Yasamalda kişini döyüb pulunu və telefonunu aldılar
Bakıda quldurluq etməkdə şübhəli bilinən şəxslər tutulub.
"Ölkə.Az" xəbər verir ki, Yasamal Rayon Polis İdarəsinin (RPİ) 26-cı Polis Bölməsinə müraciət edən Bakı şəhər sakini F.Cəfərov sentyabrın 9-da gecə saatlarında naməlum 2 nəfərin onun sifətinə yumruqla xəsarət yetirərək 700 manat pulunu və mobil telefonunu aldıqlarını bildirib.
Dərhal başlanılan əməliyyat-axtarış tədbirləri nəticəsində bu cinayət əməlini törətməkdə şübhəli bilinən Yevlax rayon sakini, əvvəllər məhkum olunmuş C.Tapdıqzadə və M.Hacıyev qısa müddətdə müəyyən edilərək polis əməkdaşları tərəfindən saxlanılıb.
Yasamal RPİ-də araşdırma aparılır.
Natiq Allahverdiyev
Ölkə.Az
