XİN başçısı belaruslu həmkarına məktub göndərdi

XİN başçısı belaruslu həmkarına məktub göndərdi
14:37
12.06.2018
6948
Siyasət
A
Azərbaycan xarici işlər naziri Elmar Məmmədyarov və Belarus xarici işlər naziri Vladimir Makey iki ölkə arasında diplomatik münasibətlərin qurulmasının 25 illiyi münasibətilə təbrik məktubu mübadiləsi həyata keçirib.

XİN-dən "Ölkə.Az"a verilən məlumata görə, E.Məmmədyarov məktubda həmkarı Vladimir Makeyi Azərbaycan Respublikası və Belarus Respublikası arasında diplomatik əlaqələrin qurulmasının 25 illiyi münasibətilə səmimi qəlbdən təbrik edib.

Bu ildönümünün iki ölkə üçün əlamətdar və həm də rəmzi xarakter daşıdığını qeyd edən Azərbaycanın XİN başçısı iki dövlətin liderlərinin müdrikliyi və səyləri sayəsində ölkələrimiz arasında sıx əməkdaşlığın uğurla inkişaf etdiyini bildirib.

E.Məmmədyarov məktubunda qarşılıqlı etimad, hörmət və dostluq prinsipləri üzərində qurulan çoxillik və məhsuldar Azərbaycan-Belarus əməkdaşlığının xoş ənənələrinin müasir dövrdə ölkələrimiz arasındakı əlaqələrin möhkəm əsasını təşkil etdiyini qeyd edib.

O bildirib ki, intensiv siyasi dialoq, sosial-iqtisadi əlaqələr, beynəlxalq arenada qarşılıqlı dəstək, humanitar əməkdaşlığın davamlı şəkildə dərinləşdirilməsi ilə xarakterizə olunan ikitərəfli münasibətlər xüsusi əhəmiyyətli strateji tərəfdaşlıq səviyyəsinə çatıb.

Belarus xarici işlər naziri Vladimir Makey Elmar Məmmədyarova ünvanladığı məktubda 25 il ərzində Belarus-Azərbacan münasibətlərinin iki xalqın dostluğu, qarşılıqlı anlaşma və etimad ənənələri üzərində qurularaq strateji xarakter aldığını və siyasi, sosial, iqisadi və humanitar sahələri əhatə etdiyini vurğulayıb.

Vladimir Makey ali və yüksək səviyyədə dövlətlərarası təmasların dinamik şəkildə inkişaf etdiyini və bir sıra ikitərəfli iqtisadi layihələrin həyata keçirildiyini bildirib. O həmçinin, ölkələrimizin beynəlxaıq arenada mövcud olan problemlər və təhdidlərə münasibətdə oxşar mövqe tutduğunu və bir-birinə qarşılıqlı dəstək göstərdiyini diqqətə çatdırıb.

Məktubda nazir Vladimir Makey Belarus-Azərbaycan münasibətlərinin bugün olduğu kimi gələcəkdə də məhsuldar və məzmunlu olacağına inamını ifadə edib.

Azərbaycan və Belarus arasında diplomatik əlaqələr 11 iyun 1993-cü ildə qurulub.

ŞƏRH YAZ
0

İlham Əliyev yol tikintisinə 9,1 milyon manat ayırdı

İlham Əliyev  yol tikintisinə 9,1 milyon manat ayırdı
18:10
17.08.2018
4551
Siyasət
A
Prezident İlham Əliyev avqustun 17-də “Lənkəran rayonunun Hirkan–Daştatük–Biləsər avtomobil yolunun tikintisi ilə bağlı tədbirlər haqqında” sərəncam imzalayıb.

"Ölkə.Az" xəbər verir ki, yeddi min nəfər əhalinin yaşadığı 7 yaşayış məntəqəsini birləşdirən Hirkan–Daştatük–Biləsər avtomobil yolunun tikintisi məqsədi ilə Azərbaycan Respublikasının 2018-ci il dövlət büdcəsinin dövlət əsaslı vəsait qoyuluşu xərclərinin bölgüsündə avtomobil yollarının tikintisi və yenidən qurulması üçün nəzərdə tutulmuş vəsaitin 9,1 milyon manatı Azərbaycan Avtomobil Yolları Dövlət Agentliyinə ayrılıb.

ŞƏRH YAZ
1

Rusiya XİN: "Transxəzər qaz kəməri Xəzər dənizinin bütün ölkələri ilə razılaşdırılmalıdır"

Rusiya XİN:
18:07
17.08.2018
2494
Siyasət
A
Transxəzər boru kəmərinin çəkilişi Xəzəryanı dövlətlərin hamısı ilə razılaşdırılmalıdır.

"Ölkə.Az" Report-a istinadən istinadən xəbər verir ki, bu barədə Rusiya XİN-in xüsusi işlər üzrə elçisi İqor Bratçikov bildirib.

"Transxəzər boru kəmərlərinin inşası üzrə real planlar yaranan zaman Xəzəryanı ölkələrdən hər biri lazim biləcəyi təqdirdə, belə konstruksiyların inşasının Xəzər dənizinin ekologiyasına təsirinin qiymətləndirilməsi proseduruna layihələşdirmə mərhələsindən qoşula bilər", - İ.Bratçikov deyib.

ŞƏRH YAZ
0
BAĞLA