KORONAVİRUSA YOLUXANLARIN SAYI - CANLI STATİSTİKA

Xorvatiyanın qapımıza vurduğu penalti haqsız imiş? — MÜTƏXƏSSİS RƏYİ

Xorvatiyanın qapımıza vurduğu penalti haqsız imiş?
21:30
10.09.2019
4952
İdman
A
Sabiq FİFA referisi Əfqan Həmzəyev dünən 1:1 başa çatan Azərbaycan - Xorvatiya matçında qapımıza təyin olunan penalti ilə bağlı fikirlərini bölüşüb.

“Ölkə.Az” xəbər verir ki, epizodu şərh edən sabiq referi penalti qərarının doğru olmadığını qeyd edib:

“Bəzi üzdəniraq futbol biliciləri bu epizodun penalti olduğunu deyir. Burda penaltidən söhbət gedə bilməz. Həddən artıq aqressiya müşahidə olunmur. Vurmur, şiddət yoxdur, sadəcə toxunur. Buna görə bir komandaya sarı vərəqə və penalti vermək sadəcə və sadəcə gülməlidir. Belə penaltini dünyanın hansı yerində verirlər görəsən?”.

Ə.Həmzəyev sözlərinə əlavə edib ki, oyun davam etdirilməli idi. Top oyunda olmayanda isə sadəcə qapıçıya yaxınlaşıb şifahi xəbərdarlıq etmək lazım idi.

Ölkə.Az

ŞƏRH YAZ
0

"Karyeramda yeni bir səhifə açmağa, irəliyə daha bir addım atmağa hazırlaşırdım" — Millimizin üzvü AFFA-nın dəstəyindən danışdı

23:54
06.07.2020
487
İdman
A
Koronavirus pandeyiması futbolun bütün sahələrinə zərər vurdu. Aydın məsələdir ki, qadın futbolu da istisna deyil. Bir çox azərbaycanlı qadın futbolçuları da hazırda klublarına qoşula bilməyiblər. Belədə, onların məvacibsiz qalması da qaçılmaz olub.

 

Sport24.az-a bunula bağlı danışan millimizin üzvü Vüsalə Seyfətdinova AFFA-nın onlara yardım etdiyini bildirdi: “Karyeramda yeni bir səhifə açmağa, irəliyə daha bir addım atmağa hazırlaşırdım. Gürcüstanın “Nike” klubu ilə müqavilə imzalamaq üçün qonşu ölkəyə yollanmalı idim. Təəssüf ki, koronavirus pandemiyasına görə planım baş tutmadı. Təbii ki, bu, futboldan uzaq düşməyimlə yanaşı, maddi baxımdan da çətinlikərlə üzləşməyimə səbəb oldu. Amma bu çətin günlərdə AFFA öz dəstəyini əsirgəmədi. Qadın futboluna, futbolçulara dəstək olduğu üçün AFFA-ya minnətdarlığımı bildirirəm. Ümid edirəm ki, pandemiya tezliklə başa çatacaq və yenidən futbol oynamağa başlayacağam”.

ŞƏRH YAZ
0

"Xalq öz liderinin polad iradəsini gördü" — Firdovsi Umudov

23:35
06.07.2020
2123
İdman
A
"Son aylar dünyanın baş ağrısına çevrilmiş koronavirus pandemiyası ölkəmizə də təsirsiz ötüşməyib. Amma ümidverici məqam odur ki, möhtərəm Prezidentimiz cənab İlham Əliyevin və Birinci vitse-prezident Mehriban xanım Əliyevanın qətiyyətli dəstəyi və qərarları sayəsində ölkəmizdə preventiv tədbirlər görüldü".

"Ölkə.Az" xəbər verir ki, bu fikirlər Azərbaycan Güləş Federasiyasının vitse-prezidenti Firdovsi Umudova məxsusdur.

