27 yaşlı oğlan iki qatarın arasında qalaraq öldü — BİLƏCƏRİDƏ FACİƏ

27 yaşlı oğlan iki qatarın arasında qalaraq öldü
09:25
14.08.2019
3054
Hadisə
A
Bu gün Bakı şəhəri, Binəqədi rayonu Biləcəri qəsəbəsində yerləşən vaqon deposunda bədbəxt hadisə baş verib.

"Ölkə.Az" report-a istinadən xəbər verir ki, 27 yaşlı Məmmədzadə Əli Niftəli oğlu iş zamanı depoda iki qatarın arasında sıxılmış vəziyyətdə qalıb.

Yaralı təcili tibbi yardımın köməkliyi ilə xəstəxanaya çatdırılıb.

Həkimlərin səyinə baxmayaraq onun həyatını xilas etmək mümkün olmayıb. 

Ölkə.Az

ŞƏRH YAZ
0

Bakıda 3 avtomobil toqquşub — FOTO

Bakıda 3 avtomobil toqquşub
07:08
Bu gün
334
Hadisə
A
Nərimanov rayonunda 3 avtomobilin iştirakı ilə yol-nəqliyyat hadisəsi baş verib.

"Ölkə.Az" bildirir ki, qəza Ziya Bünyadov prospektinin rayon ərazisinə düşən hissəsində qeydə alınıb. Belə ki, Əliyev Rəşad Musa oğlu idarə etdiyi “Mercedes” markalı avtomobillə hərəkətdə olarkən avtomobildə nasazlıq yaranıb. Bu zaman R.Əliyev nəqliyyat vasitəsini yol kənarında saxlayıb.

Daha sonra arxadan gələn və Rzayev Fəxri Firudin oğlunun idarə etdiyi “Mercedes” markalı avtomobil digər “Mercedes”ə çırpılıb. Zərbənin gücündən “Mercedes” Cəfərov Azər Azad oğlunun idarə etdiyi “Kia” markalı nəqliyyat vasitəsinə dəyib.

Hadisə nəticəsində xəsarət alan olmasa da, avtomobillərə ciddi ziyan dəyib. Əraziyə Dövlət Yol Polis İdarəsinin əməkdaşları cəlb edilib. Hadisə baş verən yolda tıxac yaranıb.

YPX əməkdaşları yolda tənzimləmə işləri aparıb. Hadisənin təfərrüatı araşdırılır. (oxu.az)

ŞƏRH YAZ
0

Tərtərdə adam öldürməyə cəhd edən şəxs Bakıya qaçarkən saxlanıldı

Tərtərdə adam öldürməyə cəhd edən şəxs Bakıya qaçarkən saxlanıldı
02:05
Bu gün
441
Hadisə
A
Tərtər rayonunda qəsdən adam öldürməyə cəhd edərək məsuliyyətdən yayınmaq üçün paytaxt Bakıya qaçan şəxs daxili işlər orqanları əməkdaşlarının həyata keçirdikləri uğurlu əməliyyat nəticəsində saxlanılıb.

"Ölkә.Az" bildirir ki, Daxili İşlər Nazirliyindən Trend-ə verilən məlumata görə, dekabrın 9-da Tərtər rayonunda yaşayan Mansur Behbudovun qırma yarası ilə xəstəxanaya gətirilməsi barədə Rayon Polis Şöbəsinə məlumat daxil olub. Məlumatla əlaqədar olaraq dərhal polis əməkdaşları tərəfindən müvafiq tədbirlər həyata keçirilib.

Araşdırmalarla hadisənin münaqişə zəminində rayonun Seydimli kənd sakini, əvvəllər məhkum olunmuş Sənan Ağazadə tərəfindən törədildiyi müəyyən edilib və onun tutulması istiqamətində zəruri əməliyyat-axtarış tədbirlərinə həyata keçirilib və faktla əlaqədar Cinayət Məcəlləsinin 29,120-ci (adam öldürməyə cəhd) maddəsi ilə cinayət işi başlanılıb.

Təxirəsalınmaz istintaq və əməliyyat-axtarış tədbirləri ilə Sənan Ağazadənin dekabrın 11-də Binəqədi rayonu ərazisində “Priora” markalı avtomobildə olması müəyyən edilib.

Polis əməkdaşları tərəfindən Sənan Ağazadə və onunla birlikdə olan daha 2 nəfər həmin nəqliyyat vasitəsində saxlanılması təmin edilib.

Sənan Ağazadə saxlanılan zaman ondan lüləsi kəsilmiş ov tüfəngi, 6 ədəd patron, 1 ədəd bıçaq, sərnişinlərin birindən isə psixotrop maddə olan 29 ədəd “metanarol” və 11 ədəd “deksanmetazon” həbi aşkar edilərək götürülüb.

Saxlanılan şəxslər cinayət işinin istintaqının aparılması üçün Tərtər RPŞ-yə təhvil veriliblər.

ŞƏRH YAZ
0
BAĞLA