Yaxın ətrafınızdakı insanlardan birinin yardıma ehtiyacı var — Günün qoroskopu

Yaxın ətrafınızdakı insanlardan birinin yardıma ehtiyacı var
01:16
19.03.2019
3020
Maraqlı
A
"Ölkə.Az" milli.az-a istinadən günün ulduz falını təqdim edir:

Qoç - adi gündür. Rahat, sakit şəraitdə çalışa bilərsiniz. Ünsiyyətdə heç bir gərginlik olmayacaq. Situasiyaya kəskin müdaxilə etməyin. Fəaliyyət planlarınız barədə yaxın ətrafınızdakı insanlara geniş, müfəssəl məlumat verməyə heç bir ehtiyac yoxdur.

Günün ikinci yarısında gərəkli məlumatı əldə edin. Alış-verişdə simiclik etməyin. Yenilənmələrdən bəhrələnərək tərəfdaşlarla müzakirələr aparın. Təmaslar spontan, hətta xaotikdir. Mənasız əlaqələrdən qurtulun.

Buğa - kollektiv tədbirlərdə xeyir var. Yaxın ətrafınızdakı insanlardan birinin yardıma ehtiyacı var. Ona dərhal kömək edin. Qayğıkeş, şəfqətli olun.

Tələsmədən çalışın, vurnuxmaya qapılmayın. Situasiya bəzi məsələlərə fərqli baxış tələb edir. Prioritetləri dürüst müəyyənləşdirin.

Layiq olduğunuz qiyməti ala bilərsiniz. Hədsiz dərəcədə təşəbbüskar olmayın, ətrafınızdakı insanlara təzyiq göstərməyin. Tərəfdaşlarla təmaslarda hər şey şəffaf deyil. Yalanlara uymayın.

Mövcud mərhələdə tədbirli olun. Hiylə qurbanına çevrilməyin.

Əkizlər - aldığınız məlumatlardan istifadə edərək fəaliyyətinizi intensivləşdirin. Yarımçıq işləri başa vurun. Dövr aktivlik tələb edir.

Təxirə saldığınız işlərin yaxşı perspektivləri var. Sizə yardım etmək istəyən insanın təklifindən imtina etməyin. Ev işlərində və ailə məsələlərində ciddi yeniliklərə, köklü dəyişikliklərə başlamaq məsləhət deyil.

Yaxın gələcəklə bağlı planlar qurun. İdeyanızı reallaşdırmağa başlayın.

Sizi maraqlandıran təcrübəyə, biliyə malik insanlarla ünsiyyətdə olun. İşləri təkmilləşdirmək olar.

Xərçəng - günün ilk yarısından etibarən rutin işlərlə məşğul olun. Cari məsələlərin həllini təxirə salmayın. Yaxın ətrafınızdakı insanlar sizi tələsdirməyə başlayacaq, yeni tapşırıqlar vermək istəyəcəklər. Mövcud fəaliyyət sahənizdəki təfərrüatları nəzərə alın.

Günün ikinci yarısında problemlərin həllinə yaradıcı yanaşın. Nəyisə dəyişmək, islahatlara uğratmaq olar. Xırda saydığınız məsələlər diqqətinizdən yayınmasın.

Qənaətcil olun. Bədxərclik etməyin. Çoxdan axtardığınız nəsnəni tapa bilərsiniz.

Şir - tərəfdaşlara inanmaq olar. Onların təşəbbüsü işlərinizə fayda verəcək. Üstəlik, daha çox zəhmət çəkməli olmayacaqsınız. Kommersiya təklifləri, birgə fəaliyyət, kollektiv sifarişlərlə bağlı məsələlərə maksimum diqqət ayırın.

Mənfəət və gəlir vəd etməyən işlərdən uzaq durun. Borcu qaytarsalar və ya çoxdan gözlədiyiniz məbləği əldə etsəniz, o pulları xərcləməyə tələsməyin.

Yaxın gələcəklə bağlı perspektivlərin ilkin konturları günün ikinci yarısında bəlli olacaq. Niyyətlərinizi dəqiqləşdirin, məqsədləri konkretləşdirin. Fəaliyyət istiqamətlərində dəyişikliklər istisna deyil.

İstənilən yük, mənasız əlaqələr və effektivliyini itirmiş planlardan qurtulun. Yaxınlarınıza təsir etməyə çalışmayın.

Qız - yeni təmayüllərə uyğunlaşıb şərtlərdən faydalana bilməsəniz, geriləmə labüddür. Ötənlərdəki mühüm hadisələrdən birinin əks-sədası, afterşoku yaşanacaq,

Köhnə əlaqələri bərpa edin, yeniliklərə can atmayın. Önəmli saydığınız insandan məlumat alacaqsınız.

