10 yaşlı oğlandan “hamilə qalan” qızla bağlı əsl həqiqət — TƏFƏRRÜAT

10 yaşlı oğlandan “hamilə qalan” qızla bağlı əsl həqiqət
01:57
14.02.2020
2074
Dünya
A
Rusiyanın Krasnoyarsk diyarında 10 yaşlı məktəblidən hamilə qaldığı deyilən 13 yaşlı Daryanın uşağının əsl atası məlum olub.

“Komsomolskaya pravda”nın öz mənbələrinə istinadla verdiyi məlumata görə, uşağın atası 15 yaşlı yeniyetmə imiş.  

Nəşrin müsahibinin sözlərinə görə, 15 yaşlı yuxarı sinif şagirdinin atalığı ekspertiza tərəfindən təyin olunub. O, çoxdandır Daryanı özünə cəlb etmək istəyirmiş.

“Sən təkcə Saşa ilə yox, çoxları ilə gəzirsən. Onda niyə mənimlə də olmasın? Razılaş, yoxsa Saşa qarışıq hər kəs sənin necə biri olduğunu öyrənər”, - deyə 15 yaşlı yeniyetmə oğlan Daryanı hədələyib.

Hamilə məktəblinin sözlərinə görə, yuxarı sinif şagirdi onu “bu işə” məcbur edib. O, hamilə olduğunu öyrənəndə isə uşağının atası olmağa 10 yaşlı Saşanı layiq bilib.

Nəşrin məlumatına görə, qızın ailəsi cinsi təcavüzlə bağlı polisə şikayət edib, 15 yaşlı yeniyetmə isə ev həbsinə salınıb. Yeniyetmə təqsirini etiraf edib.

Xatırladaq ki, yanvarın ortalarında yeddinci sinif şagirdinin hamiləliklə bağlı xəstəxanaya düşdüyü barədə məlumat yayılmışdı. Məktəbli qız uşağı saxlamaq qərarına gəlmişdi.

Krasnoyarsk diyarının müstəntiqləri hadisə ilə bağlı cinayət işi qaldırıb. Onların məlumatına görə, noyabr ayında 13 yaşlı məktəbli tanışı ilə cinsi əlaqəyə girib və hamilə qalıb. Qurum əməkdaşları nə oğlanın yaşını, nə də başqa təfərrüatları açıqlamasalar da, uşağın atası qızın görüşdüyü 10 yaşlı məktəbli elan edildi.

ŞƏRH YAZ
0

Ermənistan İranla sərhədini bağladı — Koronavirusa görə

Ermənistan İranla sərhədini bağladı
23:14
23.02.2020
266
Dünya
A
Ermənistan koronavirusun ölkədə yayılmasının qarşısını almaq məqsədilə İranla sərhədi iki həftəlik bağlayıb.

"Ölkə.Az" xəbər verir ki, bu barədə Ermənistanın Baş naziri Nikol Paşinyan məlumat verib.

O qeyd edib ki, İranda koronavirusa yoluxma və ölüm hadisəsindən sonra iki ölkə arasında təyyarə reysləri də müvəqqəti dayandırılıb.

Xatırladaq ki, İranda koronavirusa 43 nəfər yoluxub, səkkiz nəfər isə bu virusdan ölüb.

Ölkə.Az

ŞƏRH YAZ
0

Türkiyə-İran sərhədində daha bir zəlzələ baş verib

Türkiyə-İran sərhədində daha bir zəlzələ baş verib
22:23
23.02.2020
341
Dünya
A
Fevralın 23-də yerli vaxtla saat 20:00-da Naxçıvan stansiyasından 110 kilometr cənub-qərbdə - Türkiyə-İran sərhədində maqnitudası 5.9 bal olan zəlzələ baş verib.

"Ölkə.Az" Azərbaycan Milli Elmlər Akademiyası nəzdində Respublika Seysmoloji Xidmət Mərkəzinə istinadən xəbər verir ki, ocağı 3 kilometr dərinlikdə yerləşən zəlzələ Naxçıvan Muxtar Respublikasında 4-3 bala qədər hiss olunub.

Qeyd edək ki, bu, Türkiyə-İran sərhəddində gün ərzində baş verən ikinci zəlzələdir. Birinci zəlzələ saat 09:52-də qeydə alınıb. Zəlzələnin maqnitudası 5.8, ocağının dərinliyi 10 kilometr olub və Naxçıvan Muxtar Respublikasında 4-3 bala qədər hiss edilib.

ŞƏRH YAZ
0
BAĞLA