Xərçəngin müalicəsi necə mümkün ola bilər?

İngilis həkim Con Robertson xərçəngin sadə bir qan testi ilə vaxtından əvvəl aşkarlana biləcəyi iddiasını irəli sürüb. Bu qan testi xəstənin immunitetində gələcəkdə xərçəngə yol aça biləcəck siqnalları tapır. Həkimin sözlərinə görə, test şiş yaranmamışdan 5 il öncə bu zərərli siqnalları müəyyən edə bilər. Yəni xərçəng qorxulu hala gəlmədən 5 il əvvəl aşkarlanacaq.

"Ölkə.Az" deyerler.org-a istinadən bildirir ki,  "Oncimmune" adlı test hələ minlərlə insan üzərində sınaqdan keçiriləndən sonra kütəvi halda tətbiqə başlanılacaq.

İkinci yol isə yeni dərmanlarla müalicədir. "1070916A" adlı dərman xərçəngli şişlərə birbaşa təsir edir və onların bölünüb yayılmasının qarşısını alaraq, xəstə hüceyrələri tamamilə məhv edir. Bu dərmanın ilk təcrübəsi isə böyrək xərçəngindən əziyyət çəkən Paul Vatkins adlı ingilis üzərində aparılır. O, müasir tibbdə çarələrin tükəndiyinə görə Kris Tvelvesin rəhbərlik etdiyi qrupun dərmanla müalicə sınağından keçməyi qəbul edib.

Əgər Vatkins üzərində aparılan bu pilot layihə nəticə versə, bu xərçəngin müalicəsində yeni cığır açacaq.