Yaşamınızın cari konturlarını dəyərləndirərək yeni istiqamətlər və yollar seçin.

Günün ikinci yarısında durum nevroz, gərgin olacaq. İşlərin əhəmiyyətli hissəsini başqasına həvalə etməyin. İfrat aktivlik gözlənilən nəticəni verməyə bilər.

Axşam saatlarında normal istirahət etməyə çalışın. Mühüm xəbərlər sizdən yan keçməsin.

Tərəzi - qüvvənizə qənaət edin. Yaşananları tələsmədən təhlil edin. Hadisələri dəyərləndirin. Təkrarçılıq, dönüşlər və mərhələlər tələb edən işlərlə məşğul olmayın.

Sürətlə irəliləmək üçün zəruri vasitələri seçin. Ehtiyac yaranarsa, ənənəvi metodları yeniləmək gərəkdir. Məlumat, informasiya, təhsillə bağlı yeni layihəyə başlamayın. Mövcud işləri tamamlamağa çalışın.

Yarımçıq heç nə saxlamayın.

Günün ikinci yarısında rəqibləri üstələməyə çalışın. Axşam saatlarında normal istirahət etməyə çalışın.

Əqrəb - ifrat mühafizəkarlıq etməyin, yeni ideyaların arasında sərfəli olanı seçin və reallaşdırmağa başlayın. Təmaslarınızdakı mənasız nüanslardan qurtulun. Yaxınlarınızla münsibətlərdə soyuqqanlı olun. Səbrli və təmkinli davranın.

Yaxınlarınızla münasibətlər aşkarlıq, səmimiyyət tələb edir. İstənilən mövzuda açıq danışmaqdan çəkinməyin. Sizə dəyər verən insanlar problemlərin həllində maraqlıdır.

Günün ikinci yarısında qüvvə və vəsaitinizə qənaət edin. Arzuları reallıq saymayın. İlk baxışdan maraqlı görünən təklifə şirnikməyin.

Axşam saatları şəxsi münasibətlər üçün pozitiv dönəmdir. Bildiyiniz sahələrdən danışın.

Oxatan - xoş xatirələrinizlə bağlı yerlərə yenidən yollanmaq olar. Çoxsaylı ideyalar və təkliflərə aldanmayın. Aldığınız məlumatı təhlil edin. Perspektivləriniz üçün faydalı istiqamətləri seçin.

Yeni işə və layihəyə ruh yüksəliyi, şövqlə başlayın. Dəstək alacaqsınız. Zəif mövqeni və ya problemli məqamı aradan qaldırmasanız, sürətlə inkişaf edən layihədə geriləmə, axsama və ya ləngimə ola bilər.

Kollektiv fəaliyyətdə öhdəliklər, anlaşmalar, müqavilələr və tapşırıqlara yenidən baxın.

Münasibətlərdə çoxdan bəri aydınlaşmanı tələb edən məqamlar dəqiqlik tələb edir. Proses başlanıbsa, məzmuna fikir verin.

Oğlaq - şərik və tərəfdaşların yaxşı ideyaları var. Onlardan faydalı məlumatlar alacaqsınız. İdeyalarınıza ehtiyac var.

Məlumatları təhlil edin, yoxlayın. Rutin, yeknəsək işlərlə məşğul olmaq mümkündür. Sizi sakitləşdirən məqamları qulaqardına vurmayın.

İşdə rəhbərliklə, evdə ailə üzvləri ilə sərt danışmayın. Münaqişəli situasiyalar yaratmayın. Yeni öhdəliklər və tapşırıqlar istisna deyil.

Əhvalınızı korlaya biləcək xəbər ala bilərsiniz.

Mövqelərinizi möhkəmləndirin, çalışdığınız arealda qayda yaradın. Köhnə əlaqələrin taleyini həll edin.

Alış-verişdə çox pul xərcləməyin.

Axşam saatlarında təmirlə məşğul olmaq mümkündür.

Dolça - günün ilk yarısından başlayaraq maraqlarınızın təminatına çalışın. Emosional davranmayın, hisslərinizə hakim olun. Romantikaya qapılmayın.

Ailə üzvlərinizdən və ya qohumlarınızdan birinin qayğıya ehtiyacı var.

Çətin məsələlərin həllinə başlayın. Problemlərin həllini təxirə salmayın.

