Yanlış qaçırdığı qızı zorlayan şəxsə və onun dostlarına hökm oxundu

Yanlış qaçırdığı qızı zorlayan şəxsə və onun dostlarına hökm oxundu
16:40
21.10.2017
807
Hadisə
A
Gəncə Ağır Cinayətlər Məhkəməsində Göygöldə qaçırdığı qızı zorlamaqda təqsirləndirilən İlqar Abbasov, qız qaçırmaqda ona köməklik edən Eşqin Vəliyev, Qabil Orucov və Rahil Verdiyevin cinayət işi üzrə məhkəmə iclası başa çatıb.

"Ölkə.Az"-ın Report-a istinadən məlumatına görə, hakim Zabil Qasımovun sədrliyi ilə keçirilən prosesdə hökm oxunub.

Məhkəmənin qərarı ilə İ.Abbasov Cinayət Məcəlləsinin 144.2.3-cü (adam oğurluğu), 149.1-ci (zorlama) və 170.3-cü (yetkinlik yaşına çatmayanı cinayətkar fəaliyyətə cəlb etmə) maddələri ilə təqsirli bilinərək 11 il, məcəllənin 144-cü maddəsi ilə təqsirləndirilən E.Vəliyev 9 il, Q.Orucov 8 il, R.Verdiyev isə 6 il müddətinə azadlıqdan məhrum edilib.

Məhkəmə istintaqında təqsirləndirilən şəxs 1993-cü il təvəllüdlü İlqar Abbasov ona elan olunan ittiham üzrə özünü təqsirli bilərək ifadəsində göstərib ki, təxminən 2 il öncə Göygöl rayonunun Zurnabad kəndində yaşayan dostu 1993-cü təvəllüdlü Eşqin Vəliyev ona Göygöl şəhərində Leyla (ad şərtidir) adlı qızın yaşadığını və həmin qızla evlənmək istədiyini bildirib. 

Lakin onun həmin dövrdə pulu olmadığı üçün evlənmək fikrindən daşınıb, sonra pul qazanmaq üçün Rusiyaya gedib. Bir müddətdən sonra Azərbaycana qayıdan İ.Abbasov dostu E.Vəliyevlə yenidən görüşüb və Leyla ilə evlənmək istədiyini deyib. Eşqin ona Leylanı qaçırtmağı təklif edib və onun bu qərarı ilə razılaşan, İ.Abbasov Zurnabad kəndindən Göygöl şəhərinə gəlib və Leylanın arxasınca texniki peşə məktəbinə gediblər. Leylanın dərsdən çıxacağı zamanı öyrəndikdən sonra Eşqin əmisi oğlu 1990-cı təvəllüdlü Qabil Orucova zəng vurub çağırmağı və Qabilin avtomobili ilə Leylanı qaçırmağı təklif edib. Lakin onların konturu olmadığı üçün Göygöl şəhər avtovağzalına tərəf gedərkən dayısı oğlu 1998-ci il təvəllüdlü Rahil Verdiyev ilə rastlaşıblar və söhbət zamanı Rahilə qız qaçırmağa gəldiklərini deyiblər. Eşqin Rahilin mobil telefonuna kontur yükləyib, Q.Orucova zəng vurub, Qabilə peşə məktəbinin qarşısına gəlməsini, oradan Gəncə şəhərinə gedəcəklərini bildirib.

Bundan sonra Rahil də onlara qoşulub birlikdə texniki peşə məktəbinin qarşısına gəldikdən bir müddət sonra Q.Orucov idarə etdiyi “VAZ-2106” markalı avtomobili ilə peşə məktəbinin qarşısına gəliblər. Eşqin Qabilə Gəncə şəhərinə getməyəcəyini, peşə məktəbində oxuyan Leyla adlı qızı qaçıracaqlarını deyib. Qabil ona problem yaradacaqlarını bildirdikdə Eşqin heç bir problemin olmayacağını deyib. Həmin günü saat 14:15-də peşə məktəbindən iki nəfər qız çıxıb, Eşqin qızlardan birini göstərib və Leyla olduğunu deyib və həmin iki qız piyada yol gedən zaman gənclər avtomobillə onların arxaınca gediblər. Qızlardan biri ayrılıb gedib, o biri isə yolu qarşı tərəfə keçib avtobus gözləyib. İlqar Eşqinlə qıza yaxınlaşdıqda Qabil avtomobili qızın dayandığı yerə sürüb, avtomobildə arxada əyləşən Rahil arxa sağ qapını açıb və qızın qolundan və ağzından tutaraq onu zorla avtomobilə mindiriblər.

Avtomobildə arxada Eşqin ilə Rahil, İlqar isə öndə oturub. Qız qışqırıb onlara müqavimət göstərərkən, Eşqin qıza “Leyla, sakit dur” - dedikdə, həmin qız adının Leyla olmadığını, Lalə (ad şərtidir) olduğunu bildirib. Onlar səhv qızı qaçırdıqlarını bildikdə İ.Abbasov, artıq gec olduğunu deyib, Laləni Zurnabad kəndində yaşayan qardaşı Vüqarın evinə gətirib. Laləni Eşqinlə birlikdə zorla avtomobildən düşürərək evə aparıb. Bundan sonra Laləyə cinsi əlaqədə olmağı təklif edib, lakin qız bu təklifə etiraz etsə də, o, zorla Lalə ilə cinsi əlaqədə olub. 

