AXTAR

Axtarışın nəticələri

Bütün nəticələr

Xoşqədəm canlı veriliş aparacaq

08.01.2017 18:15 Bölmə: Maqazin Oxunma sayı: 1011
A- A A+

Araşdırmaçı-jurnalist Xoşqədəm Hidayətqızının müəllifi olduğu "Səni axtarıram" verilişi bu ildən etibarən canlı yayımlanacaq. Veriliş hər bazar günü 21:00-da efirə gedəcək.

Bu barədə məlumatı aparıcının özü "Report"a təsdiq edib.

"Bəli, bu doğrudur. Əvvəl "Səni axtarıram" bazar günü saat 22:00-da yayımlanırdı. Bu ildən belə olmayacaq. Tamaşaçılar həmişə verilişin gec başlamasından gileylənirdilər. Artıq onlar da öz arzularına çatacaqlar. Bu, həmçinin mənim də ən böyük arzum idi. İllər idi ki, verilişin canlı olmasını istəyirdim və "Xəzər" telekanalının rəhbərliyi mənim bu arzumun gerçəkləşməsinə şərait yaratdı. Onlara təşəkkür edirəm. "Səni axtarıram"da canlı bağlantılar, telekörpülər olacaq, studiyada insanlara axtardığı şəxslər barədə anındaca məlumatlar veriləcək. İnşallah, tamaşaçılar fərqli bir veriliş izləyəcəklər. Onu da qeyd edim ki, veriliş təkcə bu həftə canlı olmayacaq, gələn həftədən isə canlı yayımlanmağa başlayacaq", - deyə X.Hidayətqızı bildirib.

Ölkə.az