XİN almaniyalı jurnalisti “qara siyahı”dan çıxardı

XİN almaniyalı jurnalisti “qara siyahı”dan çıxardı
17:25
09.10.2019
923
Siyasət
A
Almaniya Federativ Respublikasının vətəndaşı Silvia Stöber Xarici İşlər Nazirliyinə məktubla müraciət edərək adının “Azərbaycan Respublikasının işğal edilmiş ərazilərinə qanunsuz səfər etmiş xarici ölkə vətəndaşlarının siyahısı”ndan çıxarılmasını xahiş edib.

XİN-in mətbuat xidmətindən "Ölkə.Az"a verilən məlumata görə, məktubunda Silvia Stöber Azərbaycanın beynəlxalq tanınmış sərhədləri çərçivəsində ərazi bütövlüyü və suverenliyi, eləcə də ölkəmizin qanunlarına hörmət etdiyini vurğulayıb, işğal edilmiş ərazilərə sözügedən səfəri ilə heç bir halda ölkəmizin ərazi bütövlüyü və suverenliyini şübhə altına almaq niyyətində olmadığını bildirib.

Həmçinin, müraciətində o, səfərin törədə biləcəyi nəticələr barədə məlumatsız olduğunu qeyd edib.

Almaniya vətəndaşının müraciəti müvafiq qaydada nəzərdən keçirilib və adının arzuolunmaz şəxslər siyahısından çıxarılmasına dair qərar qəbul edilib.

ŞƏRH YAZ
0

ABŞ İranda aksiyaçıları hökumətə qarşı qaldırır — FOTO

ABŞ İranda aksiyaçıları hökumətə qarşı qaldırır
14:55
Bu gün
332
Siyasət
A
ABŞ İranda benzinin qiymətinin qalxması əleyhinə başlayan aksiyalara dəstək verib.

"Ölkə.Az" qafqazinfo-ya istinadən xəbər verir ki, ABŞ Xarici İşlər naziri Mayk Pompeo sosial şəbəkə paylaşımında bu sözlərlə dəstəkləyib:

“40 il davam edən tiranlıqdan sonra qürurlu İran xalqı hökumətin sui-istismarına səssiz qalmırlar. Biz də səssiz qalmayacağıq. İran xalqına mesajım var: ABŞ sizi eşidir. ABŞ sizi dəstəkləyir. ABŞ sizin yanınızdadır”.

Prezident Həsən Ruhani isə aksiyalarla bağlı açıqlamasında iqtisadi böhrana baxmayaraq, hökumətin benzinin qiymətinin qalxmasından hər hansı qazanc əldə etməyəcəyinə və bütün gəliri 60 milyon imkansız insana paylanacağını bildirib.

Qeyd edək ki, İranda yanacağın qiymətinin kəskin artımına etiraz əlaməti olaraq son günlər ayrı-ayrı şəhərlərdə keçirilən aksiyalarda təxminən 25 nəfər öldürülüb.

 

ŞƏRH YAZ
0

Ermənilər cəbhədə bu gecə də dinc durmadı

Ermənilər cəbhədə bu gecə də dinc durmadı
09:38
Bu gün
550
Siyasət
A
Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 23 dəfə pozub.

"Ölkə.Az"ın Müdafiə Nazirliyinin saytına istinadən verdiyi məlumata görə, Ermənistan Respublikası Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonu ərazisindəki adsız yüksəkliklərdə yerləşən mövqelərimiz atəşə tutulub.

Tərtər rayonunun işğal altında olan Göyarx, Çiləbürt, Ağdam rayonunun Cəvahirli, Mərzili, Füzuli rayonunun Qorqan kəndləri yaxınlığında, həmçinin Tərtər və Ağdam rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

Ölkə.Az

ŞƏRH YAZ
1
BAĞLA