Yaponiyada yer yerindən oynadı
Yaponiyada güclü zəlzələ baş verib.
“Ölkə.Az” xəbər verir ki, təbii fəlakət Yaponiyanın şərqindəki Honsü adasında qeydə alınıb. Bu barədə ABŞ-ın Geologiya Xidməti məlumat yayıb.
Verilən məlumata görə, yeraltı təkanlar 6,1 bal gücündə qeydə alınıb. Zəlzələnin episentri Kamaisi şəhərindən 281 km cənub-şərqdə, ocağı isə 10 km dərinlikdə yerləşib.
İlk titrəyiş yerli vaxtla saat 16:37-də qeydə alınıb. Zəlzələ nəticəsində xəsarət alanlar və dağıntılar barədə məlumat verilməyib.
Ziya Səccad
Ölkə.Az
