XİN: Azərbaycan Aİ ilə dialoqu genişləndirməkdə maraqlıdır

XİN: Azərbaycan Aİ ilə dialoqu genişləndirməkdə maraqlıdır
13:14
21.04.2017
18
Siyasət
A
Azərbaycan Avropa İttifaqı (Aİ) ilə turizm, təhsil, mədəniyyət, kiçik və orta sahibkarlığa dəstək və digər sahələr üzrə dialoqu genişləndirməkdə maraqlıdır.

"Ölkə.Az" trend-in məlumatına istinadən xəbər verir ki, bunu Xarici İşlər Nazirliyinin (XİN) İnsan Hüquqları və Demokratiya İdarəsinin Qanunun aliliyi və demokratiya şöbəsinin müdiri Aysel Yaqubova "Dövlət qulluğunda məlumat bazalarının yaradılması və idarə edilməsi" mövzusunda bu gün keçirilən seminar zamanı çıxışında deyib.

Onun sözlərinə görə, Aİ ilə dialoqun aparılması Azərbaycan üçün prioritet sahələrdən biridir və bu, ikitərəfli əlaqələrin inkişafı üçün vacibdir:

"Biz inanırıq ki, “Şərq tərəfdaşlığı” proqramı digər sahələrlə yanaşı, dövlət qulluğu sahəsində islahatların aparılması təcrübəsini gücləndirəcək. Bu proqram Avropa İttifaqı, eyni zamanda proqram iştirakçıları arasında qarşılıqlı əlaqələrin formalaşması üçün səmərəli platformalardan biridir. "Şərq tərəfdaşlığı"nın platformaları və panelləri ölkələr arasında ən yaxşı təcrübələrin və biliklərin mübadiləsi baxımından səmərəli vasitələrdən biridir".

A.Yaqubova deyib ki, Azərbaycan Prezidenti İlham Əliyevin bu yaxınlarda Brüsselə səfəri zamanı Azərbaycan və Aİ arasında yeni sənəd üzrə danışıqlara rəsmi start verilib.

Ölkə.Az

ŞƏRH YAZ
0

Prezident Administrasiyasında struktur dəyişiklikləri

Prezident Administrasiyasında struktur dəyişiklikləri
15:57
Bu gün
466
Siyasət
A
Prezidentin Administrasiyasının strukturundakı dəyişikliklər açıqlanıb.

Azərbaycan prezidenti İlham Əliyev 30 may 2017-ci ildə “Azərbaycan Respublikası Prezidentinin Administrasiyasının strukturunun təsdiqi və işçilərinin say həddinin müəyyən edilməsi haqqında” sərəncam imzalayıb.

"Ölkə.Az" APA-ya istinadən xəbər verir ki, Prezidentin Administrasiyasının strukturu yenidən təşkil edilib, işçilərin say həddi 410 ştat vahidi müəyyən edilib. O cümlədən Prezidentin Millətlərarası münasibətlər, multikulturalizm və dini məsələlər üzrə köməkçisinin xidməti yaradılıb.

Azərbaycan prezidenti İlham Əliyevin 9 yanvar 2018-ci il tarixli sərəncamı ilə Prezidentin Millətlərarası münasibətlər, multikulturalizm və dini məsələlər üzrə köməkçisinin xidməti ləğv edilib, Millətlərarası münasibətlər, multikulturalizm və dini məsələlər şöbəsi yaradılıb.

Millətlərarası münasibətlər, multikulturalizm və dini məsələlər şöbəsinin ştat vahidi 1 şöbə müdiri olmaqla, 6 ştat vahidi təsdiqlənib.

Dövlət qulluğu və kadr məsələləri şöbəsində Şəxsi işlərin aparılması sektorunda ştat vahidi isə artırılaraq, 2 ştat vahidindən 4 ştat vahidinə qaldırılıb. Beləliklə, Prezident Administrasiyasının işçilərinin say həddi 410 ştat vahidindən 412 ştat vahidinə qalxıb. 

Qeyd edək ki, Etibar Nəcəfov bir müddət əvvəl Prezident Administrasiyasının Millətlərarası münasibətlər, multikulturalizm və dini məsələlər şöbəsinin müdiri təyin edilib.

ŞƏRH YAZ
0

İlham Əliyev Davosda neftlə bağlı sessiyaya qatıldı

İlham Əliyev Davosda neftlə bağlı sessiyaya qatıldı
15:52
Bu gün
222
Siyasət
A
Yanvarın 24-də Davosda Dünya İqtisadi Forumu çərçivəsində “Neft və qaz sənayesi siyasəti üzrə liderlərin toplantısı” adlı sessiya keçirilib.

"Ölkə.Az" xəbər verir ki, Azərbaycan Respublikasının Prezidenti İlham Əliyev sessiyada iştirak edib. 

Dövlət və hökumət başçıları ilə yanaşı, dünyanın aparıcı enerji şirkətlərinin rəhbərlərinin, mütəxəssislərin və alimlərin də qatıldığı sessiyada neft və qaz sənayesinin perspektivləri barədə fikir mübadiləsi aparılıb.

ŞƏRH YAZ
0
BAĞLA