Xristianlıqdan İslama keçən ulduzlar

"Ölkə.Az" bu gün oxucularına əvvəlcə xristian, sonradan müsəlman olan ulduzların siyahısını təqdim edir.

Mayk Tayson

Dünya şöhrətli boksçu sadəcə yarışları ilə deyil, həm də uzun illər əvvəl İslamı qəbul etdiyi üçün məşhurdur. 1991-ci ildə Tayson 18 yaşlı qızı zorlamaqda ittiham edilir. Rinqdə uğursuzluq və problemləri səbəbindən depressiyaya düşən idmançı bu zorlama ittihamı ilə daha da pisləşdi. Nəticədə Mayk məhkəmənin hökmü ilə 6 il azadlıqdan məhrum edildi. 3 il həbsdə yatdıqdan sonra azadlığa çıxan Tayson artıq müsəlman idi. Bu dövrdən onun həyatı köklü surətdə dəyişdi.

Canet Cekson

Əfsanəvi pop kralı Maykl Ceksonun kiçik bacısı Qətər vətəndaşı, iş adamı Uisamma Əl-Mana ilə ailə həyatı qurduqdan sonra müsəlman olub. Bir neçə ay əvvəl 50 yaşlı Canet İsa adlı oğlunu dünyaya gətirib. Deyilənlərə görə, qətərli milyarder 5 il Canetə dinini dəyişməyi təklif edib. Müğənni isə hamilə qaldıqdan sonra həyata baxışlarını dəyişib.

Yuliya Volkova

"t.A.T.u" qrupunun keçmiş solisti Yuliya da dinini dəyişib. Onun iki övladı var: 12 yaşlı Vika və iş adamı Pərviz Yasinovun 9 yaşlı oğlu Samir. Samirin atası ilə münasibət Yuliyaya İslamı sevdirib. Müğənni etiraf edir ki, şərq mədəniyyəti və Quranın fəlsəfəsi onu heyrətə gətirib. Yuliyanın bədənində ərəb dilində bir neçə tatu da var.

Kendra Spirs

Məşhur model Kendra Spirs və şahzadə Rəhim Ağa-Xanın nikah tarixi film kimidir. Dini və mədəniyyəti çox fərqli olan iki insan sevgi çadırı altında birləşdi. Nəticədə vəliəhd şahzadə Kendraya model işləməyə icazə verdi. Kendra isə İslamı qəbul edərək şahzadə Salvaya çevrildi. Onun oğlu İrfan böyük bir xanədanın vəliəhdi kimi böyüyür.

Uill Smit

Hollivud ulduzu Uill Smit də İslamı qəbul edənlərdəndir. Amerikalı boksçu Məhəmməd Əlinin həyatından bəhs edən filmə çəkildikdən sonra Uill bu qərarı qəbul edib.

Amal Kluni

Amal Kluni dəb ikonu, beynəlxalq hüquq üzrə mütəxəssis və Corc Kluninin həyat yoldaşıdır. Amal İslamı qəbul edib. İndi Qərb mətbuatı cütlüyün övladlarının hansı dini seçəcəyini gözləyir.

Bastra Rayms

90-cı illərin məşhur repçisi Basta artıq 10 ildən çoxdur ki, İslamı qəbul edib. Repçi bu xəbəri ictimaiyyətə çatdırmayıb. Sadəcə müsahibələrinin birində bu barədə məlumat verib. Basta bildirib ki, həyatında öz yolunu tapmağa çalışır.

Məhəmməd Əli

Əfsanəvi boksçu Məhəmməd Əli də müsəlmanlığı qəbul edənlərdəndir. Onun əsl adı Kassius Martsellus Kley olub. Boksda ilk qələbəsindən sonra 22 yaşlı Kassius adını dəyişir. Çünki artıq İslamı qəbul etmişdi.

Rita Ora

Məşhur müğənni Rita Ora da İslamı seçən ulduzlardandır. Onun ailəsi Yuqoslaviyadandır. Müharibədən qaçan ailə Böyük Britaniyaya miqrasiya edib. Ritanın anası katolik, atası isə müsəlmandır. Müğənni dəfələrlə İslama böyük hörmətlə yanaşdığını və kökünü unutmadığını bildirib.

Lindsey Lohan

Qalmaqalları və qanuna qarşı çıxması ilə məşhur olan aktrisa Lindsey Lohanın İslamı qəbul etdiyi bildirilir. Ulduz davranışlarını dəyişmək qərarına gəlib. Onun əlində dəfələrlə Quran kitabı görüblər. Bu yaxınlarda isə Lindsey dənizdə burkini (müsəlman qadınlar üçün çimərlik geyimi) ilə çimib. Hələ ki, aktrisa rəsmi bəyanat verməyib.

Hikmət Həsənov
Ölkə.Az