Yazıçı Anar müalicə üçün xaricə gedib?
Azərbaycan Yazıçılar Birliyinin sədri (AYB), xalq yazıçısı Anar Rzayev müalicə olunmaq üçün Türkiyəyə gedib.
“Ölkə.Az”ın əldə etdiyi məlumata görə, ötən həftə yazıçı Anarın səhhətində narahatlıq yaranıb. Hazırda yazıçının vəziyyətinin normal olduğu bildirilir.
Məsələ ilə bağlı AYB-nin İctimiayyətlə Əlaqələr Şöbəsinin rəhbəri Xəyal Rza “Ölkə.Az”a açıqlamasında bildirib ki, hazırda Anar Rzayev Praqada səfərdədir:
“Anar müəllim Çexiyada səfərdədir, bir sıra görüşlər keçirir. Fevralın 21-də Bakıya qayıdacaq. Onun müalicə olunmaq üçün Türkiyəyə getməsi barədə məlumatım yoxdur”.
Vasif Həsənli
Ölkə.Az