\"Yaşıllaşdırma İdarəsi tərəfindən yaşıllıqların qorunması üçün heç bir iş görülmür\"
“Ölkə.Az” xəbər verir ki, bunu deputat Məlahət İbrahimqızı Milli Məclisin növbədənkənar sessiyasında çıxışı zamanı deyib.
Onun sözlərinə görə, Ulu öndər Heydər Əliyevin respublikaya rəhbərlik etdiyi dövrdə Bakı yaşıllığa büründü.
“Son illərdə isə Leyla Əliyevanın təşəbbüsü ilə Bakının müxtəlif bölgələrində, o cümlədən Nəsimi rayonu ərazisində mhəllələr arasında yaşıllıqlar yaradılıb. Deyəcəyim fikir bütün Bakıya aiddir. Çox təəssüf ki, bu gün Nəsimi rayonunda yaradılan yaşıllıqların suvarılması problem olaraq qalmaqdadır. Bu vəziyyət Bakının digər rayonlarında da belədir”.
O bildirib ki, Yaşıllaşdırma İdarəsi tərəfindən yaşıllıqların qorunması üçün heç bir iş görülmür: “Bu problemin ən qısa zamanda həll olunmasını xahiş edirəm. Vətəndaşlar öz hesabına bu problemi həll etməyə çalışsalar da, bu, alınmır. Həmin idarəyə edilən müraciətlərə cavab verməyə çağırıram”.
Mürtəza
Ölkə.Az