Yağış və qar yağacaq, külək güclənəcək — SABAHIN HAVASI

Yağış və qar yağacaq, külək güclənəcək
12:58
07.12.2017
5403
Ölkə
A
Bakıda və Abşeron yarımadasında dekabrın 8-də gün ərzində bəzi yerlərdə arabir yağış yağacağı gözlənilir.

Mülayim şimal-qərb küləyi  gündüz arabir güclənəcək.
 
ETSN-dən "Ölkə.Az"- a verilən məlumata görə, havanın temperaturunun gecə  2-4° isti, gündüz  6-9° isti, Bakıda gecə  2-4° isti, gündüz  7-9° isti olacağı gözlənilir.
 
Atmosfer  təzyiqi  758  mm civə sütunundan 766 mm civə sütununa yüksələcək.
 
Nisbi  rütubət  80-90 % olacaq. 
 
Azərbaycanın rayonlarında bəzi yerlərdə yağış, dağlıq və dağətəyi rayonlarda qar yağacağı gözlənilir. Gündüz əksər rayonlarda əsasən yağmursuz keçəcək. Ayrı-ayrı yerlərdə duman olacaq. Qərb küləyi ayrı-ayrı yerlərdə arabir güclənəcək.
 
Havanın temperaturunun gecə 2° şaxtadan 3°-dək isti, gündüz  6-10° isti, dağlarda gecə 4-9° şaxta, gündüz  2° şaxtadan 3°-dək isti olacağı gözlənilir.

ŞƏRH YAZ
0

Sürücülərin nəzərinə — Bu yollarda diqqətli olun

Sürücülərin nəzərinə
11:57
Bu gün
134
Ölkə
A
Avtonəqliyyat vasitələrinin təhlükəsiz hərəkətinin tənzimlənməsi məqsədi ilə Bakı-Quba-Rusiya Federasiyası ilə dövlət sərhədi avtomobil yolunun 45-52-ci km-lik hissəsində bu gün axşam saatlarınadək yol qəzaları nəticəsində yararsız vəziyyətə düşmüş təhlükəsizlik sədlərinin təmiri işləri aparılır.

Avtomobil Yolları Dövlət Agentliyindən “Ölkə.Az”a verilən məlumata görə, bundan başqa Bakı şəhərində təhlükəsiz hərəkətinin tənzimlənməsi məqsədi ilə Sulutəpə dairəsindən DSK yolu istiqamətində, həmçinin Heydər Əliyev prospektinin Sabunçu yol qovşağından Koroğlu yol qovşağı istiqamətində üfüqi nişanlama xətlərinin yenidən rənglənməsi işləri aparılır. İşlər axşam saatlarında yekunlaşdırılacaq.

“Sürücülərdən sözügedən yollarda hərəkətdə olarkən diqqətli olmaları, müvəqqəti yol nişanlarına və yol hərəkəti qaydalarına əməl etmələri xahiş olunur”, deyə məlumatda deyilir..

ŞƏRH YAZ
0

Baş nazir jurnalistləri təbrik etdi

Baş nazir jurnalistləri təbrik etdi
11:50
Bu gün
155
Ölkə
A
Azərbaycanın baş naziri Novruz Məmmədov Milli Mətbuat günü münasibətilə jurnalistləri təbrik edib.

“Ölkə.Az” xəbər verir ki, Novruz Məmmədov təbrikini sosial şəbəkədəki səhifəsində yazıb.

“Milli Mətbuat Günü münasibəti ilə KİV nümayəndələrini – jurnalistlərimizi təbrik edir, onlara bu çətin, şərəfli və müqəddəs fəaliyyətlərində uğurlar arzulayıram. İnanıram ki, KİV nümayəndələri mübarizələrini və qarşılarında duran vəzifəni müstəqilliyimizin, dövlətçiliyimizin və qazandığımız nailiyyətlərin qorunması, daha da inkişafı və möhkəmləndirilməsi naminə bundan sonra da əzmlə davam etdirəcəklər”, - deyə Məmmədov statusunda bildirib.

Hikmət Həsənov
Ölkə.Az

ŞƏRH YAZ
0
BAĞLA