\"YAP Azərbaycanın siyasi ab-havasının indikatorudur\"

"Ölkə.Az" xəbər verir ki, bunu YAP-ın sədr müavini-İcra katibi Əli Əhmədov partiyanın yaranmasının 26 illiyi ilə bağlı keçirilən tədbirində çıxışı zamanı deyib. 

Ə.Əhmədov vurğulayıb ki, partiya cəmiyyətin ən əzəmətli təşkilatı kimi özünü sübut edib:
 "Bu gün Yeni Azərbaycan Partiyası Azərbaycanın siyasi ab-havasının indikatoru rolunda oynayır. Bu təşkilat özünün 26 illik fəaliyyətindən məmnundur. Bu illər ərzində Azərbaycan regionda öz mövqeyini əhəmiyyətli dərəcədə artırıb. Bu gün Azərbaycan adı hörmətlə çəkilən ölkələrdəndir".

Ə.Əhmədov qeyd edib ki, partiyanın 725 min üzvü var:

"Partiyada Azərbaycanın yaşlı əhalisinin hər 10 nəfərindən biri təmsil olunur. Onların Yeni Azərbaycan Partiyasında birləşməsi Heydər Əliyev ideyalarına olan inamla bağlıdır".

Ə.Əhmədov bildirib ki, Azərbaycanın tarixi keşmişi nə qədər əzəmətlidirsə, gələcəyi də bir o qədər parlaqdır.

Vasif Həsənli
Ölkə.Az