Yasamalda dostlar arasında qanlı dava
“Ölkə.Az”ın məlumatına görə, 1996-cı il təvəllüdlü Fərid Kazımov əsgərlik yoldaşı olan Sadiq Namiq oğlu Orucovu bıçaqlayıb. Yaralı təcili tibbi yardım maşını ilə 1 saylı Şəhər Xəstəxanasına çatdırılıb. Cərrahiyə əməliyyatı olunan S.Orucovun vəziyyəti orta-ağır olaraq qalır.
Hadisəni törədənə gəldikdə isə, o, 29-cu Polis Bölməsinin əməkdaşları tərəfindən saxlanılaraq istintaqa təhvil verilib. Saxlanılan ilkin dindirmələr zamanı bildirib ki, Sadiqlə əsgərlikdə birgə xidmət edib, dost olublar. Hadisə baş verən gün kafedə görüşüblər, Sadiq onunla alçaldıcı zarafatlar etdiyindən dözməyib və bıçağa əl atıb.
Faktla əlaqədar Yasamal RPİ-nin İstintaq Şöbəsində cinayət məcəlləsinin 126.1 (qəsdən sağlamlığa ağır xəsarət yetirmə) maddəsi ilə cinayət işi başlanıb.
