. Bir gün yenə dövlət konsertlərindən biri idi, Heydər Əliyev konsertdən sonra sənət adamları ilə görüşürdü.

Hamı ilə Azərbaycan dilində danışırdı, mənə çatanda isə rus dilində danışdı. Dedim ki, Heydər Əliyevic, mənimlə də azərbaycanca danışın. O da gülə-gülə və özünəməxsus amiranəliklə dedi ki, o zaman sən də azərbaycanca oxu (gülür).

Bu söz məni əməlli-başlı tutdu. Elə həmin gün bir nəfər televiziyada çalışan dostum mənə bir xeyli şeir təqdim etdi. Əksəriyyəti də Tofiq Bayramın şeirləri idi, özü də hamısı gözəl idi.

Onlardan birini, tez bir zamanda hitə çevrilən “Ay gecikən məhəbbətim” şerini seçdim və ona musiqi bəstələdim, elə həmin gün, bir anın içində... Bu mahnım Azərbaycanla yanaşı, Moskvada, keçmiş SSRİ-də də çox məşhur oldu”.

ŞƏRH YAZ
0

Azərbaycanda iki teatra yeni direktorlar təyin olundu

Azərbaycanda iki teatra yeni direktorlar təyin olundu
17:22
17.07.2018
5072
Mədəniyyət
A
Azərbaycandaiki teatra yeni direktor təyin edilib.

"Ölkə.Az"ın "Report"a istinadən xəbərinə görə, Gənc Tamaşaçılar Teatrının keçmiş direktoru Mübariz Həmidov Sumqayıt Dövlət Dram Teatrına direktor təyin olunub. Sumqayıt şəhər İcra Hakimiyyəti başçısının I müavini Teymur Səmədov və Mədəniyyət Nazirliyinin İncəsənət şöbəsinin müdiri İsmayıl Hüseynov Mübariz Həmidovu kollektivə təqdim ediblər.

Sumqayıt Dövlət Dram Teatrının sabiq direktoru İslam Həsənov YUĞ teatrına direktor yeni təyin olunub.Qeyd edək ki, bundan əvvəl YUĞ teatrında direktor əvəzi vəzifəsini Kukla Teatrının direktoru Rəşad Əhmədov icra edirdi.

ŞƏRH YAZ
0
BAĞLA