ŞƏRH YAZ
0

Mənzil üstündə atası və bacısını döydü — Ailədaxili münaqişənin TƏFƏRRÜATI

Mənzil üstündə atası və bacısını döydü
13:14
Bu gün
87
Hadisə
A
Binəqədi rayonunda mənzil üstündə atası və bacısını döyən şəxsə qarşı xuliqanlıq maddəsi ilə cinayət işi başlanıb.

“Ölkə.Az”ın məlumatına görə, cinayət məcəlləsinin 221.3-cü maddəsi ilə təqsirləndirilən Quliyev Amil Qarsalan oğlunun məhkəmə prosesi iyul ayının 24-də hakim Rəşad Əliyevin sədrliyi ilə keçiriləcək. 

İttiham aktına görə, xuliqanlıq cinayəti Binəqədi rayonu Şövkət Məmmədova küçəsi, 2 saylı Evtikmə Kombinatının həyətindəki qaçqın şəhərciyində qeydə alınıb.  6 saylı binanın 14-cü mənzilində məskunlaşan,  Xocalıdan məcburi köçkün Quliyev Qarsalan Sultan oğlu 2009-cu ildən həmin binada yaşadığını bildirib. Özü, həyat yoldaşı, qızı və 3 məktəb yaşlı nəvəsi ilə adı çəkilən ünvana qeydiyyatdadır.  Oğlu Amil Quliyev ailə qurduqdan sonra iki azyaşlı övladı ilə həmin ünvana qeydiyyata alınıb. Məhkəmə qərarı ilə ora köçürülüb. Bundan sonra tez-tez  ailədaxili münaqişələr baş verib.

Sonuncu insident isə bu il may ayının 23-də gecə baş verib. Quliyev Amil həyat yoldaşı ilə evə girmək istəyib. Quliyev Qarsalan isə bir neçə gün əvvəl oğlunun onlara ağır xəsarət yetirdiyini əsas gətirərək onları içəri buraxmayıb. Elə bu səbəbdən də münaqişə düşüb. Bundan sonra hər iki tərəf polisə müraciət edib. Quliyev Qarsalan və onun qızı Quliyeva Solmazın iddiasına görə,  Amil narkotik istifadəçisi və satışı ilə məşğul olur. Şikayətçilərin əsas tələbi Qaçqınların və Məcburi Köçkünlərin işi üzrə Dövlət Komitəsindən onlara verilmiş 4 otaqlı evin geri alınması, onlara yeni müvafiq mənzillərin verilməsidir.

ŞƏRH YAZ
0

Bakıda iyrənc hadisə — Ailəli qadını intim fotolarını sosial şəbəkədə paylaşacağı ilə hədələdi, 12 min manatını aldı

Bakıda iyrənc hadisə
10:38
Bu gün
1354
Hadisə
A
Qaradağ rayonunda qadının intim görüntülərini sosial şəbəkədə yayacağı ilə hədələyib 12 min manat pulunu alan şəxs hakim qarşısına çıxarılacaq.

“Ölkə.Az”ın məlumatına görə, Məmmədov Miriyusif Ələmdar oğlunun məhkəmə prosesinin hazırlıq iclası iyul ayının 23-də hakim Teymur Qurbanovun sədrliyi ilə keçiriləcək. 

İttihama görə, bu il martın 9-da Bakı şəhər sakini Nəzərova Arzu Nazim qızı Qaradağ rayon Polis İdarəsinin 10-cu polis bölməsinə ərizə ilə müraciət edib.
O, qeyd edib ki, 2017-ci ilin martından cari il martın 9-dək olan müddətdə tanışı Miryusif Məmmədovun onu şəkillərini sosial şəbəkələrdə yayacağı ilə hədələyib.

Miryusif Məmmədov ondan 5140 manat və 4000 ABŞ dolları alıb.

Polis əməkdaşlarının keçirdikləri əməliyyat-axtarış tədbirləri nəticəsində Miryusif Məmmədov həbs edilib.

Müəyyən edilib ki, Miryusif Məmmədov Arzu ilə sosial şəbəkələrdən birində tanış olub.

Sonradan Miryusif ilə Arzunun münasibətləri istiləşib. Onlar əvvəlcə bir-birlərinə intim şəkillərini göndəriblər.

Sonra görüntülü danışmağa başlayıblar. Bu zaman Miryusif Əfsanənin intim hərəkətlərini videoya çəkib.

Bundan sonra Miryusif Məmmədov onu şantaj etməyə başlayıb. Evli olan qadın Miryusifə hissə-hissə pul verməyə başlayıb.

Miryusif Arzudan ümumilikdə 5140 manat və 4000 ABŞ dolları almasına baxmayaraq, şantajlarını davam etdirib.

Bundan sonra Arzu hüquq-mühafizə orqanlarına müraciət etməyə məcbur olub.

İstintaq orqanı tərəfindən Miryusif Məmmədovun barəsində Cinayət Məcəlləsinin 182.2.2; 178.2.4; 178.2.2; maddələri ilə ittiham elan edib.

Bu ilin martında Qaradağ rayon Məhkəməsinin qərarı ilə Miryusif Məmmədovun barəsində 3 ay müddətinə həbs qətimkan tədbiri seçilib.

ŞƏRH YAZ
0
BAĞLA