Xoyskinin nəvəsi Prezident İlham Əliyevə təşəkkür etdi — FOTO

Xoyskinin nəvəsi Prezident İlham Əliyevə təşəkkür etdi
18:55
08.11.2019
3417
Ölkə
A
"Azərbaycanın ilk bayrağını görənlərdən biri olduğum üçün çox xoşbəxtəm".

"Ölkə.Az" xəbər verir ki, bunu "Report"un Türkiyə bürosuna açıqlamasında Azərbaycan Xalq Cümhuriyyətinin ilk baş naziri, daxili işlər, hərbiyə, ədliyyə və xarici işlər naziri olmuş Fətəli xan Xoyskinin qardaşı, general Hüseynqulu xan Xoyskinin nəvəsi Leyla xan Xoyski-Keykurun bildirib.

O, 9 noyabr - Dövlət Bayrağı Günü münasibətilə Azərbaycan xalqını təbrik edib:

"Mənim evim kiçik Azərbaycandır. Ona görə də Azərbaycandan gələn hər kəsə qapımı açıb qucaqlayıram. Mən Azərbaycan bayrağını hər bir azərbaycanlıdan bəlkə də daha çox sevirəm. Deməli, Azərbaycan Xalq Cümhuriyyəti qurulduqdan sonra Fətəli xan Xoyski babam Adil xan Ziyadxanı fars dilini mükəmməl bildiyi üçün İrana səfir təyin etmişdi. Adil xan Ziyadxan Azərbaycanən üçrəngli bayrağını dizayn edən Əli bəy Hüseyinzadə ilə tez-tez görüşüb məsləhətləşirmiş. Həmin vaxt babam digər hökumət üzvləri ilə birlikdə dizayn edib hazırladıqları ilk beş üçrəngli Azərbaycan bayrağından birini özü ilə İrana aparmışdı.

Uşaq da olsam, bugünkü kimi yadımdadır. Bir gün anamla babamı ziyarətə getmişdik. Babamgilə divarda üçrəngli, kənarları qızılı pullarla işlənmiş parça gördüm. Rəngləri o qədər gözəl idi ki... Xalalarım bayrağın ətrafına qızıl pullar tikmişdilər, kəpənək formasında ortadan büzmüşdülər, par-par parıldayırdı. Çox xoşuma gəldi. Evin ən gözəl yerində asılmışdı. Xalalarımdan nə olduğunu soruşanda bunun bizim bayrağımız olduğunu dedilər. İlk dəfə bayrağımızı onda gördüm. Hər dəfə babamgilə gedəndə pianonun yanında oturub saatlarla bayrağımızı izləyirdim.

L.Xoyski ailəsinin 1921-ci ildə İrandan Türkiyəyə mühacirət etmək məcburiyyətində qaldığını deyib:

"Azərbaycan Xalq Cümhuriyyəti süquta uğradıqdan sonra üçrəngli bayraq evimizə gətirildi. Təəssüf ki, evdən köçəndə həmin bayraq müəmmalı şəkildə yox oldu. Ya itdi, ya da oğurlandı.  Yəqin ki, kənarlarındakı qızıl pula görə götürmüşdülər. Sonralar xalam yağlı boya ilə bayrağımızın şəklini çəkdir və divara vurdu. Həmin rəsm evimizin ən əziz əşyası idi. Həqiqətən çox gözəl çəkmişdi. Sanki toxunsam, əlimdə hiss edəcəyəm kimi gəlirdi. Yəni bir gün belə evin divarı bayraqsız qalmadı".

O, ailəsində Azərbaycan bayrağın gördüyü sevginin sərhədsiz və sonsuz olduğunu vurğulayıb: “Mən gözümü açanda atam və anamın bayrağa olan böyük sevgisini gördüm. Həmin vaxt Azərbaycan bayrağı bir tək bizim evdə vardı. O bayraq mənə Azərbaycanda yaşadığımı hiss etdirirdi. Azərbaycandan biri gələndə gözlərim dolur, elə bilirəm atam, anam gəlir. Anam, atam, babam, nənəm, xalalarım hər gün yenidən Azərbaycana qayıtmaq arzusu ilə yaşayırdılar, Azərbaycanla nəfəs alırdılar. Mən onlarda bayrağa, vətənə olan sonsuz sevgini gördüm. Bir sözlə, 70 il vətən həsrəti ilə yaşayan atam və anamdan öyrəndim bayraq sevgisini. Həmin bayraq bizim üçün çox dəyərli, müqəddəs və toxunulmaz idi. Ümumiyyətlə, mənim üçün bayraq sevgisini sözlə ifadə etmək çətindir. İndi Azərbaycanın üçrəngli bayrağı hər yerdə dalğalanır. Bax, mənim üçün ən böyük qürur, xoşbəxtlik budur”.