F.Umudov qeyd edib ki, ölkə başçısının qabaqgörən siyasəti nəticəsində Azərbaycanda pandemiya geniş vüsət ala bilməyib: 

"Pandemiyanın təsir göstərə biləcəyi sahələr ciddi nəzarətə götürüldü.  Məhz onun nəticəsidir ki, bu gün ölkəmizdə pandemiya geniş vüsət ala bilmədi. Cənab Ali Baş komandan və ölkənin birinci xanımı Mehriban xanım Əliyeva dəfələrlə xalqımıza müraciət etdilər, nümunələr göstərdilər. Cənab Prezidentin göstərişlərinə əsasən ölkəmizdə modul tipli xəstəxanalar istifadəyə verildi. Sərt karantin rejimi tətbiq olundu. Bu müddət ərzində insanlara zəruri maddi və mənəvi yardımlar göstərildi. Heç kimə sirr deyil ki, bütün bunlar məhz xalqın sağlamlığının qorunması üçündür.  

Çünki əhalinin sağlamlığının qorunması prioritet məsələdir. Bundan başqa, cənab Prezidentimiz və Birinci vitse-prezidentimiz qapalı məkanlarda maska taxaraq insanlara örnək, nümunə oldular. İnsanlar üçün bir etalona çevrildilər. Əhaliyə maska taxmaq, məsafə saxlamaq və gigiyena qaydalarına əməl etməklə bağlı mühüm çağırışlar etdilər, tövsiyələr verdilər. İnsanlar üçün yeni bir həyat kredosunun cığırını açdılar. Yeni yaşam tərzinin qaydalarını izah etdilər. Sözsüz ki, bütün bu tövsiyə və çağırışlar öz müsbət effektini verdi, verir və verməkdədir. 

Doğrudur,  dünyanı cənginə alan bu gözəgörünməz düşmənlə mübarizə zamanı bəzi yarıtmaz qüvvələr sosial platforma üzərindən cəmiyyətdə ajiotaj yaradan dezinformasiyalar tirajlayıb, cəmiyyəti təşvişə salmaq istəyirdilər. Lakin bu baş tutmadı. Ona görə ki, ölkə başçısı və Birinci vitse-prezidentin daim xalqın yanında olması, daim xalqın səsinə səs verməsi, daim xalqa dəstək ifadə etməsi bütün bu təhdidlərin qarşısını aldı. Artıq insanlar üzərlərində ölkə rəhbərliyinin dəstəyini, qətiyyətini, polad iradəsini gördülər. Xalq öz Liderinə inandı, güvəndi və etimad göstərdi. Axı “Azərbaycanda hakimiyyətin mənbəyi xalqdır” ifadəsi təsadüf seçilmiş epizodik bir ifadə deyil. Bu, reallıqla çulğalaşan bir deyimdir.  Məhz bu inam və etimadın göstəricisidir ki, bu gün bütün rayonlarımızdan Prezidentə təşəkkür məktubları gəlir. 

Onu da unutmaq olmaz ki, pandemiya ölkəmizə yenicə ayaq açanda cənab Ali Baş Komandan , möhtərəm Prezidentimiz “Biz birlikdə güclüyük” ifadəsini işlətdi və qısa bir zamanda bu ifadə ölkədə sloqana, trendə şüara çevrildi".

Federasiya Rəsmisi idmançıların birlik göstərərək virusa qarşı mübarizəyə dəstək göstərməsi məsələsinə də toxunub:

"Əlbəttə, Azərbaycan idman ictimaiyyəti də bu şüardan kənarda qala bilməzdi, qalmadı da... Bütün idmançılar “Biz birlikdə güclüyük” şüarını əsas tutaraq ölkədə virusa qarşı aparılan mübarizəyə dəstəyini ifadə etdi. Evdə qaldıq, amma idmandan qalmadıq. Çünki biz əminik ki, ölkə rəhbərliyinin gördüyü kompleks işlərin sayəsində bu qara buludlar  ölkəmizin başı üzərindən çəkiləcək və həyat öz axarına dönəcək. Yenə də biz idmançılar beynəlxalq arenalarda müstəqil və qüdrətli Azərbaycanımızın şanlı bayrağını möhtəşəm himnimizin sədası altında ucaldacağıq. 

