Bakıda çoxmərtəbəli binada yanğın söndürülüb — YENİLƏNİB / VİDEO

Bakıda çoxmərtəbəli binada yanğın söndürülüb
12:26
20.08.2019
15720
Hadisə
A
Paytaxtın Yasamal rayonu ərazisində yerləşən yaşayış binasında baş vermiş yanğın söndürülüb.

Bu barədə "Ölkə.Az"a Fövqəladə Hallar Nazirliyinin mətbuat xidmətindən bildirilib.

***

Bakıda çoxmərtəbəli yaşayış binası yanır.

"Ölkə.Az" xəbər verir ki, FHN-nin qaynar telefon xəttinə, Bakı şəhərinin Yasamal rayonunda çoxmərtəbəli yaşayış binasının 13-14-cü mərtəbələri arasında elektrik kabellərində yanğın baş verməsi barədə məlumat daxil olub.

Hadisə yerinə nazirliyin Dövlət Yanğından Mühafizə Xidmətinin yanğından mühafizə bölmələri və Xüsusi Riskli Xilasetmə Xidmətinin müvafiq xilasetmə qüvvələri cəlb olunub.

Təhlükəsizlik tədbirləri çərçivəsində bina sakinləri təxliyyə edilib. Hazırda yanğının söndürülməsi üzrə işlər davam etdirilir.

Natiq Allahverdiyev
Ölkə.Az

 

ŞƏRH YAZ
0

Azərbaycanlı gənc jurnalist Ankarada — VƏFAT ETDİ

Azərbaycanlı gənc jurnalist Ankarada
21:30
20.09.2019
4209
Hadisə
A
Bakı Dövlət Universitetin jurnalistika fakültəsinin məzunu Ankarada ölüb.

"Ölkə.Az" bildirir ki, Cavid Abbasov Türkiyənin paytaxtı Ankarada müalicə aldığı xəstəxanada vəfat edib.

Gənc jurnalist qan xərçəngindən əziyyət çəkib.

Qeyd edək ki, C.Abbasov “Mediagroup”un təsisçisi, idarə heyətinin sədri və icraçı direktoru olub.

Ölkə.Az

ŞƏRH YAZ
0

Gül almaq üçün dayandı, qəzaya səbəb oldu — FOTOLAR

Gül almaq üçün dayandı, qəzaya səbəb oldu
20:54
20.09.2019
3018
Hadisə
A
Bakı - Qazax avtomobil yolununun Gəncə şəhərinə giriş hissəsində yol nəqliyyat hadisəsi baş verib.

"Ölkə.Az" oxu.az-a istinadən bildirir ki, hadisə zamanı Samux rayon sakini 1979-cu il təvəllüdlü Kamaləddin Xəlilovun idarə etdiyi “VAZ-21011” markalı avtomobillə İmişili rayon sakini 1989-cu il təvəllüdlü Emin Ələkbərovun idarə etdiyi “Mercedes” markalı avtomobil toqquşub.

İlkin məlumatlara görə hadisə nəticəsində “Mercedes” markalı avtomobildə olan sərnişin, 30 yaşlı Məmmədova Toma Sədrəddin qızı müxtəlif bədən xəsarətləri alıb.

Qadın 3 saylı Təcili Tibbi Yardım Xəstəxanasının travmatologiya şöbəsinə yerləşdirilib.

Hadisəyə səbəb kimi “Mercedes” markalı avtomobildə olan şəxslərin yol kənarında satılan obyektdən gül almaq istəməsi olub.

Faktla bağlı Gəncə Şəhər Baş Polis İdarəsi araşdırma aparır.

ŞƏRH YAZ
0
BAĞLA