Yasamalda yanğın
Bakının Yasamal rayonunda yanğın baş verib.
Fövqəladə Hallar Nazirliyindən "Ölkə.Az"a bildiriblər ki, hadisə Yasamal rayonunda ümumi sahəsi 60 kvadratmetr olan üçotaqlı mənzildə qeydə alınıb.
Nəticədə mənzilin 1 otağı yararsız vəziyyətə düşüb. Yanğınsöndürənlər 3 azyaşlını mənzildən xilas edərək aidiyyəti üzrə təhvil veriblər.
Mənzilin qalan hissəsi yanğından mühafizə olunub. Alov yanğın bölmələri tərəfindən söndürülüb. Hadisə ilə bağlı müvafiq qurumlar tərəfindən araşdırma aparılır.
