Xırda səfərlər maraqlı və xoş, uzunmüddətlilər isə yorucu və bəhrəsiz olacaq — Günün qoroskopu

Xırda səfərlər maraqlı və xoş, uzunmüddətlilər isə yorucu və bəhrəsiz olacaq
03:04
10.08.2019
1310
Maraqlı
A
"Ölkə.Az" günün ulduz falını təqdim edir:

Qoç - günün ilk yarısından ailə işləri və məişət qayğıları prioritet kəsb edəcək. Daşınmaz əmlak və mülkiyyətlə bağlı çətinlikləri hövsələsiz şəkildə çözməyə çalışmayın. Dəyər verdiyiniz insanlarla təmaslarınızda nə qədər səmimi olsanız, məqsədə bir o qədər tez çata bilərsiniz.
Günün ikinci yarısında cari proseslərdən kənarda qalmağa can atmayın. Köhnə layihələrdən birini yarımçıqlıq durumundan xilas edin. Yaşam və ya fəaliyyət arealında nizam yaradın. Axşam saatlarında normal istirahət edin.

Buğa - maraqlı ideyalar, möhtəşəm ideyalar ortaya çıxacaq və bunları tezliklə həyata keçirə biləcəksiniz. Şərait heç də həmişə siz istədiyiniz kimi alınmır, ancaq qarşınıza qoyduğunuz məqsədlərə çatmağınıza da mane olmur. Pul ala bilərsiniz, maliyyə məsələləri sizin xeyrinizə həll olunacaq.
İntellektual işlərlə, mürəkkəb məsələlərlə məşğul ola bilərsiniz. Gün, həmçinin təhsil, imtahan vermək, elm adamları ilə təmaslar üçün münasibdir. Xırda səfərlər maraqlı və xoş, uzunmüddətlilər isə yorucu və bəhrəsiz olacaq.

Əkizlər - səhər saatlarından etibarən aktiv işləmək məcburiyyətindəsiniz. İşlər, məişət qayğıları çoxdur. Maliyyə məsələlərinin çözümündə aktiv olun. Başqalarının yardımlarına bel bağlamayın. Müstəqil davranın.
Günün ikinci yarısında işgüzar təmaslar və əlaqələr karyerınızda irəliləyişə təkan verəcək. Əlavə gəlir mənbəyi üçün yaxşı imkan yaranıb.
Axşam saatlarını ailənizlə birgə istirahətdə keçirin.

Xərçəng - ciddi problemləriniz yarana bilər, elə bilməyin ki, işdə yaranan çətinliklərin öhdəsindən asanlıqla gələcəksiniz. Adi vəzifələrinizi yerinə yetirmək bu gün ağırdır. Qadınlarla dil tapmaq xüsusilə çətindir, emosiyalarınıza nəzarət etməsəniz, münaqişədən qaçmaq mümkün olmayacaq. İri sövdələşmələr bağlamaq məsləhət görülmür.
İşgüzar aktivliyinizi azaldın. Dincəlin, yaxınlarınızla vaxt keçirin. Axşam evdə oturun, ziyafətə getməyin. Sevgililər arasında ciddi fikir ayrılığı yarana bilər.

Şir - əvvəlcədən hazırladığınız plana riayət edin. Müstəqil çalışsanız, kənardan təsirlərə aldanmasanız, işləriniz daha yaxşı olacaq. Önəmli məsələləri privat şəkildə, tet-a-tet müzakirə edin.
Günün ikinci yarısında bilik və bacarıqlarınızı artırın. Səyahət, ezamiyyət zərurəti istisna deyil.
Kommersiya və ya bizneslə məşğul olursunuzsa, fəaliyyət çevrənizi genişləndirin. Müştərilərin sayı çox, ticarət və xidmətlər daha geniş çeşiddə olmalıdır.
Axşam saatlarında dostlarla görüş əhvalınızı yaxşılaşdıracaq.

Qız - günün emosional fonu yaxşı deyil. Siz vurnuxur, səbəb olmadan tez-tez qərarlarınızı dəyişirsiniz. Mənasız və gərəksiz yerə əsəbləşir, başqa vaxt əhəmiyyət verməyəcəyiniz hadisələri ürəyinizə salırsınız. Təhsildə problemləriniz yarana bilər.
Kömək üçün yaxın adamınıza müraciət edin, indi sizin dəstəyə ehtiyacınız var. Qəlbinizi sevindirmək üçün xırda-para əşyalar ala bilərsiniz, amma çox pul xərcləməyin. Təklikdə səfərlərə çıxmayın. Dostlarla isə lap dünyanın o biri başına da gedə bilərsiniz.

