Xəstə qızını təhqir edəni qətlə yetirdi — TƏFƏRRÜAT

Xəstə qızını təhqir edəni qətlə yetirdi
14:10
16.05.2018
763
Hadisə
A
Bakı Ağır Cinayətlər Məhkəməsində həmkəndlisini tüfənglə qətlə yetirən şəxsin məhkəməsi başlayır.

 “Ölkə.Az”ın xəbərinə görə, cinayət məcəlləsinin 120.1-ci (qəsdən adam öldürmə) maddəsi ilə təqsirli bilinən Hidayətov Ehtiram Əliyar oğlunun məhkəməsi may ayının 18-nə təyin edilib. 

Xatırladaq ki, qanlı hadisə bu ilin fevral ayında baş verib. Xaçmaz rayonunun Çarxı kənd sakini, 1973-cü il təvəllüdlü Hidayətov Ehtiram Əliyar oğlu həmkəndlisi, 1973-cü il təvəllüdlü Cəfərov Əfqan Malik oğlunu söyüşə görə güllələyib.

Belə ki, Ehtiram Hidayətov ustadır və fərdi əməklə məşğul olub. O, bir müddət əvvəl Əfqan Cəfərovun evində usta kimi işləyib. Lakin Ə.Cəfərov ustanın pulunun bir hissəsini verməyərək ona borclu qalıb.

Həmin günlərdə Ehtiram Hidayətov xəstəlikdən əziyyət çəkən qızını növbəti dəfə İrana müalicəyə aparmalı olub. Maddi sıxıntılar yaşayan şəxs ona borclu olan həmkəndlisinə üz tutub və pulunu tələb edib. Bu zaman həmkəndlilər arasında mübahisə yaranıb.

Polisə könüllü təslim olan Ehtiram Hidayətov deyib ki, Əfqan onun xəstə qızını və ailə üzvlərini söyüb təhqir etdiyi üçün əsəblərinə hakim ola bilməyib. Bu səbəbdən də evə gələrək tüfəngi götürüb və Əfqanın olduğu yerə qayıdıb, onu güllələyib.

ŞƏRH YAZ
0

Gediş haqqına görə sürücünü döydülər — VİDEO

Gediş haqqına görə  sürücünü döydülər
09:12
Bu gün
76
Hadisə
A
Paytaxtdakı avtobuslardan birində sürücü ilə sərnişin arasındakı mübahisə soradan davaya çevrilib.

"Ölkə.Az" Xəzər TV-yə istinadən xəbər verir ki, hadisə 125 saylı marşrut üzrə hərəkət edən avtobusda baş verib. Avtobusa uşağı ilə minmək istəyən qadınla sürücü arasındakı mübahisə gediş haqqı üstündə yaranıb. Belə ki, sürücü qadından usağa görə də əlavə 25 qəpik ödəməyi tələb edib. Lakin sərnişin sürücünün bu tələbini yerinə yetirmək istəməyib.

Bu zaman salondakı sərnişinlərdən biri yaxınlaşaraq uşaq üçün də gediş haqqı ödəyib. Qadın sərnişin yenə mübahisəsini davam etdirərək sürücüyə “sən mənə 25 qəpik borclusan” deyib. Sürücü də öz növbəsində bildirib ki, ödənişi edən oğlan ödəməyəydi.

Bundan sonra oğlan və dostları sürücü ilə mübahisə etməyə başlayıblar. Sürücü onları mübahisəni sonuncu dayanacaqda davam etdirəcəyi ilə bağlı hədələyib. Sürücünün yoluna davam etməsi oğlanların aqresivləşməsinə səbəb olub. Hadisə şahidlərinin dediyinə görə, onlar marşrut hərəkətdəykən sürücüyə hücum ediblər. Sürücünün döyülməsinə digər sərnişinlər çətinliklə də olsa mane ola biliblər.

Dava zamanı avtobusun şüşəsi sındırılıb.

“BakuBus” MMC-dən bildirilib ki, sürücü artıq hüquq mühafizə orqanlarına müraciət edib. Fakt araşdırılır. 

 

ŞƏRH YAZ
0

Əvvəl yeyib içdilər, sonra əlbəyaxa davaya çıxdılar — Yaralanan var

Əvvəl yeyib içdilər, sonra əlbəyaxa davaya çıxdılar
01:29
Bu gün
415
Hadisə
A
Abşeron rayonunun Xırdalan şəhərində bıçaqlanma olub.

"Ölkə.Az" “Report”a istinadən xəbər verir ki, 1978-ci il təvəllüdlü Zeynalov Mahir Rafiq oğlu kafedə yeyib- içdikdən sonra tanışı ilə əlbəyaxa dava edib.

O, əvvəlcə döyülüb, daha sonra isə tanışı ona iki bıçaq zərbəsi vurub. Yaralı 1 saylı Kliniki Tibbi Mərkəzə yerləşdirilib.

Faktla bağlı Abşeron Rayon Polis İdarəsi tərəfindən araşdırma aparılır.

Ölkə.Az

ŞƏRH YAZ
0
BAĞLA