Yeganə: "Hacı seyfdən pul çıxarıb verdi ki, get, maşını dəyiş" — MÜSAHİBƏ

Yeganə:
17:23
07.04.2018
10893
Maqazin
A

Müğənni Yeganə Mürsəlova "Ölkə.Az"ın suallarını cavablandırıb.

- Yeganə xanım, ənənəvi sualımı vermək istəyirəm. Yaradıcılığınızdakı yeniliklərdən danışaq.

- İllər öncə oxuduğum "Taleyim" mahnısını yeni formada aranjeman etdirmişəm. Düzdür, bu mahnı remiks formada oxunub. Ancaq mahnının bəstəkarı Natiq Şuşalı bir həftə öncə vəfat etdi. Bu ifamı onun xatirəsinə ithaf edirəm. Mahnının yazılmasından təxminən iyirmi il ötsə də, bu gün də sevilir. Ondan sonra təsniflər, muğam, bəstəkar mahnıları oxudum. İndi də bu mahnıyla tanınıram.

- Yenidən təsniflərə, muğamlara müraciət etmək fikriniz varmı?

- Bəli, fikrim var. Hər dəfə çalışıram ki, gənc bəstəkarlara da müraciət edim. Çalışıram ki, bütün janrlara müraciət edim.

- Gənc bəstəkarlardan mahnı oxumağınız onlara dəstək xarakteri daşıyır, yoxsa peşəkar bəstəkarlara qonorar ödəyib mahnı almaq istəmirsiniz?

- Peşəkar bəstəkarlara da, gənclərə də eyni məbləği ödəyirəm.

- Məsələn, Tunar Rəhmanoğludan oxuduğunuz mahnıya görə pul ödəmisiniz?

- Əlbəttə, ödəmişəm. Qonorarsız iş olar? Hərdən məndən soruşurlar ki, Türkiyədə buraxdığın alboma nə qədər pul xərclədin? Bu sualdan iyrənirəm. Heç soruşan yoxdur ki, buradakı mahnılara, kliplərə, albomlara nə qədər pul xərcləmisən? Guya burada havayı verirlər ki? Gənc bəstəkar da ailəsini dolandırmalıdır, onun da işi budur. Əgər toydan pul qazanıramsa, bəstəkara da qonorar ödəməliyəm.

- Əgər yenə də toylardan qazanacaqdınızsa, Türkiyədə çəkdirdiyiniz kliplərə nə ehtiyac var idi? Axı sizi bu gün oxuduğunuz "Tapşin" mahnısına görə yox, "Taleyim"ə, yaxud aşıq mahnısına görə məclislərə dəvət edirlər...

- Mən ora fərqi görmək üçün pul xərcləməyə getməmişdim. Azərbaycanda Tahir Əkbər, Hikmət Mirməmmədli, Faiq Sücəddinov, Nailə Mirməmmədli, Gövhər Həsənzadə, Xanım İsmayılqızı kimi bütün tanınmış bəstəkarlarla işlədim. Hətta Humayun, Dilkeş təsniflərini lentə aldırdım. Allah ustadım Ağaxan Abdullayevə rəhmət eləsin. O, əvəzolunmaz sənətkar olmaqla yanaşı, böyük ustaddır və elə ustad bir daha doğulmayacaq. Ağaxan müəllim Alim Qasımovun da ustadıdır. Yadınızdadırsa, həmin ərəfədə əksər sənətçilər qonşu ölkələrə, xüsusən Gürcüstana, Rusiyaya üz tuturdu. Dedim ki, Gürcüstana, Rusiyaya gedincə, Türkiyəyə gedim.

- Həm də orada ailə həyatı qurdunuz...

- Türkiyədə işləyəndən iki il sonra ailə həyatı qurdum. Bəzən bu barədə xoşagəlməz şeylər yazırlar. Nə həyat yoldaşım icazə verir, nə də özüm münasibət bildirmək istəyirəm. Deyirlər ki, Yeganə ora ərə getməyə getmişdi. Yeganə Türkiyədə o boyda işlər gördü və iki il sonra ailə qurdu. 

- Bildiyimə görə Azərbaycanın tanınmış sənətçilərindən biri sizə evlilik təklifi etmişdi...

- Elə şey olmayıb. 

- Bəzi sənətçilər deyirlər ki, övladımın sənətçiylə ailə qurmasını istəmərəm. Sizcə, doğru yanaşmadır?

