Xərçəng xəstəsi uşaq bacısının anadan olmasını gözlədi və vəfat etdi

Xərçəng xəstəsi uşaq bacısının anadan olmasını gözlədi və vəfat etdi
11:26
13.01.2018
1501
Dünya
A
Britaniyada 9 yaşlı Beyli Kuperin faciəvi ölümü bir çox insanın sarsılmasına səbəb olub.

"Ölkə.Az" xəbər verir ki, xərçəng xəstəsi Beyli bacısının anadan olmasını gözləyib və ertəsi gün vəfat edib. Həkimlər bu vaxta qədər uşağın yaşayacağını desələr də, Beyli bacısının doğuşunu gözləyəcəyini bildirmişdi.

Bir il əvvəl Kuperə xərçəng diaqnozu qoyulub. Uşaq müalicə olunsa da, həkimlər ümidlərini üzmüşdülər. Çünki xəstəlik üçüncü inkişaf mərhələsində idi.

Onun anası 28 yaşlı Reyçel noyabr ayında qız övladını dünyaya gətirib. Beyli bacısını görmək istəyib və 22 dekabrda onu bacısı ilə tanış ediblər. Beyli bacısını qucaqlayıb  və ona Milli adını verib. Bir gün sonra isə 9 yaşlı uşaq vəfat edib.

Hikmət Həsənov
Ölkə.Az

ŞƏRH YAZ
2

Tramp onu təhqir edən aparat rəisinə əvəz tapdı

Tramp onu təhqir edən aparat rəisinə əvəz tapdı
01:30
Bu gün
773
Dünya
A
ABŞ prezidenti Donald Tramp Ağ Evin aparat rəhbəri vəzifəsini icra etmək üçün Mik Malveynini təyin edib.

"Ölkə.Az" xəbər verir ki, bu haqda “BBC News” məlumat yayıb.

Trampın “Twitter”də verdiyi açıqlamaya görə, Malveyninin sələfi general Con Kelli bu ilin sonunda vəzifələrinin icrasını dayandıracaq.

Tramp 68 yaşlı Kelliyə göstərdiyi xidmətə görə təşəkkür edərək, onun əsl vətənpərvər olduğunu bildirib.

Halbuki ABŞ mətbuatı onların arasında münasibətlərin birmənalı olmadığını yazır. Belə ki, məlumata əsasən, general Kelli postda olduğu müddətdə dəfələrlə Trampı dikbaşlıq edən “səfeh” adlandırıb.  

Bu haqda amerikalı veteran, araşdırmaçı-jurnalist Bob Vudvordun “Qorxu: Tramp Ağ Evdə” (2018) adlı memuarlarından ibarət kitabında daha geniş məlumat təqdim olunub.

İddianın mətbuata sirayət etməsindən sonra Kelli onun Ağ Ev rəhbərini təhqir etməsi ilə bağlı şayiələri hər vəchlə inkar edirdi. Nəticədə, onların münasibətləri o dərəcədə korlandı ki, Kelli və Tramp faktiki olaraq bir-biri ilə danışmırdılar.

Yeni təyinat alan aparat rəhbəri Mik Malveyni 51 yaşındadır. ABŞ prezidenti administrasiyasının inzibati-büdcə idarəsinə rəhbərlik edir. Həmin qurum Konqresə təqdim olunmazdan əvvəl illik federal büdcə layihəsini hazırlayır.

Ağ Evin sözçüsü Sara Sanders bildirib ki, yeni təyinat almasına rəğmən, Malveyni  əvvəlki vəzifəsini qoruyub-saxlayacaq.

Ölkə.Az

ŞƏRH YAZ
0

Bütün ermənilərin katolikosu II Qareginin istfası tələb edilir — 2 nəfər hücuma məruz qalıb

Bütün ermənilərin katolikosu II Qareginin istfası tələb edilir
01:01
Bu gün
592
Dünya
A
Ermənistanın Eçmiədzin şəhərində "Yeni Ermənistan, Yeni Katolikos" hərəkatının etiraz aksiyası zamanı 2 nəfər xəsarət alıb.

 "Ölkə.Az" xəbər verir ki, news.am bu barədə Ermənistan Silahlı Qüvvələrinin mətbuat xidmətinə istinadən məlumat verib.

Qeyd edək ki, bu gün "Yeni Ermənistan, Yeni Katolikos" hərəkatının üzvləri, bütün ermənilərin katolikosu II Qareginin və tərəfdarlarının istefasını tələb etməklə, Eçmiədzində bir qarşıdurma yaradıblar. II Qareginin tərəfdarları rəqiblərinə bədən xəsarəti yetirib, avtomobillərə zərər verərək yumurta atıblar.

Hazırda "Yeni Ermənistan, Yeni Katolikos" təşəbbüsü üzvləri polis idarəsinin binası qarşısında mühafizəçilər tərəfindən baş verənləri düzgün qiymətləndirməyi tələb edərək etiraz aksiyası keçirirlər.

Xatırladaq ki, "Yeni Ermənistan, Yeni Katolikos" hərəkatının iştirakçıları iyun ayından etibarən etiraz aksiyaları keçirirlər. Onlar bütün ermənilərin katolikosunun istefasını tələb edirlər.

Ölkə.Az

ŞƏRH YAZ
0
BAĞLA