KORONAVİRUSA YOLUXANLARIN SAYI - CANLI STATİSTİKA

Xəzərdə dalğanın hündürlüyü 5,2 metrə çatıb — YENİLƏNİB

Xəzərdə dalğanın hündürlüyü 5,2 metrə çatıb
18:36
21.09.2019
8044
Ölkə
A
Ekologiya və Təbii Sərvətlər Nazirliyi (ETSN) saat 18:00-a olan faktiki hava şəraiti haqqında məlumatı açıqlayıb.

ETSN-in Milli Hidrometeorologiya Departamentindən "Ölkə.Az"a bildirilib ki, şimal- qərb küləyi arabir Bakıda, Maştağada 38 m/s, Nefçalada 36 m/s, Sumqayıtda 34 m/s, Naftalanda 32 m/s, Qum adasında 30 m/s, Ələtdə 28 m/s, Pirallahıda 27 m/s, Salyanda, Bayıl yamacında, Balakəndə 25 m/s, Neft Daşlarında 24 m/s, Ağstafada, Çilovda, Tərtərdə 22 m/s, Zabratda 21 m/s, Nabranda, Zaqatalada, Tovuzda, Gəncədə 20 m/s-dək güclənib. Neft Daşları stansiyasının məlumatına əsasən Xəzərdə dalğanın hündürlüyü 5,2 metrə çatıb.

Quba, Qusar, Yardımlıda yağış yağıb. Güclü külək bəzi şəhər ətrafı ərazilərdə qumu havaya qaldıraraq toz dumanı yaradıb. Həmin ərazidəki yollarda görünüşlə bağlı çətinliklər yaranıb. Əlverişsiz hava şəraiti ilə əlaqədar sürücülərə diqqətli olmağı tövsiyyə edirik.

***

Ekologiya və Təbii Sərvətlər Nazirliyi (ETSN) faktiki hava şəraiti haqqında məlumatı açıqlayıb.

ETSN-in Milli Hidrometeorologiya Departamentindən "Ölkə.Az"a bildirilib ki, saat 15:00-a olan məlumata görə, şimal- qərb küləyinin sürəti Sumqayıtda 34 m/s, Bakıda 35 m/s, Balakəndə 25 m/s, Pirallahıda 26 m/s, Maştağada, Ələtdə, Neftçalada 24 m/s, Ağstafada, Neft Daşlarında və Tərtərdə 22 m/s, Zabratda 21 m/s, Nabranda, Çilovda, Zaqatalada və Gəncədə 20 m/s-dək güclənib.

Neft Daşları stansiyasının məlumatına əsasən, dalğanın hündürlüyü 3.8 metrə çatıb.

ŞƏRH YAZ
0

Azərbaycanda daha bir həkim koronavirusa YOLUXDU — VƏZİYYƏTİ AĞIRDIR - FOTO

Azərbaycanda daha bir həkim koronavirusa YOLUXDU
14:15
Bu gün
1147
Ölkə
A
Sumqayıt Şəhər Təcili Tibbi Yardım Xəstəxanasının həkimi koronavirus infeksiyasına yoluxub.

“Ölkə.Az” xəbər verir ki, həkim pediatr Bayramov Xasay Bayraməli oğlu amansız virus ilə mübarizə aparır. 

X. Bayramovun “Yeni Klinika”da müalicə olunmasına baxmayaraq, hazırda onun vəziyyəti ağırdır və ECMO aparatına qoşulmasına ehtiyac var. Bu barədə məlumat “Facebook” sosial şəbəkəsində qeyd olunub:

“Sumqayıt Şəhər Təcili Tibbi Yardım Xəstəxanasının həkimi, koronavirusla mübarizədə əvəzsiz xidmətlər etmiş, vətəndaşların sağlamlığı üçün öz həyatını təhlükəyə ataraq, koronavirusa yoluxmuş Bayramov Xasay Bayraməli oğlu  “Yeni Klinika”da müalicə olunmasına baxmayaraq, hazırda vəziyyəti ağırdır və ECMO aparatına qoşulmasına ehtiyac vardır. Daha bir həkimi həyata qaytarmaq, onu öz ailəsi, iki azyaşlı övladına və Azərbaycan səhiyyəsinə bəxş etməliyik”.

Ölkə.Az

 

ŞƏRH YAZ
0

Ermənilər Tovuzun üç kəndini atəşə tutublar — VİDEOREPORTAJ

Ermənilər Tovuzun üç kəndini atəşə tutublar
14:04
Bu gün
1933
Ölkə
A
Ermənistan silahlı qüvvələrinin bölmələri iyulun 14-də səhər saatlarından başlayaraq, Tovuz rayonunun Ağdam, Əlibəyli və Dondar Quşçu kəndlərini iriçaplı silahlardan və artilleriya qurğularından atəşə tutub.

Müdafiə Nazirliyinindən Baku TV-yə verilən məlumata görə, kənd sakinlərinə heç bir ziyan dəyməyib.

Habelə ermənilər sutka ərzində cəbhənin müxtəlif istiqamətlərində gərginliyi artırmaq məqsədilə iriçaplı pulemyotlardan, qumbaraatanlardan, snayper tüfənglərindən, minaatanlardan və digər artilleriya qurğularından da istifadə etməklə, atəşkəs rejimini 74 dəfə pozub.

Bütün hallarda düşmən cavab atəşi ilə susdurulub, əməliyyat şəraiti bölmələrimizin tam nəzarəti altındadır. Ermənilərin sonuncu təxribatlarına Xarici İşlər Nazirliyi də münasibət bildirib. 

Nazirlikdən vurğulanıb ki, dinc sakinləri hədəf alan Ermənistan ordusu özünün təcavüzkar və terrorçu mahiyyətini növbəti dəfə nümayiş etdirib. Rəsmi Yerevan üzərinə götürdüyü bütün öhdəliklərini, beynəlxalq hüququn fundamental norma və prinsiplərini kobudcasına pozur. Bu təxribatın arxasında duran Ermənistan rəhbərliyi isə öz nasist xislətini üzə çıxarır.

Ermənistan rəhbərliyi əmin olsun ki, Azərbaycan silahlı qüvvələrinin döyüş meydanında göstərdiyi yüksək əzmi və şücaəti hər bir azərbaycanlı bölüşür və eynilə nümayiş etdirir. Çünki Azərbaycanın mövqeyi haqq-ədalət mövqeyidir və beynəlxalq hüquqa əsaslanır.

Ermənistan rəhbərliyi düşünməsin ki, onların törətdiyi əməllər cəzasız qalacaq. Hər bir işğal halında olduğu kimi, Ermənistanın işğalı da müvəqqəti xarakter daşıyır və bu ölkə törətdiyi bütün qanunsuz əməllərin cavabını verəcək.

ŞƏRH YAZ
0
BAĞLA