Yasdan gələn ailənin 5 üzvü öldü
Bu gün axşam saatlarında Bakının Qaradağ rayonu ərazisində ölümlə nəticələnən ağır yol qəzası baş verib.
“Ölkə.Az” xəbər verir ki, hadisə Sədərək Ticarət Mərkəzinə gedən yolda qeydə alınıb. Həmin ərazidə “Mercedes-190” markalı minik maşını ilə “İsuzu” markalı yük maşını toqquşub. Zərbənin təsirindən minik maşında olan insanlar yerindəcə keçiniblər. Verilən məlumata görə, hadisə zamanı 5 nəfər dünyasını dəyişib. Ölənlərdən biri uşaqdır.
Bildirilib ki, “Mercedes-190” markalı avtomobildə olanlar Ağcabədi rayonundan yasdan gəlirlərmiş. Maşında ölənlərin hamısı bir ailənin üzvləridir. Meyitləri maşından çıxartmaq üçün əraziyə Fövqəladə Hallar Nazirliyinin xilasediciləri cəlb edilib. Xilasedicilər 2 meyiti maşından xüsusi vasitələrlə çıxarıblar.
Faktla bağlı araşdırma aparılır.
