KORONAVİRUSA YOLUXANLARIN SAYI - CANLI STATİSTİKA

12 yaşlı uşağı kim öldürüb? — Əmisi danışdı

12 yaşlı uşağı kim öldürüb?
18:50
22.05.2020
5822
Ölkə
A
Cəbrayılın vəhşi heyvan tərəfindən parçalanaraq öldürülməsi yalandır.

"Ölkə.Az" bildirir ki, bu sözləri Axar.az-a açıqlamasında bu gün meyiti tapılan 12 yaşlı Cəbrayıl Məmmədlinin əmisi Rahim Məmmədov deyib.

O bildirib ki, hadisə ilə bağlı kiminsə şübhəli şəxs qismində tutulması da həqiqətə uyğun deyil: “Ailə üzvləri olduqca sakit və tərbiyəli adamlardır. Onların kənddə kiminləsə işi olmayıb ki, kimdənsə şübhələnək. Uşaq dünən təkbaşına velosipedi ilə arxa su ardınca gedib. Həmin gün nə qədər axtarsaq da, tapa bilmədik. Yalnız velosipedi getdiyi ərazidə idi. Meyit bu gün 12:00-da tapılıb”. R.Məmmədov deyib ki, meyitin parçalanması, hissələrə bölünməsi ilə bağlı deyilənlər yalandır: “Başında çapıq var idi, qulaqlarından qan gəlmişdi. Kiminsə öldürməsi, yaxud yıxılaraq ölməsi ilə bağlı hər hansı dəqiq məlumat yoxdur. Hazırda meyit ailəsinə təhvil verilib. Amma ekspertiza rəyi açıqlanmayıb”. Qeyd edək ki, 12 yaşlı Cəbrayılın əvvəlcə ayı hücumuna məruz qaldığı bildirilsə də, daha sonra öldürülərək çaya atıldığı barədə iddialar yayılıb.

ŞƏRH YAZ
0

Qanunsuz zəbt olunan sahələr yenidən sakinlərin kütləvi istifadəsinə verildi — VİDEO

Qanunsuz zəbt olunan sahələr yenidən sakinlərin kütləvi istifadəsinə verildi
01:47
Bu gün
2849
Ölkə
A
İsmayıllıda qanunsuz zəbt olunmuş örüşlər yenidən əhalinin ümumi istifadəsinə verilir.

Rayonun Quşencə, Qalınçaq, Kürdmaşı kəndlərində, həmçinin Pirdinar ərazisində zəbt olunmuş örüş yerlərinin qanunsuz çəpərləri səbəbkarların özləri tərəfindən sökülür, maneə məqsədilə qazılmış arxlar doldurulur.

Bir neçə gün öncə sakinlərin çoxsaylı şikayətləri nəzərə alınıb və rayon icra hakimiyyətinin rəhbərliyi həmin kəndlərə baş çəkib. Örüş yerlərini özbaşına zəbt etmiş, habelə torpaqlardan təyinatı üzrə istifadə etməyən şəxslərlə görüş keçirilib.

Karantin qaydalarına əməl olunaraq təşkil olunmuş görüşdə yerli bələdiyyə və icra nümayəndələri də iştirak edib. Bu cür əməllərin, eyni zamanda bunlara şərait yaratmaq və ya göz yummağın qanunazidd olduğu izah olunub. Bundan sonra həmin ərazilərin ətrafına çəkilən çəpərlər sökülüb, maneə yaratmaq üçün bir sıra hissələrdə qazılan arxlar torpaqla doldurulub.

Zəbt olunan örüş sahələri yenidən yerli sakinlərin tam istifadəsinə verilib.

ŞƏRH YAZ
0

Polislər paytaxtda koronavirus əleyhinə profilaktik tədbir keçirdilər — FOTO

Polislər paytaxtda koronavirus əleyhinə profilaktik tədbir keçirdilər
00:12
Bu gün
4831
Ölkə
A
Polislər Bakıda vətəndaşlar arasında profilaktik tədbirləri davam etdirir.

"Ölkə.Az" xəbər verir ki, Bakı Şəhər Baş Polis İdarəsinin əməkdaşları könüllülərlə birlikdə paytaxt ərazisində vətəndaşlar arasında karantin qaydaları ilə bağlı profilaktik tədbirlər aparır. 

Paytaxtın Dənizkənarı Bulvar, eləcə də “Tarqovı” kimi tanınan ərazilərində vətəndaşlara tibbi maskalar paylanıb.

Polis əməkdaşları vətəndaşlara gigiyena qaydalarına ciddi raiyət etməyi, dezinfeksiyaedici məhlullardan istifadəni tövsiyə edib. oxu.az

ŞƏRH YAZ
0
BAĞLA