Yaponlar nə üçün SSRİ-dən şüşə qırıqları alıb dənizə tökürdülər? — FOTOLAR

Yaponlar nə üçün SSRİ-dən şüşə qırıqları alıb dənizə tökürdülər?
06:57
13.06.2019
2409
Maraqlı
A
Ötən əsrin 70-ci illərində Yaponiya SSRİ-dən tonlarla şüşə qırıqları alıb, sonra onu dənizə tökürdü.

"Ölkə.Az" bildirir ki, Sovet İttifaqında uzun müddət bu qəribə ticarətin sirrini öyrənməyə çalışırdılar. Sovetlər böyük məmnuniyyətlə böyük həcmdə şüşə qırıntısını taxta yeşiklərdə qablaşdırıb göndərirdi. Lakin yaponların dərhal tədarük edilən malı dənizə tökməsi də sirr olaraq qalırdı.

Əslində isə məsələnin məğzi başqaydı. Yaponlara şüşə deyil, şüşələrin qablaşdırılaraq, göndərildiyi taxta yeşiklər lazım idi. Küknar ağacından hazırlanan bu yeşiklər yaponlar üçün çox qiymətli xammal idi. O illərdə Yaponiyanın iqtisadiyyatı çətin günlər yaşayırdı və taxta istehsal etmək imkanı yox idi. SSRİ-nin ucsuz-bucaqsız Tayqa meşələri isə istənilən məhsulu taxta taralarla ixrac etməyə imkan verirdi. Qeyd edək ki, həmin illərdə Azərbaycanın “Badamlı” mineral suyu da yaponlar tərəfindən həvəslə alınırdı. Sonradan məlum olduğu kimi, suya və şüşəyə görə deyil, taxta yeşiklərə görə.

O ki, qaldı, dənizə tökülən şüşə qırıqlarına. Yaponlar şüşənin dənizin ekologiyasına zərər verməyəcəyini düşünmüşdülər. Onilliklər sonra dəniz sularının yuyub hamarladığı bu şüşələr bütün dünyada məşhur rəngli şüşələrdən ibarət çimərliyin yaranmasına səbəb oldu.

Ölkə.Az

ŞƏRH YAZ
0

Cəlilabadda üç kiloqramlıq turp yetişdi — VİDEO

Cəlilabadda üç kiloqramlıq turp yetişdi
01:20
Bu gün
408
Maraqlı
A
Cəlilabad rayonunda fərdi təsərrüfatda digər turplardan dəfələrlə böyük turp yetişib.

"Ölkə.Az" Baku TV-yə istinadən xəbər verir ki, maraqlı hadisə rayonun Uzuntəpə kənd sakini Natiq Mirzəyevin təsərrüfatında baş verib. 

O, bir müddət əvvəl bazardan adi turp toxumları alaraq, həyətyanı sahəsində əkib. El arasında “40 günlük” turp növü kimi tanınan bu tərəvəzin yığım vaxtı təsərrüfat sahibi gördüklərinə çox təəccüblənib. Bunun ardınca əkdiyi tərəvəzlərə diqqət yetirdikdə, N.Mirzəyev onlar arasında daha bir neçə iri turpun olduğunu görüb. 

Tərəvəzin becərildiyi ərazi münbit olduğu üçün onlara hər hansı gübrə verilməyib. İri turpun çəkisi 3 kq 200 qram, diametri isə 38 sm-dir. 

Təsərrüfatında ilk dəfə belə bir qeyri-adi hadisə ilə qarşılaşdığını deyən N.Mirzəyev hələlik yığmadığı digər iri turplardan toxum götürməklə gələcəkdə onları daha da çoxaltmağı düşünür.

ŞƏRH YAZ
1

Bunları səhərlər yeməyin — ZƏRƏRLİDİR - VİDEO

Bunları səhərlər yeməyin
08:17
21.02.2020
2166
Maraqlı
A
Səhər tezdən acqarına, boş mədəyə yediyiniz və faydalı hesab etdiyiniz bir çox qidalar, əslində, səhər yeyilməməlidir.
"Ölkə.Az" medicina.az-a istinadən səhər yeyilməsi məsləhət bilinməyən, dietoloqların qara siyahısına salınan qidalar haqqında videomaterialı təqdim edir:
 
ŞƏRH YAZ
0
BAĞLA