Xorvatiyanın qapımıza vurduğu penalti haqsız imiş? — MÜTƏXƏSSİS RƏYİ

Xorvatiyanın qapımıza vurduğu penalti haqsız imiş?
21:30
10.09.2019
4573
İdman
A
Sabiq FİFA referisi Əfqan Həmzəyev dünən 1:1 başa çatan Azərbaycan - Xorvatiya matçında qapımıza təyin olunan penalti ilə bağlı fikirlərini bölüşüb.

“Ölkə.Az” xəbər verir ki, epizodu şərh edən sabiq referi penalti qərarının doğru olmadığını qeyd edib:

“Bəzi üzdəniraq futbol biliciləri bu epizodun penalti olduğunu deyir. Burda penaltidən söhbət gedə bilməz. Həddən artıq aqressiya müşahidə olunmur. Vurmur, şiddət yoxdur, sadəcə toxunur. Buna görə bir komandaya sarı vərəqə və penalti vermək sadəcə və sadəcə gülməlidir. Belə penaltini dünyanın hansı yerində verirlər görəsən?”.

Ə.Həmzəyev sözlərinə əlavə edib ki, oyun davam etdirilməli idi. Top oyunda olmayanda isə sadəcə qapıçıya yaxınlaşıb şifahi xəbərdarlıq etmək lazım idi.

Ölkə.Az

ŞƏRH YAZ
0

"Qarabağ" "Siqma"ya uduzdu

18:57
Bu gün
313
İdman
A
Antalyada təlim-məşq toplanışı keçirən "Qarabağ" növbəti yoxlama oyununa çıxıb.

"Ölkə.Az" qol.az-a istinadən xəbər verir ki, Qurban Qurbanovun kollektivi  Çexiyanın "Siqma" komandası ilə qarşılaşıb. "Köhlən atlar" matçda məğlub olub- 1:3.

Qeyd edək ki, "Qarabağ" bu gün 2-ci yoxlama görüşünü də keçirəcək. Ağdam təmsilçisi sabiq futbolçusu Jakub Jezniçakın hazırkı klubu olan  Polşanın "Visla" komandası ilə üz-üzə gələcək. Oyun Bakı vaxtı ilə 18:30-da başlayacaq.

24 yanvar

"Qarabağ" - "Siqma" 1:3
Qollar: Martin Hala, 23 (0:1), Musa  Qurbanlı, 59 (1:1), Moymir Sitil, 61 (1:2), David Zima, 89 (1:3)

ŞƏRH YAZ
0

Rafael Ağayev Fransada ağır zədələnib

Rafael Ağayev Fransada ağır zədələnib
16:33
Bu gün
1037
İdman
A
Fransanın paytaxtı Parisdə karate üzrə ilin ilk Premyer Liqa yarışına start verilib.

"Ölkə.Az" İnterAz-a istinadən xəbər verir ki, birinci gün tatami üzərində 16 idmançımızdan doqquzu çıxıb.  

Bunlardan Firdovsi Fərzəliyev (-60 kq), Rafiz Həsənov, Tural Ağalarzadə (hər ikisi -67 kq), Rafael Ağayev (-75 kq), Nuranə Əliyeva (-50 kq), İlahə Qasımova (-55 kq) kumitedə, Tural Balcanlı, İsmayıl Quliyev və Rövşən Əliyev isə kata komandalarının çıxışında mübarizəyə qatılıb.  

İdmançılarımızdan yalnız Rafiz Həsənov bürünc medal uğrunda yarışacaq. O, iki gün sonra braziliyalı Vinisius Fiqueyra ilə qarşılaşacaq.  

Beşqat dünya çempionumuz Rafael Ağayevə gəlincə, o, Bakıya medalsız qayıtmalı olacaq. Tanınmış idmançımız belaruslu Qleb Saçkovski və çilili Matias Rodriqes Fuentasla görüşlərdə 2:0 hesabı ilə qalib gəlib. Lakin o, cənubi amerikalı idmançı ilə görüşdə ciddi zədə alıb. Buna baxmayaraq, döyüşü davam etdirərək qalib gəlib.  
 
O, 1/4 finalda yaponiyalı Yusei Sakiyama ilə qarşılaşıb. Gərgin keçən görüşdə yapon idmançı 3:2 hesabı ilə qalib gəlib. Daha sonra yapon idmançının özü də yarımfinalda uduzduğundan, Rafael Ağayevin medalsız qalacağı dəqiqləşib.  

Qeyd edək ki, Olimpiadaya lisenziya xalları qazandıran turnirdə 92 ölkədən 703 karateçi iştirak edir. Sabah daha yeddi idmançımız medal uğrunda yarışacaq.  

ŞƏRH YAZ
0
BAĞLA