Xətai rayonunda 26 yaşlı soyğunçu cinayət başında yaxalandı
Ötən gün rayonun Məhəmməd Hadi küçəsində qadına qarşı soyğunçuluq faktı baş verib.
"Ölkə.Az"-ın əldə etdiyi məlumata əsasən, 1991-ci il təvəllüdlü Orxan Vidadi oğlu Nuriyev rayon sakini Səidə Seyidnurovaya məxsus əl çantasını götürərək qaçıb.
Ancaq soyğunçu uzağa gedə bilməyib. O, ərazidə xidmət aparan polis əməkdaşları tərəfindən saxlanılaraq Xətai Rayon Polis İdarəsinə aparılıb. Faktla bağlı Xətai RPİ-nin İstintaq Şöbəsində cinayət məcəlləsinin 180.1-ci (soyğunçuluq) maddəsi ilə cinayət işi başlanıb.
O.Nuriyevin başqa analoji cinayətlər törətməsi istisna edilmir.
Ölkə.Az