Tərəzi - günün ilk yarısından etibarən cari məsələlərin həlli ilə məşğul olun. Rutin məqamlar sizi usandırmamalı, yoldan döndərməməlidir. Enerji və qüvvənizi ikinci dərəcəli məsələlərə sərf etməyin. Bütün diqqəti əsas işə yönəldin.
Günün ikinci yarısında emosional olmayın, əsəbi davranmayın. Qarşı tərəfin fikirlərini və mövqeyini nəzərə alın. Həmkarlarla, işgüzar tərəfdaşlarla münasibətlərin gərginləşməsi istisna deyil.
Axşam saatlarını ailəyə sərf edin.

Əqrəb - günün ilk yarısından etibarən maraqlı, hadisələrlə zəngin gün olacaq. Ötənlərin təcrübəsi karınıza gələcək. Peşəkar bacarıqlarınızdan və yaradıcı potensialınızdan istifadə edin.
Günün ikinci yarısında məlumat və informasiyaları artırın. Əlavə biliklər əldə edin. Bacarıqlarınızı, təcrübənizi reklam da edə bilərsiniz. Real və ucuz iş görənlərə tələbat artacaq.
Şəxsi münasibətlərdə mənasız, əsassız qısqanclığa qapılmayın.
Axşam saatlarında normal istirahət edin.

Oxatan - Məhsuldar gündür, istənilən problemin həllinə həvəslə girişirsiniz. Bunların arasında əvvəl həllolunmaz hesab etdikləriniz də var. Özünüzə çox güvənirsiniz, amma məntiqi düşüncəniz də bu gün "axsamır". İşdə uğurlar gözlənilir, biznesinizi genişləndirə bilərsiniz.
İdmanla, fiziki işlə məşğul olmaq, açıq havada aktiv istirahət məsləhətdir. Uzunmüddətli planlar qura bilərsiniz. Bunu həm təkbaşına, həm də yaxınlarınızla edə bilərsiniz. Nüfuzlu şəxslərlə, dövlət idarələrinin işçilərilə görüşlər yaxşı keçəcək.

Oğlaq - məhdudiyyət və yasaqların gücünü hiss edəcəksiniz. İstəklərinizlə arzularınız sizi illüziyalar aləminə aparmamalıdır. Situasiyaya uyğunlaşın, şəraiti real dəyərləndirin. Həmkarlarınız və şəriklərinizin davranışlarına fikir verin. 
Günün ikinci yarısında bəzi motivlərdəki anlaşılmazlıq sizdə tərəddüd yarada bilər. Gərgin anlarda soyuqqanlı olun. Axşam saatlarında şəxsi münasibətlərdə zəruri kompromisi tapın. Emosiyalarınıza nəzarət edin.

Dolça - günün ilk yarısında problemlərin və maneələrin sayı artacaq. Fəaliyyət planını müstəqil təyin edin. Çətinliklərin həllində yaralıcı təxəyyülü işə salın. Rutin məsələlərin çözülməsindən yayınmayın.
Günün ikinci yarısında hədəfləri və ya məqsədləri təftiş etmək olar. Prosedurlar arasında ən effektivini, realını seçin. Yaxınlarınız və qohumlarınızla münasibətlərdə qarşılıqlı anlaşma xüsusi əhəmiyyət kəsb edəcək.
Sayğılı, qayğıkeş olun.

Balıqlar - qarşınıza qoyduğunuz məqsədə çatmaq üçün bir qədər də iradəli və qətiyyətli olun. Karyeranızda önəmli rol oynayan insanla münasibətləri kəskinləşdirməyin. Soyuqqanlı davranın.
Günün ikinci yarısında diqqətsizlik kə ehtiyatsızlıq ciddi səhvlərə səbəb olmamalıdır. İntuisiyanıza güvənin. Təhtəlşüur sizə ən çətin situasiyalarda çıxış yolunu göstərəcək.
Sevdiyiniz insanla təmasları axşam saatlarında aktivləşdirin. Birgə gəzintiyə və ya əyləncəyə yollanmaq olar.

