Yasdan gələn ailənin 5 üzvü öldü — YENİLƏNİB +FOTOLAR

Yasdan gələn ailənin 5 üzvü öldü
19:45
05.12.2017
8264
Hadisə
A
Bu gün axşam saatlarında Bakının Qaradağ rayonu ərazisində ölümlə nəticələnən ağır yol qəzası baş verib.

“Ölkə.Az” xəbər verir ki, hadisə Sədərək Ticarət Mərkəzinə gedən yolda qeydə alınıb. Həmin ərazidə “Mercedes-190” markalı minik maşını ilə “İsuzu” markalı yük maşını toqquşub. Zərbənin təsirindən minik maşında olan insanlar yerindəcə keçiniblər. Verilən məlumata görə, hadisə zamanı 5 nəfər dünyasını dəyişib. Ölənlərdən biri uşaqdır.

Bildirilib ki, “Mercedes-190” markalı avtomobildə olanlar Ağcabədi rayonundan yasdan gəlirlərmiş. Maşında ölənlərin hamısı bir ailənin üzvləridir. Meyitləri maşından çıxartmaq üçün əraziyə Fövqəladə Hallar Nazirliyinin xilasediciləri cəlb edilib. Xilasedicilər 2 meyiti maşından xüsusi vasitələrlə çıxarıblar.

Faktla bağlı araşdırma aparılır.

ŞƏRH YAZ
0

Lənkəranda avtomobilin vuraraq öldürdüyü qadının 60 yaşı var imiş — Adı açıqlandı + YENİLƏNİB

Lənkəranda avtomobilin vuraraq öldürdüyü qadının 60 yaşı var imiş
23:37
22.07.2018
1679
Hadisə
A
Lənkəranda avtomobilin vuraraq öldürdüyü piyadanın şəxsiyyəti məlum olub.

"Ölkə.Az"ın APA-ya istinadən məlumatına görə, rayonun Şağlaser kəndi sakini Mirsalam Valeh oğlu Hüseynovun  idarə etdiyi "VAZ 2107" markalı avtomobil Masallı rayon sakini, 60 yaşlı Gülqədəm Rüstəm qızı Fətullayevanı vuraraq öldürüb. G. Fətullayevanın meyiti müayinə olunmaq üçün təcili yardım maşını ilə aidiyyəti üzrə təhvil verilib.

Qeyd edək ki, G. Fətullayeva Şağlaser kəndinə bal satmaq üçün gəlirmiş. M. Hüseynovun isə bir neçə gün sonra toyu olacaqmış.

Faktla bağlı araşdırma aparılır.

***
Bu gün Lənkəranda avtomobil qadın piyadanı vurub.

"Ölkə.Az"ın APA-ya istinadən məlumatına görə, hadisə rayonun Şağlaser kəndində baş verib.

"VAZ 2107"in vurduğu piyada hadisə yerində ölüb. Hazırda onun şəxsiyyəti dəqiqləşdirilir.

Faktla bağlı araşdırma aparılır.

Ölkə.Az

ŞƏRH YAZ
0

Goranboyda minik və yük avtomobilləri toqquşdu — Yaralananlar var

Goranboyda minik və yük avtomobilləri toqquşdu
22:36
22.07.2018
1130
Hadisə
A
Goranboy rayonunda bir neçə nəfərin xəsarət alması ilə nəticələnən yol-nəqliyyat hadisəsi baş verib.

"Ölkə.Az"ın "Report"a istinadən məlumatına görə, hadisə Xan Qərvənd kənd yolunda qeydə alınıb.

Belə ki, "VAZ-2107" markalı avtomobillə "Ford" markalı yük avtomobili toqquşub. Hadisə nəticəsində 3 nəfər yaralanıb. Yaralılar xəstəxanaya yerləşdirilib.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA