Xəzər dənizində qayıqda tapılmış meyitlərin kimliyi məlum olub

"Ölkə.Az" "Report"a istinadən xəbər verir ki, bunlar bir ay əvvəl Sumqayıt şəhəri ərazisindən dənizə çıxmış 2003-cü il təvəllüdlü Adil Müşviq oğlu Cəbiyev və 2001-ci il təvəllüdlü Nüsrət Nəzər oğlu Nəzərovdur.  

Meyitlər müayinə olunduqdan sonra ailələrinə təhvil veriləcək. 

***

Xəzər dənizində aşkarlanan qayığın içərisində 2 nəfərin meyitinin olduğu təsdiqlənib.

"Ölkə.Az"ın məlumatına görə, FHN əməkdaşları artıq meyitləri qayıqdan götürüblər.

Lakin meyitlər tanınmaz hala düşdüyündən onların kimliyi hələlik məlum deyil.

Meyiti tapılan şəxslərin kimliyi ekspertizadan sonra məlum olacaq.

***

Xəzər dənizində içərisində meyitlər olan qayıq aşkarlanıb.

"Ölkə.Az"ın APA-ya istinadən məlumatına görə, rezin qayıq "Neft Daşları" yaxınlığında müşahidə olunub.

Qayıqda iki nəfərin meyitinin olduğu ehtimal edilir.