4 yaşlı uşağın ölümündə təqsirli bilinən qadına ağır cəza

4 yaşlı uşağın ölümündə təqsirli bilinən qadına ağır cəza
14:50
22.06.2018
738
Ölkə
A
Bu gün Bakı Ağır Cinayətlər Məhkəməsində ölümə səbəb olan sağlamlığa ağır zərər vurmaqda təqsirləndirilən Lalə İsrafilovanın cinayət işi üzrə məhkəmə prosesi davam etdirilib.

“Ölkə.Az”ın xəbərinə görə, hakim Azər Paşayevin sədrliyi ilə keçirilən prosesdə L. İsrafilova son söz deyib. O, günahsız olduğunu, cinayət törətmədiyini deyib: "Uşağın ölümündə günahım yoxdur. Mən bu məsələdə günahsız olduğumu sübut edəcəm".\

Son sözdən sonra hökm oxunub.

Hökmə əsasən, L. İsrafilova 9 il müddətinə azadlıqdan məhrum edilib.

O, məhkəmə zalında həbs edilib.

Qeyd edək ki, hadisə 2017-ci il may ayının 9-da Quba rayonunun Bərqov kəndində baş verib. Kənd sakini, 2013-cü il təvəllüdlü Mustafazadə Fuad Həbib oğlu ailəsinin münasibəti olmadığı 1971-ci il təvəllüdlü İsrafilova Lalə Həsən qızının həyətinə icazəsiz daxil olub. Azyaşlı həyətdəki gülləri yolub, L.İsrafilova bunu görüb və uşağın həyətdən çıxmasını istəyib. Uşaq həyətdən çıxmadığı üçün Bu L.İsrafilova uşağı qovub. F.Mustafazadə qadından qorxaraq həyətdən qaçmağa başlayıb. Həyət darvazasından çıxarkən uşaq küçədə yıxılıb və baş nahiyəsindən aldığı xəsarət nəticəsində ölüb.
Faktla bağlı Quba rayon Prokurorluğunda Cinayət Məcəlləsinin 126.3-cü (qəsdən sağlamlığa ağır xəsarət yetirmə, zərərçəkmişin ölümünə səbəb olduqda) maddəsi ilə cinayət işi açılıb.

ŞƏRH YAZ
0

Polis “ağdamlı Faiq”i tapdı

Polis “ağdamlı Faiq”i tapdı
23:14
22.07.2018
1303
Ölkə
A
Sosial şəbəkələrdə avtoxuliqanlıq edərək canlı yayıma çıxan “ağdamlı Faiq” tapılıb.

“Ölkə.Az”ın xəbərinə görə, hadisə ilə bağlı Ağdam rayon Yol Polisi Şöbəsindən Avtosfer.az-a bildiriblər ki, sözügedən şəxslə bağlı məlumat efirə gedəndən 10 dəqiqə sonra həmin şəxs aşkarlanıb. Onun barəsində toplanmış materiallar Ağdam rayon məhkəməsinə göndərilib. 

Sabah (həftənin bazar ertəsi) sürücü barədə məhkəmə qərar qəbul edəcək.

Qeyd edək ki, sürücü və atası Ağdamda kondisioner ustasıdır. O, bu hərəkətlərini çılğınlıq adlandırıb və “cavanlıq” etdiyini deyib.

Ölkə.Az

ŞƏRH YAZ
0

Bu gün 8 nəfər ölümün əlindən alındı

Bu gün 8 nəfər ölümün əlindən alındı
22:55
22.07.2018
989
Ölkə
A
Dənizdə batma təhlükəsi ilə üzləşən 8 nəfər xilas edilib.

"Ölkə.Az" FHN-in saytına istinadən xəbər verir ki, bu gün Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti tərəfindən Hövsan, Bilgəh, Mingəçevir, Mərdəkan sularda xilasetmə məntəqələrinin ərazisində və qeyri-çimərlik (nəzarətsiz) ərazidə çimərkən batma təhlükəsi ilə üzləşmiş 8 nəfər xilas olunub​.

Ölkə.Az

ŞƏRH YAZ
0
BAĞLA