Yalçın Rzazadə xəstəxanadan evə buraxıldı — YENİLƏNİB

Yalçın Rzazadə xəstəxanadan evə buraxıldı
14:08
11.07.2019
4607
Maqazin
A
Səhhətində yaranan problemlərə görə Mərkəzi Dənizçilər Xəstəxanasına yerləşdirilən Xalq artisti, müğənni Yalçın Rzazadə xəstəxanadan evə buraxılıb.

"Ölkə.Az" xəbər verir ki, bu barədə "Report"a xəstəxanadan məlumat verilib.

"Yalçın Rzazadə ambulator müayinəyə götürülüb. O, müayinə olunduqdan sonra evə buraxılıb. Vəziyyəti normaldır", - Mərkəzi Dənizçilər Xəstəxanasından bildirilib.

Y.Rzazadənin oğlu Yusif Rzazadə isə "Report"a bildirib ki, atası hazırda evdədir: "Atamın vəziyyəti yaxşı deyil. Öd kisəsində problemlər yaranıb və qanına zəhərlənmə yayılıb. Bununla yanaşı mədəsində də bir neçə problem aşkarlanıb. Hazırda analizləri vermişik və cavabını gözləyirik. Analizlərin cavabından sonra atamın səhhəti ilə bağlı yekun qərar veriləcək. Əməliyyat olunacağını ehtimal edirəm".

Qeyd edək ki, 73 yaşlı Y.Rzazadə səhhətində yaranan problemlərlə əlaqədar ötən gün Mərkəzi Dənizçilər Xəstəxanasına yerləşdirilmişdi.

***

Xalq artisti Yalçın Rzazadə xəstəxanaya yerləşdirilib.

"Ölkə.Az"ın Trend-ə istinadən məlumatına görə, ürəyində və öd kisəsində problemlər yaranan ifaçının qanında zəhərlənmə olduğundan təcili olaraq xəstəxanaya çatdırılıb.

Mərkəzi Dənizçilər Xəstəxanasında müalicə olunan Xalq artistinin vəziyyəti ağırdır.

Son üç gündə üç xəstəxana dəyişən Y.Rzazadə hazırda həkimlərin ciddi nəzarətindədir.

ŞƏRH YAZ
0

“Açıq-saçıq səhnələrimi atamdan gizlədirəm” — Məşhur aktrisa

“Açıq-saçıq səhnələrimi atamdan gizlədirəm”
01:27
Bu gün
2417
Maqazin
A
“Taxt oyunları” serialı ilə bütün dünyada məşhurlaşan aktrisa Emili Klark maraqlı açıqlama edib.

''Ölkə.Az'' xəbər verir ki, 33 yaşlı aktrisa rol aldığı açıq-saçıq səhnələrdən narahat olduğu üçün rejissorla mübahisə etdiyini deyib. Karyerasına yeni başlayan zaman tanınması üçün belə səhnələrə çəkildiyini etiraf edən aktrisa, son illərdə bu cür rollarda çəkilmək istəmədiyini deyib. 

Bundan başqa aktrisa atasına “Taxt oyunları”nın ilk 5 seriyasına baxmağı qadağa qoyub.

Nərmin Nuru

Ölkə.Az

ŞƏRH YAZ
0

Zeynəb Xanlarova Namiqi təriflədi — Səni bir özünə, bir də mərdliyinə görə çox istəyirəm

Zeynəb Xanlarova Namiqi təriflədi
01:08
Bu gün
2070
Maqazin
A
Aşıq Namiq Fərhadoğlu Xalq artisti Zeynəb Xanlarova ilə görüşüb.

“Ölkə.Az” xəbər verir ki, aşıq Xanlarova ilə çəkilən videosunu “İnstagram” səhifəsində paylaşıb.

Görüş zamanı Xanlarova aşığın ünvanına xoş sözlər deyib:

“Mən səni çox sevirəm. Çox sənətkarlar var, amma sənətkarların kişiliyini çox istəyirəm. Səni bir özünə, bir də mərdliyinə görə çox istəyirəm”. 

Daha sonra aşıq Xalq artisti ilə bir yerdə çəkilən fotolarını sosial şəbəkədə paylaşaraq, Z. Xanlarovaya təşəkkürünü bildirib:

“Təşəkkür edirəm, dünyanın Zeynəbi, əsl sənətkar. Hər birimizin uşaqlıq yadigarı. Siz bizim xalqa Allahdan verilən ən dəyərli nemətsiniz. Var olun”,- deyə qeyd edib.

Qeyd edək ki, bir müddət öncə Zeynəb Xanlarovanın yataq xəstəsi olduğu iddia edilirdi.

Ölkə.Az

ŞƏRH YAZ
0
BAĞLA