Günün ikinci yarısında işdə problemlər yarana bilər. Ön sıralarda olun. Məhz sizin aktiviliyiniz tarıma çəkilmiş əsəblərin sakitləşdirilməsində həlledici rol oynaya bilər. Axşam saatları müzakirələr və ya toplantılar üçün əlverişlidir.

Balıqlar - fəaliyyət prosesi üçün gərəkli informasiyanı arayın. Məsləhətləşmə, müzakirələr, yazışma, toplantı, işgüzar tərəfdaşlarla təmaslar üçün yaxşı gündür. Xəbərlərin bəziləri sizdə nigaranlıq və pərişanlıq hissləri yarada bilər.

Ruhdan düşməyin, bədbinliyə qapılmayın.

Günün ikinci yarısında yaxın ətrafınızdakı insanlardan birinin maraqlarını öz mənafelərinizdən üstün tutun. Səfər, ezamiyyət, dostlarla yola çıxmaq üçün münasib zamandır. Gərgin situasiyalarda sözdən işə keçin.

Qətiyyətli, əzmli olun.

Ölkə.Az

ŞƏRH YAZ
0

Ac qalmaq sağaldır, iştah öldürür — Əsl aclıqla iştahı ayırmağın SİRRİ

Ac qalmaq sağaldır, iştah öldürür
08:50
Bu gün
1471
Maraqlı
A
Süfrə arxasında adətən "Nuş olsun” deyib, bir-birmizə yaxşı iştah, dadlı təamdan zövq arzulayırıq. Bununla da biz özümüzü və yaxınlarımızı bilmədən xəstəlik və əziyyətlərə proqramlaşdırırıq. Biz onlara tez ölüm arzulayırıq. Çünki qarşısıalınmaz iştaha, nəfs və çox yemək sürətlə ölümə yaxınlaşmaq deməkdir.
"Ölkə.Az" medicina.az-a istinadən xəbər verir ki, sağlam, gümrah olmaq üçün insan qidanı yalnız və yalnız həqiqi aclıq hissi olanda, orqanizm acanda qəbul etməlidir.
 
Amma sivil insan yemək qəbulunu rejinə salıb: günortadırsa yeməliyəm, axşam düşdü yeməliyəm, dostlarla oturmuşam yeməliyik, ad günüdür yeyim.
 
Araşdırmalar göstərib ki, biz heç vaxt əsl aclıq hissi keçirmirik. Bizdə olan iştahdır. 
 
Bəs aclıqla iştahı necə ayırmalı?
 
İştaha yeməyin ətri, dadı, görüntüsü, yemək haqqında fikirlərlə formalaşır. İştah gəlibsə, orqanizm acdır, yemək istəyir demək deyil. Onun reallıqla əlaqəsi yoxdur. 
 
Gündə 4-5 dəfə lazım oldu olmadı yeməyə alışmış insanda iştat mədədə boşluq, qəribə xoşagəlməz hiss, halsızlıqla özünü büruzə verir.
 
Yedikdən sonra mədəsi dolur və bu toxluq ona rahatlıq gətirir. Bundan sonra elə bilir ki, yemək ona lazım olan ən yaxşı şeydir.
 
Əslində isə bu simptomlar bədənin yeməyə ehtiyac duyduğunu göstərmir. 
 
Belə olanda bu üsulu edin:
 
İştah gələn kimi bir stəkan təmiz su için. Təəccüblü olsa da, o əjdaha iştahı yoxa çıxacaq. Bir də 2 saatdan sonra qayıdacaq. O zaman yenə bir stəkan su için. O yenə gedəcək. Beləcə siz 2-3 dəfə bunu təkrarlaya bilərsiz. Bu onu göstərir ki, həqiqi aclıq hiss etmirsiz. Həqiqi aclıqda su onun qarşısını almır. 
 
Əgər siz gündüz saat 12-dən axşam 6-ya kimi hər dəfə iştah gələndə su içsəniz, çox asanlıqla axşama kimi yeməksiz keçinə biləcəksiz. 
Biz orqanizmimizi eşitməyi və anlamağı çoxdan unutmuşuq. 
 
 
 
Nə vaxt ac olduğumuzu isə bilmirik. 
 
Aclıq da susuzluq kimidir, ağız və boğazda hiss olunur. 
Əgər insan həqiqi aclıq vaxtı bir tikə çörək, ya bir alma, ya bir salat yesə, o bundan əsl həzz alacaq. Bu qida bədənin hər hüceyrəsi, molekulları tərəfindən acgözlüklə mənimsənilib, hər zərrəsi fayda verəcək. Qida yaxşı həll olacaq, onda olan maddələr lazımi orqanlara çatacaq.
 
