XİN-dən Elşad İskəndərovun Türkiyəyə buraxılmaması xəbərinə — REAKSİYA

XİN-dən Elşad İskəndərovun Türkiyəyə buraxılmaması xəbərinə
16:38
20.02.2019
28782
Siyasət
A
"Elşad İskəndərovla bağlı mətbuatda yayılan məlumatlar tamamilə yalandır və qərəzlidir".

"Ölkə.Az" xəbər verir ki, bunu Azərbaycan Xarici İşlər Nazirliyinin Mətbuat xidmətindən bildiriblər. 

"Türkiyədə İslam Əməkdaşlıq Təşkilatının (İƏT) hər hansı bir iclası keçirilməyib. Bu ilin 15 yanvar tarixində Ciddədə İƏT-in İqtisadi Sosial və Mədəni məsələlər üzrə İslam Komissiyasının iclası keçirilib və Azərbaycan XİN-in xüsusi tapşırıqlar üzrə səfiri Elşad İskəndərov həmin iclasda iştirak etməyib.

Eyni zamanda bildirilməlidir ki, sözügedən iclasda çoxsaylı məsələlər çərçivəsində İƏT Gənclər Forumu (İƏGF) haqqında layihəyə baxılıb. AR Prezidentinin təşəbbüsü ilə yaradılmış İƏGF-nin Avrasiya Regional Mərkəzinə ev sahibliyi edən Azərbaycan Mərkəzin gücləndirilmiş statusu və fəaliyyətlərini dəstəkləyən qətnamə layihəsi ilə çıxış edib. Azərbaycan suveren və müstəqil xarici siyasət aparır və öz maraqlarını bütün beynəlxalq təşkilatlarda müdafiə etmək hüququna malikdir və bunu edir. İclas nəticəsində məsələ ilə bağlı kompromis mətn və dil üzərində razılaşma nəticəsində sözügedən qətnamə layihəsi qəbul edilmişdir.

Həmin iclasda heç bir İƏT nümayəndəsi öz çıxışında hər hansı bir Azərbaycan diplomatının guya Türkiyənin onlara qarşı fəaliyyət aparması haqqında fikirlər səsləndirməyib.

Belə bir iddia olmadığı üçün Azərbaycan XİN tərəfindən də hər hansı bir araşdırmanın aparılması, onun nəticəsində guya bu məlumatın E.İskəndərov tərəfindən səsləndirilməsi haqqında mətbuatda gedən fikirlər tamamilə yanlışdır və həqiqəti əks etdirmir.

E.İskəndərov uzun illər İƏGF-yə səmərəli şəkildə rəhbərlik edib. Həmin müddətdə qurumun təşəbbüsü ilə Xocalı faciəsini ilk dəfə soyqırımı kimi qiymətləndirən İƏT qətnamələri qəbul edilib, İƏGF-in fəaliyyətləri nəticəsində Azərbaycanın İslam həmrəyliyinə, həmçinin qlobal mədəniyyətlər arası dialoqa dəstəyi beynəlxalq səviyyədə tərənnüm edilib. Eyni zamanda mərkəzi qardaş Türkiyədə yerləşən təşkilatın nüfuzunun artırılmasına nail olunub. Ötən il səlahiyyət müddətinin bitməsi ilə əlaqədar İƏGF Baş Assambleyasında E.İskəndərovun fəaliyyəti bütün üzv ölkələr tərəfindən təqdir edilib, həmçinin o, İƏGF-in yeni sədrliyinə Türkiyənin irəli sürdüyü namizədin seçilməsinə dəstək verib.

Mətbuatda məsələ ilə bağlı gedən yazılar həqiqəti əks etdirməyərək qərəzli xarakter daşıdığından Türkiyə-Azərbaycan qardaşlıq münasibətlərinə kölgə salır. Eyni zamanda məlumatın dərhal erməni mətbuatında tirajlanması da müəyyən suallar yaradır. Mətbuatı bu sahədə həssas olmağa və Türkiyə-Azərbaycan münasibətlərinə hər hansı bir xələl gətirəcək yoxlanılmamış məlumatları verməkdən çəkinməyə çağırırıq", - XİN-in məlumatında vurğulanıb. 

