Yanvarda maaş və pensiyalar artacaq — RƏSMİ

Yanvarda maaş və pensiyalar artacaq
13:25
15.12.2017
13258
İqtisadiyyat
A
"2018-ci ilin yanvar ayında Əmək və Əhalinin Sosial Müdafiəsi Nazirliyi Dövlət Statistika Komitəsindən 2017-ci il üçün ölkə üzrə orta aylıq nominal əməkhaqqının artım tempi barədə məlumat alacaq. Həmin faizə uyğun olaraq pensiyaların ümumi məbləği indeksləşdirilərək artırılacaq".

"Ölkə.Az"ın "APA-Economics"ə istinadən xəbər verir ki, bunu əmək və əhalinin sosial müdafiəsi naziri Səlim Müslümov bildirib.

"Artıq əmək pensiyalarının artırılmasının yeni mexanizmi ortaya qoyulub. Bildiyiniz kimi, edilmiş dəyişikliklərə görə, əmək pensiyalarının "baza hissəsi" və "sığorta hissəsi" anlayışları yoxdur. Bu anlayışlar birləşdirilib. Əmək pensiyasının artıq bütöv məbləği var və artırılma da bütöv məbləğə tətbiq olunacaq. 2018-ci ilin yanvar ayında biz Dövlət Statistika Komitəsindən 2017-ci il üçün ölkə üzrə orta aylıq nominal əməkhaqqının artım tempi barədə məlumat alacağıq. Həmin faizə uyğun olaraq pensiyaların ümumi məbləği indeksləşdirilərək artırılacaq. Əgər ölkə üzrə 2017-ci il ərzində orta aylıq nominal əməkhaqqının artım sürəti 7% olarsa, məsələn, 250 manat məbləğində pensiya alan adamın pensiyası 250 manatın 7%-i qədər artacaq ki, bu da 17,5 manat edir. Bu misalı aydınlaşdırmaq üçün çəkdim. Bu, kimlərə tətbiq olunmayacaq? Dövlət qulluqçusu, hərbi qulluqçu, Mərkəzi Seçki Komissiyasının üzvü, Hesablama Palatasının üzvü, deputat və sair bu kimi kateqoriyadan olan şəxslərə bu artım şamil olunmayacaq", - deyə nazir bildirib.

ŞƏRH YAZ
5

500 avro əsginasları tədavüldən çıxarılır — FOTO

500 avro əsginasları tədavüldən çıxarılır
23:23
09.12.2018
696
İqtisadiyyat
A
500 avroluq əsginas tədavüldən çıxarılır.

"Ölkə.Az" xəbər verir ki, Avropa Mərkəzi Bankı Şurası tərəfindən qəbul edilən qərarla Avropa Birliyinin valyutası olan avronun 500-lük əsginası tədavüldən çıxarılır.

Dünya bazarlarında 2002-ci ildən etibarən istifadə olunmağa başlayan 500-lük əsginas yanvarın 26-da 17 Avropa ölkəsində ləğv olunacaq.

Almaniya və Avstriya isə 2019-cu ilin aprelin 26-na kimi 500 avroluq əsginasları istifadə edəcək.

Terror təşkilatları və saxta pul istehsalı ilə məşğul olanlar tərəfindən te-tez istifadə edilən və insanların elə də çox istifadə etmədiyi 500 avroluq əsginasın tədavüldən çıxarılma səbəbi kimi terrorizmlə mübarizə göstərilir.

Qeyd edək ki, bir müddət əvvəl avronun 5, 10, 20, 50 100 və 200-lük əsginasları yenilənərək daha təhlükəsiz vəziyyətə gətirilmişdi.

Ölkə.Az

ŞƏRH YAZ
0

“Apple”dan Çinə qarşı növbəti sərt addım

“Apple”dan Çinə qarşı növbəti sərt addım
17:00
09.12.2018
1002
İqtisadiyyat
A
“Apple” şirkəti Çin bazarı üçün mobil tətbiq mağazasından (App Store) 718 tətbiqi silib.

“Ölkə.Az” “Technote”yə istinadən xəbər verir ki, onların arasında axtarış və xəritələr üçün olan “Sogou”, karşerinq tətbiqi “Togo Car” və electron ticarət istiqamətli “Pinduodo” tətbiqi də var.

Buna səbəb olaraq yenilənmələrin moderasiyadan kənar buraxılması göstərilib.

Xatırladaq ki, avqustda da Çində “Apple” 25000 tətbiq silmişdi. Onlardan  4000 ədədi azart oyunlar idi.

Qeyd edək ki, Çin bazarı “AppStore”un 40% gəlirini təşkil edir.

Ölkə.Az

ŞƏRH YAZ
0
BAĞLA