Ölkə.Az

ŞƏRH YAZ
0

Çürük meyvələrin zərərləri: qablaşdırma problemi, sahibkarların səhlənkarlığı

Çürük meyvələrin zərərləri: qablaşdırma problemi, sahibkarların səhlənkarlığı
18:54
Bu gün
382
Maraqlı
A
Meyvələri müxtəlif şəraitdə xeyli müddət saxlamaq mümkündür. Lakin bəzən meyvələrin çürüməsinin qarşısını almaq olmur. Bununla belə, çürük meyvələri yeyənlər də olur. Hətta çürüyən meyvənin sağlamlığa xeyirli olduğunu iddia edənlər də var.

Mövzu ilə bağlı Oxu.Az-a açıqlama verən tibb elmləri doktoru, həkim Adil Qeybulla çürümüş meyvələri yeməyin insan sağlamlığına düşünüləndən də çox zərərli olduğunu bildirib:

"Çox vaxt insanlar meyvələrin çürüməsinə əhəmiyyət vermədən onu yeyirlər. Təbii ki, bütün meyvələrdə çürümə olur. Düzü, bu elə də ciddi qəbul olunmur. Amma çürümüş meyvələrin dadı dəyişir, həmçinin onlarda müxtəlif zərərli maddələr inkişaf edə bilər. Bu da daha çox qaraciyər toksikinə təsir göstərir. Ona görə də meyvələrin çürüyən hissələrini yemək olmaz.

Ümumiyyətlə, meyvənin tam sağlam olmasına, doğrayan zaman onun rənginə, yumşalmasına, dadının dəyişməsinə diqqət etmək lazımdır".

A.Qeybulla özünə su, maye toplaya bilən meyvələrdən zəhərlənmə hallarına rast gəldiyini bildirib:

"Daha çox qarpızdan, yemişdən və pomidordan zəhərlənmələr baş verir. Xüsusi olaraq qarpız yeyərkən diqqətli olmaq lazımdır. Onu kəsən zaman yumşalmalar varsa, ağ zolaqlar gözlə görünürsə, yemək məsləhət deyil.

Ümumi olaraq isə ən qorxulu zəhərlənmə botulizmdir. Botulizm bütün qidalarda olur. Belə ki, qida düzgün saxlanmadıqda orada botulizm çöpləri inkişaf edə bilər. Əgər onun çöpləri varsa, qida çox təhlükəlidir. Hətta dərhal ölümə gətirib çıxara bilər".

Həkim deyib ki, bu gün şaftalı, alma və armuda qurd düşməsin deyə, onlara müxtəlif dərmanlar vurulur:

"Düzdür, dərman meyvələrin üzərinə vurulur, lakin hansısa formada həmin dərmanların meyvələrin içərisinə daxil olması mümkündür. Bu baxımdan da zəhərlənmə baş verə bilər. Zəhərlənmələr kəskin şəkildə klinik əlamətlərlə də özünü göstərir. Həmçinin az dozalarla yığılıb klinik əlamət verməyən, amma, ümumiyyətlə, orqanizmdə problem yaradan zəhərlənmələr də mövcuddur. Araşdırmalar göstərir ki, müxtəlif sintetik maddələrlə, müxtəlif zərərvericilərə qarşı dərmanlarla emal olunan meyvələrdəki maddələr orqanizmə də keçə bilir. Onlar daha çox qaraciyərə neqativ təsir edir.  Bu səbəbdən istənilən meyvə yaxşıca yuyulmalıdır. Bu, vacib şərtdir".

O əlavə edib ki, hər meyvənin öz vaxtında yeyilməsi daha yaxşıdır:

"İndi fəsildən asılı olmayaraq bütün meyvələri həmişə tapmaq olur. Bu meyvələr süni iqlim şəraitində yetişdirilib, onlara müxtəlif qatqılar vurulur, yetişməsi üçün dezinfeksiyaedici, həşəratları, zərərvericiləri öldürən maddələrdən istifadə edirlər. Əlbəttə ki, onların da təsiri güclü olur. Bu da zəhərlənmələrə səbəb ola bilir".

