“Yaxşı olardı ki, deputatlara da medal verilsin” — Deputatdan TƏKLİF

“Yaxşı olardı ki, deputatlara da medal verilsin”
16:51
12.10.2018
502
Siyasət
A
Milli Məclisin bu gün keçirilən iclasında “Diplomatik xidmətə verilən töhfəyə görə" medalının təsis edilməsi ilə əlaqədar "Azərbaycan Respublikasının orden və medallarının təsis edilməsi haqqında" qanunda dəyişiklik edilməsi barədə qanun layihəsi (ikinci oxunuş) təsdiqlənib.

“Ölkə.Az” xəbər verir ki, müzakirələr zamanı İctimai birliklər və dini qurumlar komitəsinin sədri Siyavuş Novruzov təkliflə çıxış edib. 

S.Novruzov bildirib ki, icraedici strukturlar öz medallarını hazırlayıblar: 

“Ancaq Parlament deputatlara xatirə medalları təqdim edir. Yaxşı olardı ki, uzun müddət MilliMəclisdə xidməti olan şəxslər də medallarla təltif edilməlidir. Bununla bağlı yeni medal təsis edilsə daha yaxşı olar. Hər bir dövlət strukturu üçün medallar təsis edilib. Hesab edirəm ki, Milli Məclis də öz əməkdaşları, deputatlar üçün xatirə medalını əvəz edən medal təsis etməlidir”. 

Deputat Vahid Əhmədov isə bildirib ki, deputatlara 100 illik yubileylə bağlı xatirə medalları verilib: 

“Lakin yaxşı olardı ki, Azərbaycan Xalq Cümhuriyyətinin 100 illik yubileyi ilə bağlı deputatlara əsl medal verilsin. 

Milli Məclis Sədrinin birinci müavini Ziyafət Əsgərov isə bildirdi ki, bu məsələyə baxılacaq”.

Daha sonra millət vəkili Vahid Əhmədov həmkarına dəstək verib. 

V.Əhmədov həmçinin qeyd edib ki, Cümhuriyyətin 100 illiyi ilə bağlı başqa qurumlara medallar təsis edilib verilir:

“Amma biz millət vəkilləri belə bir medalla təltif edilmirik. Bəlkə belə medal verilməyə Milli Məclisdə layiqli adam yoxdur? Bu, çox ciddi məsələdir. Onsuz da Milli Məclisin səlahiyyətlərini əlindən almısınız. Bir medal nədir ki, onu deputatlara vermirsiniz?  Bu elə bir məqamdır ki, biz özümüzə qiymət verməliyik. Belə olmaz axı?!”.

Birinci vitse-spiker Ziyafət Əsgərov isə deputatın fikirlərinə belə cavab verib: 

 “Əvvəla, qeyd edim ki, xatirə medalları deputatlara verilib. İkincisi, Milli Məclisin kifayət qədər səlahiyyətləri var. Cümhuriyyətin 100 illiyi ilə bağlı deputatlara medal verilməsi məsələsini  müzakirə etmək olar. Lazım olsa, bu məsələ də müzakirə olunub qərar verilər”.

Vasif Həsənli
Ölkə.Az

ŞƏRH YAZ
2

lham Əliyev ilin idman yekunlarına həsr olunan mərasimdə

lham Əliyev ilin idman yekunlarına həsr olunan mərasimdə
11:58
Bu gün
462
Siyasət
A
Dekabrın 13-də Milli Olimpiya Komitəsində 2018-ci ilin idman yekunlarına həsr olunan mərasim keçirilib.

"Ölkə.Az" xəbər verir ki, Azərbaycan Respublikasının Prezidenti, Milli Olimpiya Komitəsinin prezidenti İlham Əliyev mərasimdə iştirak edib.

Dövlət başçısı tədbirdə çıxış edib.

Sonra 2018-ci ilin yekunları üzrə təltifedilmə mərasimi olub.

Ölkə.Az

ŞƏRH YAZ
0

Ermənistanın XİN işçisi Bakıya gəlir

Ermənistanın XİN işçisi Bakıya gəlir
11:22
Bu gün
764
Siyasət
A
Dekabr ayının 14-də Bakıda Qara Dəniz İqtisadi Əməkdaşlıq Təşkilatı (QDİƏT) Xarici İşlər Nazirləri Şurasının iclası keçiriləcək.

“Ölkə.Az” xəbər verir ki, Ermənistan tərəfi də tədbirdə iştirak etmək üçün nümayəndə göndərəcək. Bu barədə Ermənistanın xarici işlər nazirliyinin mətbuat xidmətinin rəhbəri Anna Naqdalyan məlumat verib.

Məlumata əsasən, Bakıda keçiriləcək iclasda Ermənistanı Xarici İşlər Nazirliyinin Çoxtərəfli və İkitərəfli İqtisadi Əməkdaşlıq Departamentinin rəisi Aşot Koçaryan təmsil edəcək.

Qeyd edək ki, Azərbaycan QDİƏT-ə sədrliyi bu ilin iyun ayında qəbul edib.

Ölkə.Az

ŞƏRH YAZ
0
BAĞLA