Yağış Vaşinqtonu iflic etdi: Ağ ev su altında, metroda “şəlalə”

Yağış Vaşinqtonu iflic etdi: Ağ ev su altında, metroda “şəlalə”
22:06
08.07.2019
2838
Dünya
A
Güclü yağışlar Vaşinqtonu iflic vəziyyətə salıb.

"Ölkə.Az" bildirir ki, təbiət hadisəsi nəticəsində əmələ gələn su axınları metro stansiyaları, şəhərin ətrafındakı bir çox sahələri, həmçinin Ağ ev və onun ətrafındakı yaşayış sahələrini öz ağuşuna alıb.

Dəmir yolu nəqliyyatı ilə məşğul olan “Amtrak” şirkəti “Twitter” vasitəsilə yaydığı məlumatda bildirib ki, əlverişsiz hava şəraiti ilə əlaqədar olaraq, Vaşinqtonun cənubuna nəzərdə tutulmuş bütün reyslər təxirə salınıb.

ABŞ paytaxtında yeraltı metro nəqliyyatı da yağışdan əziyyət çəkib. Sosial şəbəkələrdə yayılan videolarda stansiyaların damından axan “şəlalələr”in görüntüləri əks olunub.

Küçələrdə də su yığıntıları səbəbindən avtomobillərin hərəkəti çətinləşib. Bəzi sürücülər nəqliyyat vasitələrini küçədə qoyaraq piyada davam etməli olublar. Hətta ABŞ prezidentinin mətbuat konfransı üçün Ağ evə gələn jurnalistlər də hər tərəfin su altında qaldığını görüb işlərini yarımçıq qoymalı olublar.

Bundan əlavə, paytaxtın bir sıra bölgələrinin elektrik enerjisiz qalması haqqında məlumatlar da yayılır.

ŞƏRH YAZ
0

Yerə iri asteroid yaxınlaşır

Yerə iri asteroid yaxınlaşır
03:03
Bu gün
331
Dünya
A
ABŞ-ın Aeronavtika və Kosmik Fəzanın Tədqiqatı üzrə Milli İdarəsi (NASA) diametri 440-990 metr olan iri asteroidin Yerə yaxınlaşdığı barədə məlumat yayıb.

“Ölkə.Az” azərtac-a istinadən xəbər verir ki, NASA-nın Yerətrafı Fəzadakı Obyektlərin Tədqiqatı Mərkəzinin (CNEOS) saytına istinadla xəbər verir ki, oktyabrın 25-də 162082 (1998 HL1) adı verilən göy cismi saniyədə 11,2 kilometr sürətlə Yerin təxminən 6,2 milyon kilometr yaxınlığından keçəcək.

NASA-nın məlumatına görə, həmin asteroid 1998-ci ilin aprel ayında kəşf olunub. Astronomlar onu Apollonlara - orbitləri Yer orbiti ilə kəsişən asteroidlərə aid edir.

Aeronavtika və Kosmik Fəzanın Tədqiqatı üzrə Milli İdarə planetimiz üçün potensial təhlükə törədən və eni bir kilometrdən çox olan iri asteroidlərin 93 faizini aşkarlayıb. Belə obyektlərin təxminən minə yaxını Günəşdən 195 milyon kilometr məsafədə dövrə vurur. Alimlər, həmçinin Yerin yaxınlığında yerləşən orta ölçülü (100 metrdən bir kilometrə qədər) asteroidlərin sayını da müəyyənləşdirə bilib: 19,5 min ədəd.

Ölkə.Az

ŞƏRH YAZ
0

Rusiyada dəhşət — 5 uşaq bina yanğınında öldü

Rusiyada dəhşət
00:12
Bu gün
1048
Dünya
A
Rusiyanın Yaroslavl vilayətində baş verən yanğın nəticəsində 7 nəfər ölüb, onlardan 5 yetkinlik yaşına çatmayan uşaqlardır.

“Ölkə.Az” “interfax”a istinadən xəbər verir ki, yanğın barak tipli binanın ikinci mərtəbəsində baş verib. İlkin ehtimallara görə, yanğın oddan ehtiyatsız davranma nəticəsində olub.  

Verilən xəbərə görə,  öən uşaqlar 1-6 yaş arasında olublar. 

Ölkə.Az 

ŞƏRH YAZ
0
BAĞLA