Kənd təsərrüfatı üzrə ekspert Nicat Nəsirli isə Oxu.Az-a bildirib ki, meyvə-tərəvəzlərin tez bir zamanda çürüməsinin və tamamilə xarab olmasının əsas səbəbi onların saxlanması üçün lazım olan uyğunlaşdırılmış qabların olmamasıdır:

"Bizdə əsas çatışmayan tərəf məhsulların logistika problemidir. Yəni sovet dövründə hər meyvənin hökmən bir qablaşdırması var idi, çünki hər meyvənin ayrı-ayrı xarakteri, ölçüləri var. Ona görə də meyvələrin qablaşdırılması sistemi çox güclü inkişaf etmişdi.

Həmin dövrdə müvafiq qablar Belarusdan gəlirdi. Bu gün isə ən ciddi problemimizdən biri bizdə meyvələr üçün qablaşdırma sexlərinin olmamasıdır. Bir çox problemlər də qaynaqlanır. Məsələn, Rusiya bazarı məhsulları birmənalı şəkildə taxtadan düzəldilən qabda tələb edir. Amma bizim sahibkarlar məhsulları plastik qablarda apardıqları üçün Rusiya onları qəbul etmir. Nəticədə də məhsullar geri qaytarılır. Çünki plastik qabdan meyvəyə müəyyən xəstəliklər keçir. Hətta meyvənin özünün xəstəlikləri belə qaba keçir. Təəssüflər olsun ki, bizim sahibkarlar bu sahəyə investisiya qoymur".

Ekspert qeyd edib ki, yaxın zamanlarda üzüm yığımı başlayır:

"Üzümlər düzgün olmayan qablarda daşınacaq. Sonra bazarlarda, zibilxanalarda xeyli tullantı ilə qarşılaşacağıq. Havanın təsiri də bu prosesi sürətləndirəcək. Bu cür proseslərin də nəticəsi olaraq, meyvələr tez çürüyür. Hətta bazara gələnə kimi məhsulun 30-40 faizi müəyyən səbəblərdən itkiyə gedir.

Eyni zamanda, qida satışı ilə məşğul olan insanların meyvə-tərəvəzdən anlayışı olmaması məsələsi də var. Sovet dövründə meyvə-tərəvəz dükanlarında işləyən satıcıların məhsulların emalı və saxlanması üzrə təhsili olması vacib idi".

N.Nəsirli əlavə edib ki, daha çox bostan məhsulları çürüməyə meyillidir:

"Çünki həmin məhsulların təxminən 70-80 faizi sudan ibarətdir. Amma ümumi olaraq meyvələrin hamısı ətraf təzyiqlərə qarşı çox həssasdır".

Ölkə.Az

ŞƏRH YAZ
0

Hər gün kefir içməyə 6 səbəb — Uşaqdan böyüyə

Hər gün kefir içməyə 6 səbəb
15:52
Bu gün
1276
Maraqlı
A
Hər gün kefir içmək vərdişi size sağlamlığınızla bağlı çox problemlərdən xilas edəcək.
"Ölkə.Az" medicina.az-a istinadən nəyə görə hər gün 1 stəkan kefir içməli olduğunuzun səbəblərini açıqlayır.
 
1. İmmunitetiniz dəmir kimi olacaq
 
Kefir təbii probiotikdir, o, bağırsaqda faydalı bakteriyaları artırır, zərərlilərini məhv edir. İmmunitet də bağırsağın bu vəziyyətindən asılıdır. Kefirdə olan kefir göbələyi immuniteti qaldırır, mikrobları məhv edir. 
 
2. Həzmi yaxşılaşdırır
 
Antibiotik qəbul edəndən sonra və həzm pozgunluğunda xəstələrə kefir içmək tövsiyyə olunur. Bu məhzul bağırsağın mikroflorasını bərpa edir. 
 
3. Arıqladır, piy toplanmasına imkan vermir
 
Axşam yeməyi üçün əladır. Zülal tərkiblidir, aclığı dəf edir, peptidlər isə piyləri parçalayır və qarını, beli incəldir
 
4. Təzyiqdən qoruyur
 
Kefirdə olan polisaxarid qan təzyiqini aşağı salır və zərdab xolesterini azaldır.
 
5. İnsanı cavanlaşdırır
 
Kefir içənlər həm daxilən, həm zahirən dərisi, üzü cavanlaşır. 
Səpkilər gedir, rəngi düzəlir. 
 
6. Sakitləşdirir
 
Kefirdə xoşbəxtlik hormonlarından biri triptofan vardır ki, bu da əsəbləri sakitləşdirir, insanı rahatladır.
 
Ölkə.Az
ŞƏRH YAZ
0
BAĞLA