Yanvar-fevral aylarında elektrik avadanlıqlarının istehsalı 43,4 faiz artıb

Yanvar-fevral aylarında elektrik avadanlıqlarının istehsalı 43,4 faiz artıb
23:20
20.03.2018
427
İqtisadiyyat
A
2018-ci ilin yanvar-fevral aylarında kompüter və elektron məhsulların, elektrik avadanlıqlarının istehsalı sahələrində 26,6 milyon manatlıq məhsul istehsal olunub.

"Ölkə.Az" xəbər verir ki, Dövlət Statistika Komitəsindən "Azərtac"a bildirilib ki, ötən ilin yanvar-fevral ayları ilə müqayisədə elektrik avadanlıqlarının istehsalı 43,4 faiz artıb, kompüter və elektron məhsullarının istehsalı isə 6,1 faiz azalıb.

Yanvar-fevral aylarında əvvəlki ilin müvafiq dövrü ilə müqayisədə elektrik paylayıcı və nəzarət cihazlarının hissələrinin istehsalı 2,0 dəfə, 1 kV-dan çox gərginlik üçün elektrik cərəyanı naqillərinin istehsalı 1,7 dəfə artıb.

Ölkə.Az

ŞƏRH YAZ
0

Azərbaycanın qızıl-gümüş bazarı ucuzlaşdı

Azərbaycanın qızıl-gümüş bazarı ucuzlaşdı
23:44
Bu gün
22
İqtisadiyyat
A
Aprelin 26-də Azərbaycanda qızıl, gümüş və platin ucuzlaşıb, palladium isə bahalaşıb.

"Ölkə.Az" Trend-ə istinadən xəbər verir ki, qızılın qiyməti aprelin 25-i ilə müqayisədə 6,528 manat azalaraq 1 troy unsiyası üçün 2250,1625 manat təşkil edib.

Gümüş 0,2005 manat ucuzlaşaraq 1 unsiya üçün 28,1841 manata bərabər olub.

Trend-ə görə, platinin qiyməti 25,653 manat azalaraq 1550,2555 manat, palladiumun qiyməti 10,3105 manat artaraq 1660,7555 manat təşkil edib.

Ölkə.Az

ŞƏRH YAZ
0

SOCAR və BP arasında saziş imzalandı

SOCAR və BP arasında saziş imzalandı
21:15
Bu gün
137
İqtisadiyyat
A
SOCAR və BP bu gün Xəzər dənizinin Azərbaycan sektorunda Şimali Abşeron hövzəsindəki D230 blokunun birgə kəşfiyyatı və işlənməsi üçün hasilatın pay bölgüsü haqqında yeni saziş (HPBS) imzalayıblar.

"Ölkə.Az"ın SOCAR-ın saytına istinadən verdiyi məlumata görə, saziş Azərbaycan prezidenti İlham Əliyev və Böyük Britaniyanın baş naziri Tereza Meyin iştirakı ilə London şəhərində SOCAR-ın prezidenti Rövnəq Abdullayev və BP Qrupunun baş icraçı direktoru Bob Dadli tərəfindən imzalanıb.

İmzalanma mərasimində çıxış edən SOCAR-ın prezidenti Rövnəq Abdullayev bildirib ki, imzalanan saziş bərabər və ədalətli əsaslar üzərində qurulub:

 “Bizim BP ilə artıq uzunmüddətli əməkdaşlıq ənənəmiz formalaşıb. Əminəm ki, hər iki şirkətin malik olduğu müasir neft-qaz texnologiyaları və unikal tarixi təcrübə sayəsində bu əməkdaşlıq öz uğur silsiləsini davam etdirəcək.

Bu gün imzalanan saziş bərabər və ədalətli əsaslar üzərində qurulub və Azərbaycanın təbii ehtiyatlarının ortaq şəkildə maksimum səmərə ilə reallaşdırılması istiqamətində mühüm rol oynayacaq.”

B. Dadli isə qeyd edib ki, bu saziş Azərbaycanda uzunmüddətli hasilatı dəstəkləmək, SOCAR və BP-nin Xəzərdə əlavə imkanların araşdırılması məqsədi ilə yeni birgə səylərinə söykənir:

“25 ildən çoxdur ki, biz bu regionda fəaliyyət göstəririk və inanırıq ki, burada hələ də əhəmiyyətli neft və qaz potensialı mövcuddur. Biz SOCAR və digər tərəfdaşlarımızla sıx işləyərək geoloji kəşfiyyat işləri aparmaqla və qarşıdan gələn onilliklərdə Xəzərin gələcəyini təmin etməyə yardımçı olmaqla Azərbaycandakı əhəmiyyətli biznesimizi artırmaqda davam edəcəyik”.

D230 bloku Xəzər dənizində Bakının şimal-şərq istiqamətində təxminən 135 kilometr (84 mil) məsafədə yerləşir. Blok təxminən 3200 kvadrat kilometr ərazini əhatə edir.

Blokun məhsuldar laylarının gözlənilən dərinliyi təxminən 3500 metrdir. 25 illik müddəti əhatə edən HPBS-ə əsasən BP 50 faiz iştirak payına malik olmaqla kəşfiyyat dövründə operator olacaq, iştirak payının digər 50 faizi isə SOCAR-a məxsus olacaq.

Bundan əvvəl, 2016-cı ilin may ayında, D230 blokunda geoloji kəşfiyyat işlərinin aparılması haqqında SOCAR-la Qarşılıqlı Anlaşma Memorandumu imzalanıb.

Ölkə.Az

ŞƏRH YAZ
0
BAĞLA