L.Xoyski bu ilin sentyabr ayında “Azərbaycan Xalq Cümhuriyyətinin 100 illiyi (1918-2018)” medalı ilə təltif olunduğuna görə Prezident İlham Əliyevə təşəkkür edib:

"Göstərdiyi böyük diqqət və qayğı üçün Prezident İlham Əliyevə dərin minnətdarlığımı bildirirəm. Mən ailəm adına bu medala layiq görüldüyüm üçün çox qürurluyam.  Mən bu medalı vətən, vətən deyə gözüyaşlı dünyadan köçən, babam, nənəm, atam, anam üçün aldım. Tək arzum Azərbaycanın müstəqilliyinin daimi olmasıdır. Baxın, bayraq yenə mənim ürəyimin üzərindədir. Yaşasın Azərbaycan, yaşasın Azərbaycan xalqı və Azərbaycan bayrağı!”.

ŞƏRH YAZ
0

“Azəriqaz” Bakının mərkəzində qazın olmamasının səbəbini açıqladı — FOTO

“Azəriqaz” Bakının mərkəzində qazın olmamasının səbəbini açıqladı
23:18
Bu gün
141
Ölkə
A
Bakının Nəsimi rayonunda qaz olmamasının səbəbi bəlli olub.

"Ölkə.Az" xəbər verir ki, bu barədə “Azəriqaz” İB açıqlama yayıb.  

Bildirilib ki, Nəsimi rayonu Salatın Əsgərova və Səməd Vurğun küçələrinin kəsişməsində yeraltı orta təzyiqli, diametri 377 mm olan qaz kəmərində iki gündür ki, qaz sızmasının aradan qaldırılması üçün “Azəriqaz” İB-i gücləndirilmiş iş rejimində təmir-bərpa işləri aparır.  

Havanın gün ərzində yağıntılı keçməsi də təmir prosesini nisbətən ləngidir. Qazıntı aparılan yerlər yağış suları ilə dolur və kəmər üzərində təmir prosesinin icrası üçün suyun çəkilməsinə zərurət yaranır. 

Buna baxmayaq, bütün əlaqədar qurumlar istirahət günündə də fasiləsiz olaraq iş başındadır.  

Qeyd edək ki, bu gün saat 18:00-da qaz xəttinin təmir olunmuş hissəsi mənbəyə birləşdirilib. Bu müddət ərzində təxminən saat 22:00-dək S.Vurğun, S.Əsgərova, R.Behbudov, S.Rüstəm, Ə.M.Topçubaşov, Bülbül və Mərdanov qardaşları küçələrində bir qrup abonentin qaz təchizatı dayandırılıb.

ŞƏRH YAZ
0

İTV-dən 20 Yanvarla bağlı təsirli çarx: “Onlar bilirlər, biz gələcəyik, bilirik, onlar gözləyirlər” — VİDEO

İTV-dən 20 Yanvarla bağlı təsirli çarx: “Onlar bilirlər, biz gələcəyik, bilirik, onlar gözləyirlər”
23:00
Bu gün
427
Ölkə
A
İctimai Televiziya və Radio Yayımları şirkəti 20 Yanvar faciəsinin 30 illik il dönümünə həsr olunmuş videoçarx hazırlayıb.

"Ölkə.Az" xəbər verir ki, sözügedən videosüjetdə vətənin azadlığı üçün canından keçən insanlara səslənilərək “Siz bizim üçün ölsəniz də, bizim üçün ölməmisiniz” mesajı təsvir edilib. 

Həmin süjeti təqdim edirik. (oxu.az)

ŞƏRH YAZ
0
BAĞLA