Qeyd edək ki, mətbuatda Xarici İşlər Nazirliyinin İslam Əməkdaşlıq Təşkilatı və İƏT qurumları ilə əməkdaşlığına məsul Xüsusi Tapşırıqlar üzrə səfiri E.İskəndərovun Türkiyəyə girişinə qadağa qoyulduğuna dair məlumat yayılıb.

İddia olunurdu ki, bu barədə qərar İslam Əməkdaşlıq Təşkilatının yanvarın 15-də keçirilən toplantısında qalmaqallı açıqlamadan sonra verilib. Belə ki, tədbir zamanı Körfəz ölkələrindən birini təmsil edən, adı açıqlanmayan səfirlərdən biri “Azərbaycan Xarici İşlər Nazirliyindən olan səlahiyyətli şəxs bizim ölkənin Bakıdakı səfirliyinə gələrək Türkiyənin bizə qarşı təxribat hazırladığını söyləyib” deyərək izahat tələb edib.

Onun bu sözlərindən sonra Azərbaycanın İslam Əməkdaşlıq Təşkilatı yanında daimi nümayəndəsi Şahin Abdullayev məsələni Azərbaycanda aidiyyəti qurumlara məruzə edəcəyini bəyan edib.

Türkiyə mediası bildirir ki, Azərbaycan adından xarici səfirliyə məlumat verən şəxsin Elşad İskəndərovun olduğu ortaya çıxandan sonra onun Türkiyəyə giriş və səyahətinə qadağa qoyulub.

Ölkə.Az 

ŞƏRH YAZ
0

İmamoğlu və Yıldırım canlı yayımda üz-üzə — VİDEO

İmamoğlu və Yıldırım canlı yayımda üz-üzə
23:27
16.06.2019
633
Siyasət
A
İyunun 23-də Türkiyənin İstanbul şəhəri üzrə keçiriləcək bələdiyyə seçkilərinə iki gün güclü namizəd - Binəli Yıldırım və Əkrəm İmamoğlu canlı yayımda üz-üzə gəlib.

“Ölkə.Az” xəbər verir ki, namizədlərə sualları aparıcı İsmayıl Küçükkaya ünvanlayır.

Canlı yayımın görüntülərini təqdim edirik:

Ölkə.Az

ŞƏRH YAZ
0

Maduronun Rusiya ilə müqavilə imzalaması ABŞ-ı ciddi narahat edib

Maduronun Rusiya ilə müqavilə imzalaması ABŞ-ı ciddi narahat edib
19:46
16.06.2019
831
Siyasət
A
Venesuela prezidenti Nikolas Maduro 2019-cu ilin mayında Rusiya ilə 209 milyon dollarlıq müdafiə müqaviləsi imzalayıb.

“Ölkə.Az” Virtualaz.org-a istinadən xəbər verir ki, bunu özünün “Twitter” mikrobloqunda ABŞ prezidentinin milli təhlükəsizlik üzrə köməkçisi Con Bolton yazıb:

“Maduro Venesuelanın ehtiyatlarından çox qeyri-effektiv şəkildə istifadə edir. Yüz minlərlə venesuelalının aclıq çəkdiyi may ayında o, Rusiyanın daimi dəstəyini əldə edə bilmək üçün 209 milyon dollarlıq müdafiə müqaviləsi bağlayıb”.

Daha öncə TASS xəbər vermişdi ki, Rusiya prezidentinin mətbuat katibi Dmitri Peskov Moskva ilə Karakas arasında münasibətlərin üçüncü ölkələri narahat etməli olmadığını bildirmişdi. Onun sözlərinə görə, Rusiyanın imzalanmış müqavilələrlə bağlı öhdəlikləri var və bu müqavilələr əsasında Venesuelaya xüsusi əmlak ixrac edilir.

Ölkə.Az

 

ŞƏRH YAZ
0
BAĞLA