- O sözləri eşidəndə əsəb keçirirəm. Oğlum Ömər evlənmək yaşına çatanda bir müğənni, yaxud rəqqasə, aktrisayla evlənmək istəsə, mən ona zidd gedəcəm? Əsla. Yoldaşım mənimlə evlənəndə qaynanam deyərdi ki, bunu alma da. 

- Yəni belə bir şərt olmayıb...

- Bəli, olmayıb. Hamı bilir ki, qaynanam mömin xanım olduğuna görə musiqi dinləmir. Görsə ki, efirdəyəm, keçib mətbəxdə işini görəcək, yaxud kitab oxuyacaq. Qaynanam Türkiyənin Niğde, qaynatamgil Qaradəniz bölgəsindəndirlər. Laz deyillər, qaradənizlidirlər. Bəzən yoldaşımdan soruşurlar ki. Fatih, sən haralısan? Deyir ki, Ağsudanam. Deyirlər ki, qadınköylü oldun? (gülür) Qaradənizli olmaq hətta oğlum Ömərdə də özünü göstərir. Bu yaxınlarda bir xınayaxdıda olduq. Ortalıqda qadınlarla oynayırıq. Gəlib mənə gözünü ağardır ki, get otur. Rəfiqələrim deyir ki, Fatih sənə belə demirdi, Ömərin yeddi yaşı var, indidən qadağalar qoyur. Deyirəm ki, bu, Qaradəniz qanı daşıyır e, gen özünü göstərməlidir. Fatih şirvan ləhcəsini də bilir. Harasa gedəndə ətrafımızdakılar Türkiyə türkcəsində danışanda, yoldaşım deyir ki, qardaş, özünü niyə öldürürsən, Azərbaycan dilində danış, mən səni başa düşürəm. Yeni ailə quranda rus dilini bilmirdi. Bakıdan zəng gələndə rusca danışırdım. Deyirdi ki, rusca danışma, səni kəsərəm, başa düşmürəm (gülür). Artıq rus dilində özü də başa düşür.

- Həyat yoldaşınız hazırda Bakıdadır?

- Hazırda İstanbuldadır. Bu yaxınlarda İstanbulda Şişli Bələdiyyəsinə müdir keçdi. 

- Söhbətimizin əvvəlində bildirdiniz ki, "Taleyim"i iyirmi il öncə oxumusunuz...

- Bəli, o mahnını oxuyanda 17 yaşım var idi. 1981-ci ildənəm və heç zaman yaşımı gizlətməmişəm. Bəzən məclislərdə saçı ağarmış cütlüklər yaxınlaşıb deyirlər ki, biz sənin mahnılarınla bir-birimizi sevirdik, biz sənə qulaq asanda balaca uşaq idik. Axırda məclislərin birində ürəyim dözmədi. Dedim ki, ay qardaş, sənə qurban olum, mən Sara Qədimova, Tükəzban İsmayılova deyiləm. Neçə yaşım var ki, mənə qulaq asanda balaca uşaq olmusan. İlk mahnım "Yaşamaq istəmirəm" çıxanda 16-17 yaşım vardı. Kanalların birində AzTV-də çəkilmiş lent yazımı efirə verdilər. Baxıram ki, illər nə tez keçir. 

- 2000-ci illərdə albomu ən çox satılan sənətçilərdən idiniz. Maraqlıdır, o zaman albomlarınızdan qonorar əldə edirdiniz? 

- "Yaşamaq istəmirəm" mahnım çıxan günün səhəri idi. "Səbuhi" studiyasının rəhbəri Hacı deyib ki, bu qız kimdirsə, təcili tapın. Məni tapdılar, Hacıyla söhbətləşdik və razılıq əldə olundu. Hətta bir dəfə studiyaya "Nissan Maxima" ilə getmişdim. Dedi ki, maşını niyə dəyişmirsən? Dedim ki, pul verin, dəyişim də. Seyfdən pul çıxarıb verdi ki, get maşını dəyiş. Çünki həmin illərdə ən çox tələb olunan 3-4 müğənni var idi. Rəhmətlik Şəfa, Vüsal Əliyev və mən ən çox albomu satılan sənətçilər idik.

İntiqam VALEHOĞLU
Ölkə.Az

ŞƏRH YAZ
0

Məşhurlar və müqavilələr — Ulduzlara nə qadağan edilib?

Məşhurlar və müqavilələr
18:51
19.01.2019
5737
Maqazin
A
Bu gün bir çox Hollivud ulduzunun imzaladığı müqavilədə onlara sosial şəbəkədə söhbət etməyi qadağan edən bənd var.

