Yağış yağacaq, şimşək çaxacaq — Bu günün havası

Yağış yağacaq, şimşək çaxacaq
09:15
13.09.2019
8952
Ölkə
A
Bakıda və Abşeron yarımadasında sentyabrın 13-də havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Ekologiya və Təbii Sərvətlər Nazirliyinin Milli Hidrometeorologiya Departamentindən “Ölkə.Az”a verilən məlumata görə, günün birinci yarısında yarımadanın bəzi yerlərində yağış yağacağı ehtimalı var. Mülayim şimal küləyi əsəcək.

Havanın temperaturu Abşeron yarımadasında gecə 18-21, gündüz 23-26, Bakıda gecə 18-20, gündüz 24-26 dərəcə isti təşkil edəcək.

Atmosfer təzyiqi normadan yüksək 766 mm civə sütunu, nisbi rütubət gecə 60-70, gündüz 50-55 faiz olacaq.

Azərbaycanın rayonlarında sabah hava əsasən yağmursuz olacaq, lakin axşam saatlarında bəzi dağlıq rayonlarda şimşək çaxacağı, arabir yağış yağacağı ehtimalı var. Səhər bəzi yerlərdə duman olacaq. Şərq küləyi əsəcək, ayrı-ayrı yerlərdə arabir güclənəcək.

Havanın temperaturu gecə 15-19, gündüz 23-28, dağlarda gecə 5-9, gündüz 10-15 dərəcə isti təşkil edəcək.

Tibbi-meteoroloji proqnoza gəlincə, sentyabrın 13-də Abşeron yarımadasında mülayim xəzri küləyinin üstünlüyü gözlənilir ki, bu da meteohəssas insanlar üçün əsasən əlverişlidir.

Ölkə.Az

ŞƏRH YAZ
0

“Hədəf”dən 30 000 manatlıq kitab hədiyyəsi

“Hədəf”dən 30 000 manatlıq kitab hədiyyəsi
12:13
Bu gün
141
Ölkə
A
“Hədəf Nəşrləri” oxuculara 30 min manatlıq kitab hədiyyə edəcək.

Bu barədə “Ölkə.Az”-a “Hədəf Nəşrləri”nin direktoru Müşfiq XAN məlumat verib.

“Bu il “Hədəf Nəşrləri”nin yaradılmasının 10 ili tamam olur. Bu münasibətlə nəşriyyat olaraq müxtəlif kampaniya və layihələr həyata keçiririk. Məqsədimiz oxucularımızı və bu illər ərzində bizə dəstək olan insanları sevindirməkdir. Artıq “1000 müəllimə 1000 kitab” kampaniyamız uğrla başa çatıb. Bu kampaniya çərçivəsində Azərbaycanın müxtəlif bölgələrində, eləcə də paytaxtda işləyən 1000 müəllimə kitab hədiyyə etmişik. Ümumiyyətlə, nəşriyyatımız fəaliyyət göstərdiyi 10 il ərzində oxuculara və kitabsevərlərə onminlərlə kitab hədiyyə edib.

Yubileyimiz münasibəti ilə ənəmizə sadiq qalaraq daha çox kitab hədiyyə etməyə qərar verdik. 26 oktyabrda Hədəf Liseyində baş tutacaq tədbirdə qonaqlarımıza təxminən 4000 ədəd kitab və müxtəlif dəftərxana ləvazimatları hədiyyə etməyi düşünürük. Məlumat üçün bildirim ki, hədiyyələrimizin içərisində “Xatirə ədəbiyyatı” seriyasından nəşr olunan 50 kitablıq 50 dəst olacaq. Eyni zamanda, yerli və xarici yazarların nəşriyyatımızda nəşr olunmuş kitablarını da qonaqlarımıza hədiyyə edəcəyik. 10 il ərzində keçdiymiz yolda nəşriyyatın fəaliyyətinə dəstək verən oxucuları, dostları sevindirmək bizi də xoşbəxt edəcək.

Ümumilikdə yubiley ərəfəsində oxucularımıza hədiyyə edəcəyimiz kitabların sayı 5000-i keçir.” Xatırladaq ki, oktyabr ayında “Hədəf Nəşrləri”nin yaradılmasının 10 illiyi tamam olur. Bu münasibətlə Hədəf Liseyində keçiriləcək yubiley tədbirinə ölkə ziyalıları, yazıçılar, oxucular və media nümayəndələri qatılacaq. Tədbirə gələcək hər bir qonağa “Hədəf Nəşrləri” tərəfindən xüsusi hədiyyələr veriləcək.

Ölkə.Az

ŞƏRH YAZ
0

Bakı metrosunda problem — qatar boşaldıldı

Bakı metrosunda problem
11:10
Bu gün
966
Ölkə
A
Bakı metrosunda sərnişinlər boşaldılıb.

"Ölkə.Az" oxu.az-a istinadən xəbər verir ki, Bakı metrosunda qatarlardan birində texniki problem yaranıb.

Bu səbəbdən sərnişinlər boşaldılıb. Stansiyalarda sərnişin sıxlığı müşahidə edilib.

“Bakı Metropoliteni” QSC-nin mətbuat xidmətinin rəhbəri Bəxtiar Məmmədov faktı təsdiq edib. O bildirib ki, son günlər metrodan istifadə edən sərnişinlərin sayında ciddi artım müşahidə edilir:

“Bu gün “Sahil” stansiyasından “28 May” stansiyasına hərəkət edən qatarda texniki problem yaranıb. Qatar “28 May” stansiyasında dayanıb. Sərnişinlərin təhlükəsizliyini nəzərə alaraq qatar boşaldılıb və texniki baxış üçün depoya göndərilib.

Onun əvəzinə xəttə yeni qatar buraxılıb. Hazırda qatarlar arasında interval qrafikə uyğun şəkildə davam etdirilir. Ümumiyyətlə, son dönəmlər metrodan istifadə edən sərnişinlərin sayında ciddi artım var. Bu gün isə stansiyalarda sərnişin sıxlığı müşahidə edilir”.

ŞƏRH YAZ
0
BAĞLA