Yasamalda 43 yaşlı kişi sirkə turşusu içərək intihar edib
Ötən gün 1 saylı şəhər xəstəxanasının Toksikologiya şöbəsinə sirkə turşusu zəhərlənməsi ilə kişi daxil olub.
“Ölkə.Az”ın xəbərinə görə, 1975-ci il təvəllüdlü Həsənov Fircan Nurməmməd oğlu təcili tibbi yardım maşını ilə xəstəxanaya gətirilib.
Müayinələr zamanı məlum olub ki, F.Həsənov intihar etmək məqsədi ilə sirkə turşusu içib. Həkimlərin müdaxiləsinə baxmayaraq onun həyatını xilas etmək mümkün olmayıb.
Faktla bağlı Yasamal rayon prokuroluğunda cinayət məcəlləsinin 125-ci (ölüm həddinə çatdırma) maddəsi ilə cinayət işi başlanıb. Hazırda 43 yaşlı kişinin intihar etməsinin səbəbləri araşdırılır.
