13 yaşlı uşaq bədbəxt hadisə nəticəsində dünyasını dəyişdi
Sabunçu rayonu, Maştağa qəsəbəsində 13 yaşlı uşaq bədbəxt hadisənin qurbanı olub.
“Ölkə.Az”ın məlumatına görə, qəsəbənin Axund Şeyx Hüseyn küçəsi ev 316-da yaşayan 2005-ci il təvəllüdlü Rəhimov Ayaz Həsənbala oğlu məhəllədə oynayan zaman hündür hasarın üstündən yerə yıxılıb. 13 yaşlı uşaq aldığı ağır bədən xəsarətlərindən yerindəcə keçinib. Meyit müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Sabunçu rayon şöbəsinə aparılıb.
Faktla bağlı Sabunçu rayon prokurorluğunda araşdırmalara başlanılıb.
