32 yaşlı gəlin 2 uşağını ataraq evdən qaçıb

"Ölkə.Az" Xəzər TV-yə istinadən xəbər verir ki, rayonun Səməd Vurğun küçəsində yaşayan Gülnaz Abışova 2 gün əvvəl günorta saatlarında evdən çıxıb və geri qayıtmayıb. 11 il əvvəl Seymur Abışovla ailə quran və hazırda 2 övladı olan gəlin evdən dərzinin yanına getmək adı ilə çıxıb.

Seymur Abışov ailədə ciddi problem olmadığını deyib və həyat yoldaşının hansı səbəbdən getdiyini bilmir. Gülnaz Abışovanın anası Məlahət Xəlilova isə son vaxtlar qızında narahatlıq hiss etdiyini bildirib. Ancaq o, problemini danışmayıb.

Övladları - 10 yaşlı Nicat və 6 yaşlı Ömər analarının qayıtmasını istəyir. Hadisə ilə bağlı rayon polis şöbəsinə məlumat verilib.

Ölkə.Az