Heç kimə sirr deyil ki, bəşəriyyət belə fors-major hallarla çox üzləşib. İstər Dünya Müharibələri illərində, istərsə də Dağlıq Qarabağ münaqişəsi dövründə idman ictimaiyyəti bu cür fövqəlvəziyyətlərdən üzüağı çıxıb. 1990-cı illərin əvvəlləri Azərbaycanın odlu-alovlu, məşəqqətli bir tarix idi. Məhz həmin dönəmdə biz idmançılar yağış kimi yağan mərmilər altında məşqlərimizi davam etdirirdik. Məqsəd isə bir idi: “Azərbaycanımızı dünyada tanıtmaq, bayrağımızı zirvələrə yüksəltmək”.  Lakin bunun üçün şərait yox idi. Biz heç beynəlxalq yarışlara qatıla bilmirdik. Amma Ulu Öndər Heydər Əliyevin xalqın təkidli tələbi ilə yenidən hakimiyyətə qayıdışından sonra Azərbaycan öz müstəqilliyini əldə etdi, möhkəmləndirdi. Respublikamızın memarı olan Ümummili Liderin uzaqgörən və dəmir məntiqlə həyata keçirdiyi siyasət nəticəsində Azərbaycanın müstəqilliyi dönməz, sarsılmaz bir xaraktrer aldı. Və bu sarsılmazlıq, dönməzlik və əbədilik bu gün cənab Ali Baş Komandan İlham Əliyev tərəfindən uğurla davam etdirilir. Bu gün dünyada böyük nüfuz və imicə malik müstəqil, qüdrətli sabit və stabil bir ölkəmiz var. Azərbaycanın dünyada sabitlik adası kimi tanınması heç də təsadüfi deyil. Məhz bu sabitliyin, əmin-amanlığın nəticəsidir ki, Azərbaycan həm də bir idman ölkəsinə çevrilə bildi. Nəhəng idman turnirlərinə ev sahibliyi edə bildi. Və bunun da nəticəsində Avropa, dünyaya çıxış əldə etdi. İndi dünya idman arenalarını Azərbaycansız təsəvvür etmək mümkün deyil. Məsələn, elə bu günlərdə Dünya Güləş Birliyi (UWW) ilin sonunadək keçirilməsi planlaşdırılan dünya və Avropa çempionatlarının yeni təqvimini açıqladı. Yeniyetmələr arasında Avropa çempionatının oktyabrın 5-dən 11-dək Polşada (şəhər bəlli deyil), gənclərin Avropa çempionatının oktyabrın 19-dan 25-dək Şimali Makedoniyanın paytaxtı Skopyedə, U-23 dünya çempionatının isə noyabrın 23-dən 29-dək Finlandiyanın Tampere şəhərində keçirilməsi planlaşdırılır. 23 yaşadək güləşçilərin dünya çempionatını təşkil etmək mümkün olmasa, həmin tarixlərdə bu yaş qrupu üzrə qitə birinciliyinin keçirilməsi nəzərdə tutulub".
Firdovsi Umudov təxirə salınan beynəlxaq yarışlar barəsində də məlumat verib:

"UWW mövcud şəraiti nəzərə alaraq gənclər və böyüklər arasında dünya çempionatının eyni məkanda baş tutmasını məqsədəuyğun sayır. Plana əsasən, gənclər arasında DÇ dekabrın 4-dən 10-dək, böyüklər arasında analoji yarış isə dekabrın 12-dən 20-dək Serbiyanın paytaxtı Belqradda keçiriləcək. Əlbəttə, Azərbaycanın idman ictimaiyyəti böyük hünər və coşğu ilə bu yarışlara qatılıb, yüksək əyyarlı medallar uğurunda mübarizə aparacaq. Ölkəmizə, xalqımıza qələbə, zəfər sevinci yaşadacaqlar. 

Əlbəttə, müstəqil Azərbaycanımıza, dövlətimizə, xalqımıza yalnız qələbə yaraşır. İnanıram ki, bir gün dünyanın ən nəhəng idman turnirləri Azərbaycanın ev sahibliyi ilə Dağlıq Qarabağda keçiriləcək ! Tanrı müstəqil Azərbaycanımızı, uca xalqımızı və bu dövlətin, millətin qarantı olan Ali Baş Komandanımızı qorusun!" unikal.org

ŞƏRH YAZ
0
BAĞLA