Yaşlı kişi təcili yardım şöbəsinə motosikletlə girdi

“Ölkə.Az” xəbər verir ki, Hatayda xəstəxanaların birində yaşlı kişi təcili yardım şöbəsinə motosikletlə girib. Xəstəxanaya motosikletlə girən kişi hər kəsin marağına səbəb olub.

Xəstəxananın mühafizəçiləri kişini çölə çıxartmağa cəhd ediblər. Bu vaxt kənarda dayanan şəxslər onu mobil telefon vasitəsilə çəkiblər. Sonradan sosial şəbəkələrdə yayılan həmin görüntülər böyük marağa səbəb olub.

Hətta həmin görüntülər Adana Bələdiyəsinin “Twitter” hesabında paylaşılıb və Hatay Bələdiyəsinin adı tağ edilib. Videoya isə belə şərh verilib: “Hatayda bir dayı xəstəxanaya motosikletlə girib. Hatay Bələdiyəsi insanların suyuna nə qarışdırır?”.

Cavab isə özünü gecikdirməyib. “Ən azı Adana camaatı qədər çılğınıq”, - deyə Hatay Bələdiyəsi cavab yazıb.

Həmin paylaşmalar minlərlə izləyici tərəfindən bəyənilib və yenidən paylaşılıb.

Ziya Səccad
Ölkə.Az