Xızıda qəza qətllə nəticələndi
Hadisə bu gecə Xızı-Sumqayıt yolunda baş verib.
“Ölkə.Az”a Xızı rayon prokurorluğundan verilən məlumata görə, 1980-ci il təvəllüdlü Cəfərov Vamiq Süleyman oğlu idarə etdiyi avtomobil ilə qarşıdan gələn 1977-ci il təvəllüdlü Məmmədov Qabil Abil oğlunun idarə etdiyi “VAZ-2106” markalı avtomaşınla toqquşub. Nəticədə sürücülər arasında mübahisə düşüb. Mübahisə sonda qanla nəticələnib. Belə ki, Q.Məmmədov idarə etdiyi avtomobildən götürdüyü bıçaqla V.Cəfərovun ürək nahiyyəsinə bir neçə zərbə endirib. Nəticədə V.Cəfərov hadisə yerində keçinib.
Faktla bağlı Xızı Rayon Prokurorluğunda cinayət məcəlləsinin 120.1-ci (qəsdən adam öldürmə) maddəsi ilə cinayət işi başlanıb və Qabil Məmmədov həbs edilib.
İlkin ifadəsi zamanı Q.Məmmədov qarşı tərəfi onu təhqir etdiyinə görə öldürdüyünü bildirib.
