Yasamalda mərhum ədəbiyyatşünasın barelyefini oğurlamaq istədilər

Yasamalda mərhum ədəbiyyatşünasın barelyefini oğurlamaq istədilər
16:27
06.10.2017
87
Mədəniyyət
A
Bakının Yasamal rayonu, Nəriman Nərimanov prospektində mərhum tənqidçi, ədəbiyyatşünas, filologiya elmləri doktoru, professor Abbas Zamanovun yaşadığı binanın üzərindəki barelyefinin oğurlanmasına cəhd edilib.

"Ölkə.Az"ın Report-a istinadla xəbərinə görə, ərazidə yaşayan sakinlərin müdaxiləsindən sonra barelyefi oğurlamaq istəyən naməlum şəxslər hadisə yerindən qaçıblar.

Faktla bağlı Yasamal Rayon Polis İdarəsində araşdırma aparılır.

Qeyd edək ki, A.Zamanov 1993-cü il aprelin 1-də Bakıda vəfat edib, Fəxri Xiyabanda dəfn olunub.

ŞƏRH YAZ
0

Azərbaycanlı rəssam vəfat etdi

Azərbaycanlı rəssam vəfat etdi
20:15
11.12.2017
216
Mədəniyyət
A
Almaniyada yaşayan azərbaycanlı rəssam Gündüz Əlizadə vəfat edib.

Ölkə.Az "qafqazinfo"-ya istinadən xəbər verir ki, dostlarının sosial şəbəkə hesabında yazdığına görə, rəssam dekabrın 9-da uzun sürən xəstəlikdən dünyasını dəyişib.

Qeyd edək ki, G. Əlizadə "Kirpi" və  "Gənclik" jurnallarında, müxtəlif qəzetlərdə karikaturaları ilə tanınırdı. Uzun zamandır Almaniyanın Tier şəhərində yaşayan rəssamın Berlində "20 Yanvar" hadisələrinə, vətənə həsr olunmuş sərgiləri nümayiş olunub.

ŞƏRH YAZ
0

Rəsulzadənin 50-yə yaxın məktubu kitab oldu

Rəsulzadənin 50-yə yaxın məktubu kitab oldu
17:00
11.12.2017
213
Mədəniyyət
A
M.Ə. Rəsulzadənin "Məktublar. Şəfibəyçilik” kitabı işıq üzü görüb.

"Ölkə.Az" xəbər verir ki, oxuculara təqdim olunan bu kitabda Azərbaycan Xalq Cümhuriyyətinin banisi olan M.Ə. Rəsulzadənin 50-yə yaxın məktubu, eləcə də onun 1934-cü ildə İstanbulda işıq üzü görmüş "Şəfibəyçilik” əsəri ilk dəfə olaraq latın qrafikası ilə Azərbaycan dilində nəşr edilir. 

Həmin məktubların əksər hissəsi 1988-ci ildə diplomat və mühacirət tarixinin görkəmli tədqiqatçısı Ramiz Abutalıbov tərəfindən Parisdə aşkarlanaraq, Azərbaycana gətirilib. Kitabın ikinci hissəsini təşkil edən  "Şəfibəyçilik” əsəri isə ötən əsrin 20-30-cu illərində həm Azərbaycan siyasi mühacirəti, həm də "Müsavat” partiyası daxilində cərəyan edən prosesləri anlamaq baxımından çox qiymətli tarixi mənbədir.

Kitab Klubu tərəfindən nəşr edilmiş toplunun  tərtibçisi, ön sözün və izahların müəllifi tarix elmləri doktoru Aydın Balayevdir. 

Kitab Azərbaycan Xalq Cümhuriyyətinin 100 illiyi münasibətilə Moskvada fəaliyyət göstərən "Məmməd Əmin Rəsulzadə Məclisi” cəmiyyətinin dəstəyilə nəşr olunub.
 

ŞƏRH YAZ
0
BAĞLA