Yox əgər iştah zamanı bir qab yemək yesək, o həzm olmur, bədəndə yağ, şlak və toksinə-yəni zibilə çevriləcək.
 
İnsan həqiqətən acanda yemək yesə, qidaya gündəlik tələbatı 3 dəfə azalacaq, qəbul etdiyi miqdar da xeyli düşəcək. Normada 3-4 dəfə yeyən insan 3000 kalori alır. Onlar isə zibilə və kanalizasiyaya gedir. İnsana 600 kalori kifayətdir, bunu isə acanda orqanizmə vermək lazımdır.  
 
İştah duzlu, acılı, ətirli, yağdan bol qidalar tələb edir, hər dəfə daha çox, daha çox yemək istəyir. 
 
Getdikcə dadbilmə azalır. İştah gələndə insan bir neçə yeməyi qarışdırır, birinci, ikinci, üçüncü, sonra desert istəyir. Bir-birilə uyğun gəlməyən ərzaqları mədəsinə doldurur. 
 
Həqiqi aclıq olanda isə insan instinktiv olaraq ona lazım olan bir qidanı seçir, rəngarənglik isə onun ürəyini bulandırır. 
 
Əgər siz həqiqi aclıqla iştahı fərqləndirə bilsəniz, iradənizlə iştahın yox, aclığın istədiyini etsəniz, zaman kecdikcə görəcəksiniz ki, pullarınız zibil kimi qidalara yox, sağlam və az qidaya gedir. Getdikcə daha gənc, enerjili olursuz və gücünüz artır.
 
 
 
ŞƏRH YAZ
0

Qanınızı təmizləmək istəyirsiz? — Qanı toksinlərdən yuyan 7 qida

Qanınızı təmizləmək istəyirsiz?
07:25
Bu gün
1587
Maraqlı
A
İnsan özünü pis hiss edirsə, əhvalı düzəlmirsə, daim yorğundursa, baş ağrısı, boyun ağrısı - bütün bunlar qan dövranının çox zəif olması, oksigen aclığı, qanın toksinlərlə zəhərlənməsinin göstəricisidir. Qanı tamamilə dəyişib yeniləmək mümkün olmasa da, bəzi qidaların, bitkilərin qəbulu ilə orqanizmin özünü təmizləmə funksiyasını işə sala bilərsiz.
Qanı bizim bədənimizdə qaraciyər və böyrəklər təmizləyir. Əgər onlar yaxşı çalışırsa, qan təmiz olacaq. Bəzən isə onların işi də bizim günahımızdan yaxşı olmur. Bu zaman orqanizmə dəstək lazımdır.
 
"Ölkə.Az" medicina.az-a istinadən qanı təmizləyən vasitələri təqdim edir:
 
 
1.Porey soğan
 
Bu soğan marketlərdə satılır, uzun yaşıl gövdəsi olur. Qandan sidik turşunu qovur. Eləcə də təhlükəli maddələri zərərsizləşdirir. Siz onu alıb, doğrayıb sadəcə yeyə və ya tərəvəz kokteylində içə bilərsiz. Artrit və podaqraya qarşı yaxşıdır.
 
2. Fındıq
 
Qandan xolesterini çıxarır, qaraciyəri təmizləyir, ürəyin işini yaxşılaşdırır
 
3. Sarımsaq
 
Limfa və qanı təmizləyir, dezinfeksiya edir, hüceyrələri aktivləşdirir. Bir şərtlə ki, gündə 1 diş qəbul edəsiz.
 
4. Kök, balqabaq, çuğundur 
 
Bu tərəvəzlərin şirəsi karotinoidlərlə zəngindir, qaraciyərin hüceyrələrini bərpa edir. Qanın iltihablaşmasının qarşısını alır. Çuğundurda olan azot qan dövranını artırır. Bu tərəvəzləri zeytun yağı ilə birgə qəbul edin. 
 
5. Pomidor
 
Likopin qanın tərkibini, rəngini yaxşılaşdırır. 
 
 
6. Xren (qıtıqotu)
 
Onun kökünü sürtgəcdən keçirib, zeytun yağı qatıb, gündə 1 çay qaşığı qəbul edin. Qaraciyərin yükünü azaldır, qanı təmizləyir
 
7. Yabanı ağ kök – Pasternak
 
Qan dövranını çox gözəl təmizləyir. İstər bişmişi, istər şirəsi qanı yüngülləşdirir
ŞƏRH YAZ
0
BAĞLA