20 yaşlı nişanlı qızın iki uşaq atasıyla intim görüntüləri yayıldı — LƏNKƏRANDA ŞOK OLAY - (+18) FOTO

20 yaşlı nişanlı qızın iki uşaq atasıyla intim görüntüləri yayıldı
14:45
21.06.2018
49922
Hadisə
A
Lənkəran rayonunun Viyən kəndində bir neçə gün sonra toyu olacaq 20 yaşlı Aytən Məmmədova (ad şərtidir-red.) ilə həmin kəndin iki uşaq atası olan 32 yaşlı sakini Gülağa Zahidovun (ad şərtidir-red.) intim videosu yayılıb.

 "Ölkə.Az"ın əldə etdiyi məlumata görə, altı ay öncə A.Məmmədova Orxan Əliyev adlı (ad şərtidir-red.) başqa bir həmkəndilisiylə nişanlanıb və qız toyu olub. Toydan sonra Orxanla Aytən Rusiyaya gediblər və qız Lənkərana qayıdıb. Elə hər şey də bundan sonra baş verib. May ayının sonlarında kənddə Aytənin başqa bir evli kişiylə münasibətdə olduğu iddiaları ortaya çıxıb. Əvvəlcə heç kim buna inanmaq istəməsə də, foto və video görüntülərin ortaya çıxmasından sonra Orxanla Aytənin münasibətləri bitib. 

Artıq  faktla bağlı Gülağa Zahidov Lənkəran ŞRPŞ-nin əməkdaşları tərəfindən cinayət məcəlləsinin müvafiq maddəsi ilə təqsirli bilinərək həbs olunub.

Aytən Məmmədovanın atası Firuz Məmmədov (ad şərtidir-red.) əməkdaşımızla söhbətində bunları deyib:

"Altı ay qabaq qızımın toyu oldu, əri ilə getdilər Moskvaya, oğlan orada yaşayırdı. İnanırsınız, toyun borclarını hələ verib qurtara bilməmişəm, toydan 4146 manat borc qalıb. Gülağa qızımın şəkillərini, videosunu hardasa çəkmişdi, yayıb vatsap vasitəsi ilə. Gedib şəkillər çıxıb Moskvaya ərinə. O da dərhal qızı boşayıb, göndərdi üstümə. İndi qıza iki nəfər nəzarət edir ki, özünə nəsə edər. Şəkilləri isə araşdırıblar, Lənkəranda ekspert analiz edib və belə rəy veriblər ki, qızın başını götürüb şəkillərə montaj ediblər. Məqsədi o olub ki, qızı şantaj edib ələ alsın, qız da onunla yaxınlıq etmədiyinə görə şəkilləri yayıb.

Mən də şikayət elədim, 6-7 gün yoxa çıxdı və sonra polis əməkdaşları tərəfindən saxlanıldı".

Sözügedən hadisəylə bağlı G.Zahidovun ailəsi əməkdaşımızla danışmaq istəməyib.

Qeyd edək ki, saxlanılan Gülağa Zahidov ailəlidir, iki övladı var. 

 

İntiqam VALEHOĞLU
Ölkə.Az

ŞƏRH YAZ
1

Gədəbəydə yaşayış evindən əl qumbarası və partladıcı tapıldı — FOTO

Gədəbəydə yaşayış evindən əl qumbarası və partladıcı tapıldı
01:00
Bu gün
162
Hadisə
A
Bu gün Gədəbəy rayonu, Nizami küçəsi, ev 3-də 1 ədəd əl qumbarası tapılıb.

"Ölkә.Az" bildirir ki, Azərbaycan Respublikası Ərazilərinin Minalardan Təmizlənməsi Üzrə Milli Agentliyinin (ANAMA) mətbuat xidməti məlumat yayıb.

 ANAMA-nın xüsusi mobil çevik əməliyyat qrupu və Daxili İşlər Nazirliyinin Gədəbəy rayon Polis şöbəsinin əməkdaşları dərhal həmin əraziyə göndərilib.

Agentliyin mütəxəssisləri və Gədəbəy rayon Polis şöbəsinin əməkdaşları tərəfindən  yaşayış evinin zirzəmisinə baxış keçirilib.

Yerli əhalinin təhlükəsizliyini təmin etmək məqsədilə ərazi polis tərəfindən mühasirəyə alınıb. Agentliyin mütəxəssisləri tərəfindən aparılan təcili təxirəsalınmaz əməliyyat-axtarış tədbirləri nəticəsində 1 ədəd F-1 əl qumbarası və 1 ədəd UZRQM partladıcısı aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb. 

 Aşkar olunmuş əl qumbarasının ətrafında 25 kv.m əraziyə yerüstü baxış keçirilib, əlavə təhlükəli əşya və qurğu aşkarlanmayıb.

Ölkә.Az

ŞƏRH YAZ
0

Qubada iki dost bir-birini bıçaqladı

Qubada iki dost bir-birini bıçaqladı
23:30
22.02.2019
635
Hadisə
A
Quba rayonunda iki tanış bir-birini bıçaqlayıb.

"Ölkə.Az" trend-ə istinadən bildirir ki, hadisə rayonun H.Əliyev prospektində baş verib.

Rayon sakini Məmmədov Zakir Abdulla oğlu rayonun M.Ə.Rəsulzadə küçəsində tanışı, sərxoş vəziyyətdə olan Rafiq Əlməmmədovla rastlaşıb. R.Əlməmmədov Z.Məmmədovu söyüb və tanışlar arasında əlbəyaxa dava başlayıb.

Hadisə zamanı R.Əlməmmədov cibindən bıçağı çıxararaq Z.Məmmədovu qorxutmaq istəyərkən onu əlindən bıçaqlayıb. Z.Məmmədov bıçağı onun əlindən almağa cəhd edib və R.Əlməmmədovu ayaq nahiyəsindən bıçaqlayıb.

Sonra hər iki şəxs bıçağı zibil yeşiyinə ataraq hadisə yerindən qaçıblar.

Quba rayon Polis Şöbəsinin əməkdaşları hadisə yerinə baxış keçirib və ərazidən hadisədə istifadə olunan bıçağı aşkar ediblər.

Faktla bağlı Quba rayon Polis Şöbəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsilə cinayət işi başlanıb.

Ölkə.Az

ŞƏRH YAZ
0
BAĞLA