Xətai rayonunda maskalı quldurlar peyda olub
Hadisə Mehmandarov küçəsi 75-də qeydə alınıb.
“Ölkə.Az”ın məlumatına görə, naməlum 2 nəfər maskalı şəxs ərzaq mağazasına daxil olaraq Qafqaz Qəhrəmanovu bıçaqla hədələyərək kassada olan 230 manat pulu aparıblar. Zərərçəkən dərhal DİN-nin 102 Zəng Mərkəzinə məlumat verib. Hadisə yerinə gələn əməliyyatçılar və müstəntiq ilkin müayinələr aparıblar, zərəçəkənin ifadəsi alınıb.
Faktla bağlı Xətai RPİ-nin İstintaq Şöbəsində cinayət məcəlləsinin 181-ci (quldurluq) maddəsi ilə cinayət işi başlanıb. Hazırda maskalı şəxslərin müəyyən edilərək saxlanılması istiqamətində əməliyyat-axtarış tədbirlərinə başlanılıb.