“Ölkə.Az” xəbər verir ki, bu bəndin məqsədi filmin ssenarisinin gizli qalmasıdır. Çünki bəzən aktyorlar film haqqında ən maraqlı hissələri əvvəlcədən deyirlər.

Bu gün oxuculara ulduzlara qadağan edilən məsələlərdən məlumat verəcəyik.

Kosmosa uçuş

Футболист
İsveçli yarımmüdafiəçi Stefan Şvarts idman karyerasının zirvəsində kosmosa uçmaq istəyib. İdmançı uçuş üçün şəxsi pulundan ödəmə etmək istəyib. Futbol klubunun nümayəndələri bunu eşidəndən sonra, müqavilədə tezliklə kosmosa uçmağı qadağan edən bənd peyda oldu.

İntihar

Деми

Demi Lovato yeniyetmə yaşlarından məşhurlaşıb. Bununla yanaşı, psixoloji böhran da başladı. Demi tez-tez depresiyaya düşdüyü üçün işləyə bilmirdi. Bunu bilən prodüserlər müqaviləyə yeni bənd əlavə etdilər. Bəndə əsasən, Lovato intihar edə bilməzdi. Demi yetkinlik yaşına çatmadığı üçün onun valideynləri bu bəndə əməl etməli idilər.

Yalnız qələbə

Боксёр
Boksçu Marko Xuk “Sauerland Event” promouterləri ilə müqavilə imzalayıb. Müqavilədə boksçuya məğlub olmaq qadağan edilib. Məğlubiyyət olsa, müqavilə qüvvədən düşür.

Gülüş

Бастер
Amerikalı aktyor Kiton Baster “Gülüşsüz komediya ustası” adı ilə tanınırdı. Karyerasının böyük hissəsini səssiz filmlərdə çəkilib. Baster komediya aktyoru idi amma tamaşaçı onun güldüyünü heç vaxt görməyib. Müqaviləyə əsasən, aktyor çəkiliş meydançasında və kənarda gülə bilməzdi. Əgər bəndə əməl etməsə, cərimə ödəməli idi. Prodüserlərin fikrinə görə, aktyorun hissiyatsız üzü daha gülməli idi.

Kazinonun tələbi ilə

Спирс
Britni Spirs Las-Veqasdakı bir kazino ilə müqavilə imzalayıb. Müqavilənin şərtinə əsasən, müğənni həftədə iki dəfə qonaqlar qarşısında çıxış edəcək. Amma müqavilədə müəyyən qadağalar da var. Britni hamilə qala bilməz və spirtli içki qəbul edə bilməz.

Pepsi yoxsa kola?

Роналдиньо

2011-ci ildə Ronaldinyo və “Coca-Cola” müqavilə imzalayıb. Futbolçu şirkətin reklam kampaniyasında iştirak etməli və 750 min dollar qonorar almalı idi. Əməkdaşlığın 3 il davam edəcəyi gözlənilsə də, müqavilə 6 aydan sonra pozuldu. Buna səbəb isə Ronaldinyonun bir tədbirdə “Pepsi” içməsi olub.

Qadağa altında virtual oyunlar

Хоккей

“Vankuver Kenaks” klubunun sahibləri xokkeyçilərə yarışlara oyun aparatı götürməyi qadağan ediblər. Məşqçilərin fikrinə görə, oyunçular bütün gecə oyuncaqla oynamaqdansa, bir-birləri ilə söhbət etməlidirlər.

Hikmət Həsənov
Ölkə.Az

ŞƏRH YAZ
0

"Falçıya 1000 manat veriblər ki, mənə cadu etsin" — Aparıcıdan açıqlama

14:10
19.01.2019
5055
Maqazin
A
Zaur Baxşəliyev efirdən ona edilən cadudan danışıb.

“Ölkə.Az” xəbər verir ki, o, bu barədə aparıcısı olduğu “Zaurla Günaydın” proqramında açıqlama verib.

“ O gün biri mənə görə falçıya gedib ki, ala bu  1000 manatı elə et ki, Zaur  efirdə yıxılsın. Zalımın qızı, gətir o 1000 manatı mənə ver, bir gün sənin üçün verilişdə susum. Üç min manat ver, yerə yıxılım. Niyə pulunu ora-bura tökürsən?” 

Ölkə.Az

ŞƏRH YAZ
0
BAĞLA